Bakı Şəhəri Xətai Rayon Məhkəməsi Qərar — İş №3(011)-2644/2023

Azərbaycan Respublikası adından QƏRAR Bakı şəhəri İş № 3(011)-2644/2023 31.07.2023 BAKI ŞƏHƏRİ XƏTAİ RAYON MƏHKƏMƏSİ Hakim Hacıyeva Sülhanə Sərdar qızının sədrliyi, Paşayev Orxan Zakir oğlunun katibliyi, şikayətçi X1 iştirakı ilə, X1 Bakı şəhəri BPİ-nin X5 İdarəsi tərəfindən qəbul edilmiş xx.xx.2023-cü il tarixli, TP ******* nömrəli inzibati tənbeh vermə haqqında qərarın ləğvi barədə şikayətinə açıq məhkəmə iclasında baxaraq, MÜƏYYƏN ETDİ : X2 şikayət ərizəsi ilə məhkəməyə müraciət edərək Bakı şəhəri BPİ-nin X5 İdarəsi tərəfindən qəbul edilmiş xx.xx.2023-cü il tarixli, TP ******* nömrəli inzibati tənbeh vermə haqqında qərarın ləğv edilməsini məhkəmədən xahiş etmişdir. Məhkəmə iclasında X2 şikayətini müdafiə edərək göstərdi ki, xx.xx.2023-cü il tarixdə saat 15:30 radələrində idarə etdiyi “Toyota RAV” markalı **-TT-*** dövlət qeydiyyat nişanlı avtomobili ilə Yasamal Rayon Məhkəməsinin yanından şəhər istiqamətinə hərəkət edirmiş. **-YP-*** nömrəli avtomobil ilə xidmət aparan DYP inspektoru Teymurov Xəyal onu saxlayaraq dövlət qeydiyyat nişanlarının standartlara uyğun olmadığını bildirərək, yəni qeydiyyat nişanındakı bayrağın qırmızı rənginin solğun olduğunu bəhanə gətirərək avtomobilini protokol yazmadan cərimə meydançasına yerləşdirmiş və ona "Rəislə danişmışam get 25-ci otağa, rəis səni yolaverəcək" demişdir. 25-ci otağa getmiş və polis kapitanı Zaur Tağıyev ona "100 azn at stola get avtomobilini çıxart" demiş və o, isə “100 manat yoxdur, 60 azn ödəyim və avtomobili götürüm, çünki "avtomobildə ailəm var" demişdir. o, razılaşmamışdır və ona "onda get Xırdalana qeydiyyat nişanını dəyiş gəl" demişdir. İyul ayının 6-da qeydiyyat nişanlarını yeniləmişdir, halbuki yeniləməyə heç bir ehtiyac yox idi və yenidən 25-ci otağa gəlmişdir. Ona 3 gün keçməsinə baxmayaraq arxa tarixə, yani iyul ayının 3-nə 60 Azn və 4 bal cərimə yazdılar, halbuki protokol yerində tərtib olunaraq elektron kabinetinə dərhal yerləşdirilməli idi. Bundan əlavə olaraq bildirmişdir ki, avtomobili cərimə meydançasına aparılanda ona heç bir sənəd təqdim olunmamış, protokolun yazılma saatı 13:38 göstərilsə də, o, saat 15:00-a qədər Sədərək ticarət mərkəzində olmuşdur. Avtomobili duracaqdan götürdükdə 3 iyul tarixinə olan “Avtonəqliyyatın saxlama aktını” ona verməmişlər və o, 102 xidmətinə zəng edərək 1 saat sonra ala bilmişdir. Odur ki, qeyd olunanların nəzərə alınaraq şikayətinin təmin olunmasını məhkəmədən xahiş etmişdir. Məhkəmə iclasının vaxtı və yeri barədə lazımi qaydada məlumat verilməsinə baxmayaraq səlahiyyətli orqanın nümayəndəsi məhkəmə iclasına gəlməmişdir. Məhkəmə səlahiyyətli orqanın nümayəndəsinin iştirakı olmadan məhkəmə iclasının keçirilməsini mümkün hesab etmişdir. Məhkəmə şikayət verən şəxsin izahatını dinləyib, şikayəti və iş materiallarını nəzərdən keçirərək hesab edir ki, aşağıdakı əsaslara görə şikayət qismən təmin edilməlidir. İş materiallarında olan və məhkəmə baxışında tədqiq edilmiş: Bakı şəhəri BPİ-nin X5 İdarəsi tərəfindən qəbul edilmiş xx.xx.2023-cü il tarixli, TP ******* nömrəli qərarından görünür ki, X2 xx.xx.2023-cü il tarixində saat 13:38-də Bakı şəhəri M.Müşfiq küçəsində “Toyota RAV” markalı **-TT-*** dövlət qeydiyyat nişanlı nəqliyyat vasitəsini saxta və ya mövcud standartlara uyğun olmayan dövlət qeydiyyat nişanları ilə idarə etmiş, bu səbəbdən İXM-nin 342.7-ci maddəsində nəzərdə tutulmuş xətanı törətməkdə təqsirli bilinərək 100 manat cərimə edilmişdir. Azərbaycan Respublikası İnzibati Xətalar Məcəlləsinin: 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir; 8.3-cü maddəsinə əsasən isə inzibati məsuliyyətə cəlb olunan şəxsin təqsirli olması barəsində olan şübhələr onun xeyrinə həll olunur; 53.2-ci maddəsinə əsasən hər hansı şəxs barəsində başlanılmış inzibati xətalar haqqında işlər üzrə icraata, həmçinin onun inzibati xəta törədilməsinə aidiyyəti olmadıqda və ya təqsirliliyi sübuta yetirilmədikdə, o cümlədən təqsirliliyin sübuta yetirilməsində qanuna zidd olaraq əldə edilmiş sübutlardan istifadə edildikdə xitam verilir. 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir; 81.2-ci maddəsinə əsasən yol hərəkəti qaydaları və yol hərəkəti təhlükəsizliyinin təmin edilməsi qaydaları əleyhinə olan inzibati xətaların aşkarlanmasında istifadə olunan, foto və ya video qeydiyyat funksiyalarına malik xüsusi texniki vasitələr müvafiq icra hakimiyyəti orqanının mərkəzi informasiya sisteminə inteqrasiya olunmalıdır; 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir; 342.7-ci maddəsinə əsasən dövlət qeydiyyat nişanları və ya onlardan birinin olmamasına, saxta və ya mövcud standartlara uyğun olmayan və ya başqa nəqliyyat vasitələrinə verilmiş dövlət qeydiyyat nişanları ilə nəqliyyat vasitələrini idarə etməyə görəyüz manat məbləğində cərimə edilir. Məhkəmə araşdırması zamanı müəyyən edilmişdir ki, Bakı şəhər X4 İdarəsi tərəfindən qəbul edilmiş inzibati tənbeh vermə haqqında xx.xx.2023-cü il tarixli, TP ******* saylı inzibati tənbeh vermə haqqında qərarında Azərbaycan Respublikası İnzibati Xətalar Məcəlləsinin 342.7-ci maddəsində nəzərtə tutulmuş xətanın hansı formada mövcud olması, xətanın nədən ibarət olması göstərilməmiş və həmin qərardan da X2 həqiqətən hər hansı bir xəta törətməsi müəyyən etmək mümkün deyildir. Qeyd olunanları nəzərə alaraq X2 barəsində tərtib olunmuş xx.xx.2023-cü il tarixli, TP ******* saylı qərar əsassızdır və ləğv olunmalıdır. Azərbaycan Respublikası İnzibati Xətalar Məcəlləsinin: 134.1.4-cü maddəsinə əsasən İnzibati xəta haqqında iş üzrə qərardan verilən şikayətə və ya protestə baxılarkən bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında qərar qəbul edilir; 135.1.6-cı maddəsinə əsasən bu Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında qərar qəbul edilir. Beləliklə, məhkəmə hesab edir ki, X1 şikayəti təmin edilməli, xx.xx.2023-cü il tarixli, TP ******* nömrəli inzibati tənbeh vermə haqqında qərar ləğv edilməli və iş üzrə icraata xitam verilməlidir. Yuxarıdakılara əsasən və Azərbaycan Respublikası İnzibati Xətalar Məcəlləsinin 128-136-cı maddələrini rəhbər tutub, məhkəmə QƏRARAALDİ: X1 şikayəti təmin edilsin. X1 Azərbaycan Respublikası İnzibati Xətalar Məcəlləsinin 342.7-ci maddəsi ilə inzibati xəta törətməsinə dair Bakı şəhəri BPİ-nin X5 İdarəsi tərəfindən qəbul edilmiş xx.xx.2023-cü il tarixli, TP ******* nömrəli inzibati tənbeh vermə haqqında qərar ləğv edilsin və iş üzrə icraata xitam verilsin. Qərardan rəsmi qaydada verildiyi vaxtdan 10 (on) gün müddətində Bakı şəhəri Xətai Rayon Məhkəməsi vasitəsi ilə şikayət verilə bilər. Sədrlik edən: Sülhanə Hacıyeva