Bakı Şəhəri Xətai Rayon Məhkəməsi Qərar — İş №3(011)-254/2023

Azərbaycan Respublikası adından QƏRAR Bakı şəhəri İş № 3(011)-254/2023 26.01.2023 BAKI ŞƏHƏRİ XƏTAİ RAYON MƏHKƏMƏSİ Hakim Sadıxov Rəfail Adil oğlunun sədrliyi, Güləliyev Rahil Oqtay oğlunun katibliyi, Bakı şəhəri Xətai Rayon İcra Şöbəsinin icra məmuru Xatir Məmmədov və barəsində inzibati xəta haqqında iş üzrə icraat aparılan şəxs Şəxs iştirakları ilə, Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə Bakı şəhəri Xətai Rayon İcra Şöbəsindən daxil olmuş inzibati xəta haqqında materiala baxaraq, m ü ə y y ə n e t d i: Bakı şəhəri Xətai Rayon İcra Şöbəsindən daxil olmuş inzibati xəta haqqında materiala əsasən, Bakı şəhəri Suraxanı Rayon Məhkəməsinin 2(010)-4763/2018 nömrəli, 21 avqust 2019-cu il tarixli, Bakı şəhəri Xətai Rayon Məhkəməsinin 2(011)-1132/2018 nömrəli, 09 yanvar 2018-ci il tarixli, Bakı şəhəri Xətai Rayon Məhkəməsinin 2(011)-1022/2022 nömrəli, 27 aprel 2022-ci il tarixli, Bakı şəhəri Xətai Rayon Məhkəməsinin e-2(011)- 6040/2018 nömrəli, 21 iyun 2018-ci il tarixli, Bakı şəhəri Xətai Rayon Məhkəməsinin e- 2(011)-2862/2021 nömrəli, 06 aprel 2021-ci il tarixli və Bakı şəhəri 52 saylı Notariat Kontorunun 19 may 2021-ci il tarixli icra sənədlərinin icrası ilə əlaqədar icra məmurunun qanuni tələblərini yerinə yetirməmişdir. Bununla da Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətmişdir. Bu barədə Bakı şəhəri Xətai Rayon İcra Şöbəsinin icra məmuru Xatir Məmmədov tərəfindən 26 yanvar 2023-cü il tarixli, MN ******* nömrəli inzibati xəta haqqında protokol tərtib olunmuşdur. İcra məmuru Xatir Məmmədov məhkəməyə verdiyi izahatında göstərdi ki, Bakı şəhəri Suraxanı Rayon Məhkəməsinin 2(010)-4763/2018 nömrəli, 21 avqust 2019-cu il tarixli icra sənədinə əsasən, X8, Şəxs, X9 və X4 müştərək qaydada 17088 ABŞ dolları əsas, 4082 ABŞ dolları faiz, 300 ABŞ dolları cərmə borcu olmaqla, cəmi 21470 ABŞ dolları məbləğində borc və 30 manat ödənilmiş dövlət rüsumu "xxxx" ASC-nin xeyrinə ödənilməlidir. Bundan başqa Bakı şəhəri Xətai Rayon Məhkəməsinin 2(011)-1132/2018 nömrəli, 09 yanvar 2018-ci il tarixli icra sənədinə əsasən, Şəxs, X2, X3, X1 və X7 birgə qaydada xx.xx.2017-ci il tarixli 17052017/196650 nömrəli kredit müqaviləsi üzrə 14887 ABŞ dolları əsas, 1030 ABŞ dolları faiz, 100 ABŞ dolları gecikdirməyə görə cərimə, cəmi 16017 (on altı min on yeddi) ABŞ dolları (pul tutulduğu anda manatın ABŞ dollarına münasibətdə müəyyən edilmiş məzənnəsi nəzərə alınmaqla manat hesabı) və ödənilmiş 30 (otuz) manat dövlət rüsumu "xxxx" ASC-nin xeyrinə ödənilməlidir. Bundan başqa Bakı şəhəri Xətai Rayon Məhkəməsinin 2(011)-1022/2022 nömrəli, 27 aprel 2022-ci il tarixli icra sənədinə əsasən, 36250 manat məbləğində əsas borc, 1649 manat dəbbə borcu və 204 manat məbləğində dövlət rüsumunun əvəzi Şəxs Mirzə oğlundan alınaraq "xxxx" MMC-yə ödənilməlidir. Bundan başqa Bakı şəhəri Xətai Rayon Məhkəməsinin e-2(011)-6040/2018 nömrəli, 21 iyun 2018-ci il tarixli icra sənədinə əsasən, Şəxs və X2 1944 manat əsas borc və 20 manat ödənilmiş dövlət rüsumu Bank "xxxx" ASC-nin xeyrinə ödənilməlidir. Bundan başqa Bakı şəhəri Xətai Rayon Məhkəməsinin e-2(011)-2862/2021 nömrəli, 06 aprel 2021-ci il tarixli icra sənədinə əsasən, 03 aprel 2019-cu il tarixli müqaviləyə əsasən ödənilməmiş 16.050 manat əsas, 300 manat cərimə olmaqla, cəmi 16.350 manat pul məbləğində və dövlət rüsumuna görə ödənilmiş 30 manat Şəxs Mirzə oğlundan alınaraq X10 ödənilməlidir. Bundan başqa Bakı şəhəri 52 saylı Notariat Kontorunun 19 may 2021ci il tarixli icra sənədinə əsasən, Şəxs 7500 manat və 20 manat ödənilmiş dövlət rüsumu tutularaq X5 ödənilməlidir. İcra sənədləri Bakı şəhəri Xətai Rayon İcra Şöbəsinin icraatına daxil olmuş, müvafiq qaydada icraata başlanılmış və Şəxs icra sənədlərini könüllü icra etməsi barədə bildirişlər göndərilmişdir. Lakin Şəxs icra sənədləri üzrə 63917,20 manat və 37487 ABŞ dolları məbləğində borcu qalmaqdadır. Göstərilənlərə əsasən, Şəxs barəsində inzibati qaydada tədbir görülməsini xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək göstərdi ki, Bakı şəhəri Suraxanı Rayon Məhkəməsinin 2(010)-4763/2018 nömrəli, 21 avqust 2019-cu il tarixli icra sənədinə əsasən, X8, Şəxs, X9 və X4 müştərək qaydada 17088 ABŞ dolları əsas, 4082 ABŞ dolları faiz, 300 ABŞ dolları cərmə borcu olmaqla, cəmi 21470 ABŞ dolları məbləğində borc və 30 manat ödənilmiş dövlət rüsumu "xxxx" ASC-nin xeyrinə ödənilməlidir. Bundan başqa Bakı şəhəri Xətai Rayon Məhkəməsinin 2(011)-1132/2018 nömrəli, 09 yanvar 2018-ci il tarixli icra sənədinə əsasən, Şəxs, X2, X3, X1 və X7 birgə qaydada xx.xx.2017-ci il tarixli 17052017/196650 nömrəli kredit müqaviləsi üzrə 14887 ABŞ dolları əsas, 1030 ABŞ dolları faiz, 100 ABŞ dolları gecikdirməyə görə cərimə, cəmi 16017 (on altı min on yeddi) ABŞ dolları (pul tutulduğu anda manatın ABŞ dollarına münasibətdə müəyyən edilmiş məzənnəsi nəzərə alınmaqla manat hesabı) və ödənilmiş 30 (otuz) manat dövlət rüsumu "xxxx" ASC-nin xeyrinə ödənilməlidir. Bundan başqa Bakı şəhəri Xətai Rayon Məhkəməsinin 2(011)- 1022/2022 nömrəli, 27 aprel 2022-ci il tarixli icra sənədinə əsasən, 36250 manat məbləğində əsas borc, 1649 manat dəbbə borcu və 204 manat məbləğində dövlət rüsumunun əvəzi Şəxs Mirzə oğlundan alınaraq "xxxx" MMC-yə ödənilməlidir. Bundan başqa Bakı şəhəri Xətai Rayon Məhkəməsinin e-2(011)-6040/2018 nömrəli, 21 iyun 2018ci il tarixli icra sənədinə əsasən, Şəxs və X2 1944 manat əsas borc və 20 manat ödənilmiş dövlət rüsumu Bank "xxxx" ASC-nin xeyrinə ödənilməlidir. Bundan başqa Bakı şəhəri Xətai Rayon Məhkəməsinin e-2(011)-2862/2021 nömrəli, 06 aprel 2021-ci il tarixli icra sənədinə əsasən, 03 aprel 2019-cu il tarixli müqaviləyə əsasən ödənilməmiş 16.050 manat əsas, 300 manat cərimə olmaqla, cəmi 16.350 manat pul məbləğində və dövlət rüsumuna görə ödənilmiş 30 manat Şəxs Mirzə oğlundan alınaraq X10 ödənilməlidir. Bundan başqa Bakı şəhəri 52 saylı Notariat Kontorunun 19 may 2021-ci il tarixli icra sənədinə əsasən, Şəxs 7500 manat və 20 manat ödənilmiş dövlət rüsumu tutularaq X5 ödənilməlidir. Hazırda işsiz olduğundan qeyd edilmiş borcları ödəmək imkanı yoxdur. Bundan başqa qeyd edilmiş icra sənədlərinin bəzilərində zamin olmuş və həmin borclar üzrə ödənişlər cavabdehlər tərəfindən ödənilir. Bundan başqa o, borcları hissə-hissə olmaqla ödəməyə hazır olduğunu bildirmişdir. Odur ki, qərar qəbul edilərkən, qeyd olunanların nəzərə alınmasını xahiş etdi. Məhkəmə işdə iştirak edən şəxslərin izahatını dinləyib, iş materiallarını araşdıraraq hesab edir ki, Şəxs əməlində Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta tərkibi vardır. İş materiallarında olan Bakı şəhəri Suraxanı Rayon Məhkəməsinin 2(010)-4763/2018 nömrəli, 21 avqust 2019-cu il tarixli icra sənədindən görünür ki, X8, Şəxs, X9 və X4 müştərək qaydada 17088 ABŞ dolları əsas, 4082 ABŞ dolları faiz, 300 ABŞ dolları cərmə borcu olmaqla, cəmi 21470 ABŞ dolları məbləğində borc və 30 manat ödənilmiş dövlət rüsumu "xxxx" ASC-nin xeyrinə ödənilməlidir. İş materiallarında olan Bakı şəhəri Xətai Rayon Məhkəməsinin 2(011)-1132/2018 nömrəli, 09 yanvar 2018-ci il tarixli icra sənədindən görünür ki, Şəxs, X2, X3, X1 və X7 birgə qaydada xx.xx.2017-ci il tarixli 17052017/196650 nömrəli kredit müqaviləsi üzrə 14887 ABŞ dolları əsas, 1030 ABŞ dolları faiz, 100 ABŞ dolları gecikdirməyə görə cərimə, cəmi 16017 (on altı min on yeddi) ABŞ dolları (pul tutulduğu anda manatın ABŞ dollarına münasibətdə müəyyən edilmiş məzənnəsi nəzərə alınmaqla manat hesabı) və ödənilmiş 30 (otuz) manat dövlət rüsumu "xxxx" ASC-nin xeyrinə ödənilməlidir. İş materiallarında olan Bakı şəhəri Xətai Rayon Məhkəməsinin 2(011)-1022/2022 nömrəli, 27 aprel 2022-ci il tarixli icra sənədindən görünür ki, 36250 manat məbləğində əsas borc, 1649 manat dəbbə borcu və 204 manat məbləğində dövlət rüsumunun əvəzi Şəxs Mirzə oğlundan alınaraq "xxxx" MMC-yə ödənilməlidir. İş materiallarında olan Bakı şəhəri Xətai Rayon Məhkəməsinin e-2(011)-6040/2018 nömrəli, 21 iyun 2018-ci il tarixli icra sənədindən görünür ki, Şəxs və X2 1944 manat əsas borc və 20 manat ödənilmiş dövlət rüsumu Bank "xxxx" ASC-nin xeyrinə ödənilməlidir. İş materiallarında olan Bakı şəhəri Xətai Rayon Məhkəməsinin e-2(011)-2862/2021 nömrəli, 06 aprel 2021-ci il tarixli icra sənədindən görünür ki, 03 aprel 2019-cu il tarixli müqaviləyə əsasən ödənilməmiş 16.050 manat əsas, 300 manat cərimə olmaqla, cəmi 16.350 manat pul məbləğində və dövlət rüsumuna görə ödənilmiş 30 manat Şəxs Mirzə oğlundan alınaraq X10 ödənilməlidir. İş materiallarında olan Bakı şəhəri 52 saylı Notariat Kontorunun 19 may 2021-ci il tarixli icra qeydinə əsasən, Şəxs 7500 manat və 20 manat ödənilmiş dövlət rüsumu tutularaq X5 ödənilməlidir. İş materialında olan Bakı şəhəri Xətai Rayon İcra Şöbəsinin “İcraata başlamaq haqqında” qərarlarından görünür ki, borclu Şəxs 10 (on) gün müddətində könüllü icra sənədlərinin icra olunması üçün vaxt verilmiş və bu barədə bildirişlər göndərilmişdir. İş materialında olan Bakı şəhəri Xətai rayon İcra şöbəsinin tələbin könüllü icrası haqqında bildirişlərdən göründüyü kimi, borclu Şəxs icra sənədlərinin icra olunması üçün hüquq və vəzifələri başa salınmışdır. “İcra haqqında” Azərbaycan Respublikası Qanununun 82.1-ci maddəsinə əsasən, borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir (vergilər, faizlər və maliyyə sanksiyaları üzrə borcların alınması (vergilərin ödənilməməsi) ilə əlaqədar qanuni qüvvəyə minmiş məhkəmə qərarları ilə bağlı verilmiş icra sənədləri istisna olmaqla). İnzibati məsuliyyətə cəlb etmə haqqında qərar qəbul edildikdən sonra icra məmuru tərəfindən borcluya icra üçün yeni müddət təyin edilir. Azərbaycan Respublikası İnzibati Xətalar Məcəlləsinin 528.1-ci maddəsinə əsasən, məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə inzibati məsuliyyət nəzərdə tutulmuşdur. Həmçinin, Azərbaycan Respublikasının Konstitusiyasının 129-cu maddəsinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikası Mülki Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. Azərbaycan Respublikası İnzibati Xətalar Məcəlləsinin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Azərbaycan Respublikası İnzibati Xətalar Məcəlləsinin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Şəxs Dövlət adından çıxarılmış məhkəmə qətnaməsinə etinasız yanaşmasının ictimai təhlükəliliyi ondan ibarətdir ki, bu hərəkətlərə yol verməklə o, məhkəmə orqanlarını nüfuzdan salır və bununla da, vətəndaşların məhkəmə sisteminə inamını azaldır. Məhkəmə barəsində inzibati xəta haqqında iş üzrə icraat aparılan şəxsin törətmiş olduğu inzibati xətanın xarakterini və onun təqsirinin dərəcəsini nəzərə alaraq hesab edir ki, Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinib, 500 (beş yüz) manat məbləğində cərimə edilməlidir. Yuxarıda göstərilənlərə əsasən və Azərbaycan Respublikası İXM-nin 18, 31-33, 114, 115, 117-ci maddələrini rəhbər tutaraq, məhkəmə q ə r a r a a l d ı: Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinib, 500 (beş yüz) manat məbləğində cərimə edilsin. Qərardan 10 (on) gün müddətində Bakı şəhəri Xətai Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Sədrlik edən: Rəfail Sadıxov