Bakı Şəhəri Xətai Rayon Məhkəməsi Qərardad — İş №3(011)-1807/2022

Azərbaycan Respublikası adından QƏRARDAD Bakı şəhəri İş № 3(011)-1807/2022 17.05.2022 BAKI ŞƏHƏRİ XƏTAİ RAYON MƏHKƏMƏSİ Hakim Yaqubov Fərid Murtuza oğlunun sədrliyi, "xxxx" MTK-nın direktoru Həmid Qafarov tərəfindən Azərbaycan Respublikası Dövlət Reklam Agentliyi Bakı şəhəri Reklam İdarəsinin 27 aprel 2022-ci il tarixli, MN ******* nömrəli inzibati xəta haqqında protokolun ləğv edilməsi barədə verilmiş şikayəti nəzərdən keçirib, müəyyənetdi: "xxxx" MTK-nın direktoru Həmid Qafarov şikayət ərizəsi ilə məhkəməyə müraciət edərək Azərbaycan Respublikası Dövlət Reklam Agentliyi Bakı şəhəri Reklam İdarəsinin 27 aprel 2022-ci il tarixli, MN ******* nömrəli inzibati xəta haqqında protokolun ləğv edilməsi xahiş etmişdir. Məhkəmə şikayəti və ona əlavə edilmiş sənədləri nəzərdən keçirib hesab edir ki, şikayət ona əlavə edilmiş sənədlərlə birlikdə şikayətçiyə geri qaytarılmalıdır. Azərbaycan Respublikası İnzibati Xətalar Məcəlləsinin: 61.1.6-ci maddəsinə əsasən barəsində inzibati xəta haqqında iş üzrə icraat aparılan şəxsin inzibati xətalar haqqında işlər üzrə icraatın təmin edilməsi tədbirlərinin tətbiqindən və iş üzrə qəbul edilmiş qərardan şikayət vermək hüququ var; 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər; 128.2.3-cü maddəsinə əsasən səlahiyyətli orqanın (vəzifəli şəxsin) qərarından - yuxarı səlahiyyətli orqana (vəzifəli şəxsə) və ya məhkəməyə inzibati xəta haqqında iş üzrə qərardan şikayət, prokuror isə protest verə bilər; Göründüyü kimi, qanunvericilikdə yalnız barəsində inzibati xəta haqqında iş üzrə qərar çıxarıldığı təqdirdə, həmin qərardan inzibati xətalar qanunvericiliyinin tələblərinə uyğun olaraq şikayət verilməsi nəzərdə tutulduğu halda, "xxxx" MTK-nın direktoru Həmid Qafarov ərizəsi ilə Azərbaycan Respublikası Dövlət Reklam Agentliyi Bakı şəhəri Reklam İdarəsinin 27 aprel 2022-ci il tarixli, MN ******* nömrəli inzibati xəta haqqında protokolun ləğv edilməsi xahiş etmişdir. Şikayətə əlavə edilmiş sənədlərdən müəyyən edilir ki, "xxxx" MTK barəsində qəbul edilmiş olan inzibati tənbeh vermə haqqında qərar şikayətə əlavə edilməmişdir. Əlavə olaraq şikayət vermiş şəxsə səlahiyyətli orqanın (vəzifəli şəxsin) müvafiq protokol əsasında qəbul edilmiş qərarından Azərbaycan Respublikası İnzibati Xətalar Məcəlləsinin 128.2.3-cü maddəsinə uyğun olaraq - yuxarı səlahiyyətli orqana (vəzifəli şəxsə) və ya məhkəməyə şikayət vermək hüququ izah edilməlidir. Azərbaycan Respublikası İnzibati Xətalar Məcəlləsinin 43, 114, 115, 128 və 132-ci maddələrini rəhbər tutaraq, məhkəmə qəraraaldı: Azərbaycan Respublikası Dövlət Reklam Agentliyi Bakı şəhəri Reklam İdarəsinin 27 aprel 2022-ci il tarixli, MN ******* nömrəli inzibati xəta haqqında protokolun qərarın ləğv edilməsi barədə "xxxx" MTK-nın direktoru Həmid Qafarov tərəfindən verilmiş şikayət və ona əlavə olunmuş sənədlər şikayətçiyə geri qaytarılsın. Sədrlik edən: Fərid Yaqubov