Bakı Şəhəri Xətai Rayon Məhkəməsi Qərardad — İş №3(011)-202/2023

Azərbaycan Respublikası adından QƏRARDAD Bakı şəhəri İş № 3(011)-202/2023 19.01.2023 BAKI ŞƏHƏRİ XƏTAİ RAYON MƏHKƏMƏSİ Hakim: Hacıyeva Sülhanə Sərdar qızının sədrliyi Məhkəmə iclasının katibi: X1 İnzibati xəta haqqında Bakı şəhəri Xətai RPİ 35-ci PB-sinin sahə rəisi, polis kapitanı protokolu tərtib etmiş: İslam Cəfərovun Barəsində inzibati xəta haqqında Şəxs iştirakları ilə protokol tərtib olunmuş şəxs: Mən, Bakı şəhəri Xətai Rayon Məhkəməsinin hakimi Hacıyeva Sülhanə Sərdar qızı, Bakı şəhəri Xətai RPİ-nin 35-ci PB-si tərəfindən Şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsi üzrə tərtib olunmuş xx.xx.2023-cü il tarixli, MN 142549 saylı inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq M Ü Ə Y Y Ə N E T D İ: Protokola görə Şəxs xx.xx.2023-cü il tarixdə növbətçi hissənin iş fəaliyyətini pozaraq polisin qanunu tələbinə riayət etməmişdir. Protokol tərtib etmiş orqanın nümayəndəsi bildirmişdir ki, barəsində protokol tərtib olunmuş şəxs yetkinlik yaşına çatmayan Şəxs qanuni nümayəndəsinin iştirakını təmin etmək mümkün olmamışdır. Məhkəmə iclası zamanı müəyyən etdim ki, inzibati xəta haqqında protokol tərtib edilərkən inzibati xətalar qanunvericiliyin tələbləri pozulmuşdur. Belə ki, müəyyən edilir ki, barəsində icraat aparılan şəxs Şəxs xx.xx.2006-cı il təvəllüdlüdür, yəni yetkinlik yaşına çatmayan şəxsdir. Azərbaycan Respublikası İnzibati Xətalar Məcəlləsinin 54.6-cı maddəsinə görə yetkinlik yaşına çatmayanlar barəsində inzibati xətalar haqqında, habelə öz təşəbbüsü ilə başlanmış inzibati xətalar haqqında işlərin baxılmasının yeri və vaxtı prokurora bildirilir. Həmin işə prokurorun iştirakı olmadan yalnız o hallarda baxıla bilər ki, işə baxılmasının yeri və müddətinin ona vaxtında bildirilməsi barədə məlumat olsun və ya işə baxılmasını təxirə salmaq haqqında ondan vəsatət daxil olmasın. Həmin Məcəllənin 63.1-ci maddəsinə əsasən barəsində inzibati xəta haqqında iş üzrə icraat aparılan fiziki şəxs və ya zərər çəkmiş şəxs yetkinlik yaşına çatmadıqda, yaxud fəaliyyət qabiliyyəti olmadıqda və ya məhdud fəaliyyət qabiliyyətli olduqda, həmin şəxslərin mənafeyini onların qanuni nümayəndələri təmsil edir. Lakin, təqdim edilmiş materiallarda yetkinlik yaşına çatmayan şəxs Şəxs barəsində inzibati xəta haqqında işin baxılmasının yeri və vaxtı prokurora bildirilməsi, habelə işə bu şəxsin qanuni nümayəndəsinin cəlb edilməsi görünmür, həmçinin məhkəmə iclasında barəsində protokol tərtib olunmuş şəxsin qanuni nümayəndəsinin iştirakı təmin olunmamışdır. İnzibati Xətalar Məcəlləsinin 106.0.3-cü və 106.0.5-ci maddələrinə əsasən hakim, səlahiyyətli orqan (vəzifəli şəxs) inzibati xətalar haqqında işlərə baxarkən inzibati xəta haqqında protokol və işin digər materialları bu Məcəllənin tələblərinə müvafiq olaraq tərtib edilib-edilməməsini və mahiyyəti üzrə baxılması üçün işdə kifayət qədər sübutların toplanıb-toplanmaması məsələlərini həll edir. Sözügedən Məcəllənin 109.1.6-cı maddəsinə görə inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 109-cu maddəsini rəhbər tutaraq məhkəmə Q Ə R A R A A L D İ M: Bakı şəhəri Xətai RPİ-nin 35-ci PB-si tərəfindən Şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsi üzrə tərtib olunmuş xx.xx.2023-cü il tarixli, MN 142549 saylı inzibati xəta haqqında protokol və ona əlavə edilmiş sənədlər geri qaytarılsın. İnzibati xəta haqqında protokolu tərtib etmiş orqanın diqqəti İnzibati Xətalar Məcəlləsinin 54.6 və 63.1-ci maddələrinin tələblərinə əməl etməyə cəlb edilsin. Sədrlik edən:Sülhanə Hacıyeva