Bakı Şəhəri Xətai Rayon Məhkəməsi Qərar — İş №3(011)-2142/2023

Azərbaycan Respublikası adından QƏRAR Bakı şəhəri İş № 3(011)-2142/2023 20.06.2023 BAKI ŞƏHƏRİ XƏTAİ RAYON MƏHKƏMƏSİ Mən, Bakı şəhəri Xətai Rayon Məhkəməsinin hakimi Sadıxov Rəfail Adil oğlunun sədrliyi, məhkəmə iclas katibi X2 iştirakı ilə Barəsində inzibati icraat aparılan şəxs Şəxsn iştirakı ilə, Şəxs barəsində Azərbaycan Respublikası İXM-in 398-ci maddəsi ilə inzibati xəta törətməsinə dair Azərbaycan Respublikasının İqtisadiyyat Nazirliyi yanında Dövlət Vergi Xidməti Bakı şəhəri X3 üzrə Baş İdarəsi tərəfindən daxil olmuş inzibati materiala baxaraq, MÜƏYYƏNETDİM: Şəxs Bakı şəhəri, Xətai rayonu, Əhmədli ŞTQ, ünvan 1 ünvanında yerləşən qeyri yaşayış sahəsində fəaliyyət göstərən “TUTU” uşaq bağçasında lisenziya tələb olduğu halda, lisenziya olmadan məktəbəqədər təhsil fəaliyyəti ilə məşğul olmaqla 600 manat gəlir əldə etməsi müəyyən edilmişdir. Bununla bağlı 05 may 2023-cü il tarixli, MN ******* saylı protokol tərtib olunaraq baxılması üçün Bakı şəhəri Xətai Rayon Məhkəməsinə göndərilmişdir. Məhkəmə iclasında barəsində inzibati icraata aparılan şəxs Şəxs izahat verərək bildirdi ki, o, lisenziya olmadan məktəbəqədər təhsil fəaliyyəti ilə məşğul olmuşdur. Bu səbəbdən də dəymiş zərər olan 600 manat dövlət büdcəsinə ödənilmişdir. Qeyd edilənlərə əsasən onun barəsində İXM-nin 398-ci maddəsi ilə başlanılmış olan inzibati icraata xitam verilməsini xahiş etmişdir. Məhkəmə iclasının yeri və vaxtı barədə qanunamüvafiq qaydada məlumat verilməsinə baxmayaraq, Dövlət Vergi Xidmətinin səlahiyyətli nümayəndəsi məhkəməyə gəlməmişdir. Məhkəmə, işə Dövlət Vergi Xidmətinin səlahiyyətli nümayəndələrinin iştirakları olmadan baxılmasını mümkün hesab etmişdir. Məhkəmə, iş materiallarını araşdıraraq hesab edir ki, Şəxs barəsində Azərbaycan Respublikası İnzibati Xətalar Məcəlləsinin 398-ci maddəsi ilə inzibati xəta haqqında iş üzrə icraata xitam verilməlidir. Belə ki, iş materiallarında olan Operativ vergi nəzarətinin həyata keçirilməsi haqqında **********4103 nömrəli qərardan görünür ki, Bakı şəhəri, Xətai rayonu, Əhmədli ŞTQ, ünvan 1 ünvanında yerləşən qeyri yaşayış sahəsində xüsusi razılıq tələb olunan fəaliyyət növləri ilə razılıq (lisenziya) olmadan məşğul olması aşkar edilmişdir. İş materiallarında olan Sahibkarlıq sahəsində aparılan yoxlamaların vahid məlumat reyestrindən KY231917570 nömrəli çıxarışdan görünür ki, xx.xx.2023-xx.xx.2023-cü il tarixlərdə plandan kənar yoxlamalar təşkil olunmuşdur. İş materiallarında olan İnzibati xəta haqqında iş üzrə icraatın başlanması və inzibati araşdırma aparılması haqqında 01 may 2023-cü il tarixli, **********357800 namrəli qərardaddan görünür ki, Şəxs dövlət qeydiyyatına alınmadan və ya sahibkarlıq faəliyyətinin həyata keçirilməsi üçün lisenziya tələb olunduğu hallarda belə lisenziya almadan sahibkarlıq fəaliyyəti ilə məşğul olduğuna görə barəsində Azərbaycan Respublikası İnzibati Xətalar Məcəlləsinin 398-ci maddəsi ilə inzibati xəta haqqında iş üzrə icraata başlanılmışdır. Məhkəmə hesab edir ki, Şəxsn Azərbaycan Respublikası İnzibati Xətalar Məcəlləsinin 398-ci maddəsində nəzərdə tutulmuş inzibati xətanı törətməsi tam sübuta yetirilir. Azərbaycan Respublikası İnzibati Xətalar Məcəlləsinin 398-ci maddəsinə əsasən, dövlət qeydiyyatına (vergi uçotuna) alınmadan və ya sahibkarlıq fəaliyyətinin həyata keçirilməsi üçün lisenziya tələb olunduğu hallarda belə lisenziya almadan sahibkarlıq fəaliyyəti ilə məşğul olmağa, yaxud lisenziyada nəzərdə tutulmuş şərtlərin pozulması ilə və ya xüsusi icazə olmadan mülki dövriyyəsi məhdudlaşdırılmış əşyalardan istifadə etməklə sahibkarlıq fəaliyyətinin həyata keçirilməsinə görə inzibati məsuliyyət nəzərdə tutulmuşdur. Azərbaycan Respublikası İnzibati Xətalar Məcəlləsinin 398-ci maddəsinin Qeyd hissəsinə əsasən, Bu Məcəllənin 398-ci maddəsində nəzərdə tutulan əməli ilk dəfə törətmiş şəxs inzibati xəta nəticəsində vurulmuş ziyanı tamamilə ödədikdə və ya inzibati xəta nəticəsində əldə edilmiş gəliri tamamilə dövlət büdcəsinə köçürdükdə inzibati məsuliyyətdən azad olunur. İş materiallarında olan "xxxx" ASC qəbzdən görünür ki, Şəxs tərəfindən 600 manat X1 hesabına ödənilmişdir. Həmin Məcəllənin 53.1.10-cu maddəsinə əsasən, bu Məcəllənin Xüsusi hissəsinin müvafiq maddələrinin Qeyd hissələrində bilavasitə müəyyən edilmiş hallarda inzibati xətanı törətmiş şəxs vurulmuş ziyanı tamamilə ödədikdə və zərərçəkmiş şəxslə barışdıqda inzibati xətalar haqqında işlər üzrə icraat başlanıla bilməz və başlanmış icraata isə xitam verilir. Həmin Məcəllənin 105.1-ci maddəsinə əsasən, Bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 109.2-ci maddəsinə əsasən, Bu Məcəllənin 53 və 104.1-ci maddələrində nəzərdə tutulmuş hallar olduqda inzibati xəta haqqında iş üzrə icraata xitam verilməsi və ya inzibati xəta haqqında iş üzrə icraatın dayandırılması barədə qərar qəbul edilir. Beləliklə, məhkəmə hesab edir ki, Şəxsn barəsində başlanmış inzibati xəta haqqında iş üzrə icraata İnzibati Xətalar Məcəlləsinin 398-ci maddəsinin Qeyd hissəsinə əsasən xitam verilməli və o, inzibati məsuliyyətdən azad edilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 43- 48, 53, 106-115, 117-ci maddələrini rəhbər tutaraq, QƏRARAALDİM: Şəxs barəsində Azərbaycan Respublikası İnzibati Xətalar Məcəlləsinin 398-ci maddəsi ilə başlanmış inzibati xəta haqqında iş üzrə icraata xitam verilsin və o, inzibati məsuliyyətdən azad edilsin. Qərarın surəti təqdim edildiyi və ya alındığı gündən 10 gün müddətində Bakı Apellyasiya Məhkəməsinə şikayət və ya protest verilə bilər. Sədrlik edən: Rəfail Sadıxov