Bakı Şəhəri Xətai Rayon Məhkəməsi Qərar — İş №3(011)-2769/2023

Azərbaycan Respublikası adından QƏRAR Bakı şəhəri İş № 3(011)-2769/2023 02.08.2023 BAKI ŞƏHƏRİ XƏTAİ RAYON MƏHKƏMƏSİ Hakim Sadıxov Rəfail Adil oğlunun sədrliyi, Əliyeva Nailə Namiq qızının katibliyi, Bakı şəhəri Xətai Rayon İcra Şöbəsinin icra məmuru Elşən Bəşirli, barəsində inzibati xəta haqqında iş üzrə icraat aparılan şəxs Şəxs və zərərçəkmiş şəxs "xxxx" MMC-nin nümayəndəsi X1 iştirakları ilə, Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə Bakı şəhəri Xətai Rayon İcra Şöbəsindən daxil olmuş inzibati xəta haqqında materiala baxaraq, müəyyənetdi: Bakı şəhəri Xətai Rayon İcra Şöbəsindən daxil olmuş inzibati xəta haqqında materiala əsasən Şəxs Bakı şəhəri 36 saylı Notariat Kontorunun 16 avqust 2022-ci il tarixli və Bakı şəhəri Xətai Rayon Məhkəməsinin 04 may 2022-ci il tarixli, e-2(011)-2698/2021 saylı icra sənədlərini üzrsüz səbəbdən icra etməmişdir. Bununla da Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətmişdir. Bu barədə Bakı şəhəri Xətai Rayon İcra Şöbəsinin icra məmuru Elşən Bəşirli tərəfindən MN ******* nömrəli, 02 avqust 2023-cü il tarixdə inzibati xəta haqqında protokol tərtib olunmuşdur. Bakı şəhəri Xətai Rayon İcra Şöbəsinin icra məmuru Elşən Bəşirli məhkəməyə verdiyi izahatında göstərdi ki, Bakı şəhəri 36 saylı Notariat Kontorunun 16 avqust 2022-ci il tarixli icra qeydinə əsasən, Şəxs 1093,39 manat əsas borc və dövlət rüsumuna görə ödənilmiş olan 25 manat, cəmi 1118,39 manat "xxxx" ASC-nin xeyrinə ödənilməlidir. Bundan başqa Bakı şəhəri Xətai Rayon Məhkəməsinin 04 may 2022-ci il tarixli, e-2(011)-2698/2021 saylı icra sənədinə əsasən, 03 sentyabr 2020-ci il tarixli müqaviləyə əsasən ödənilməmiş 628.80 (altı yüz iyirmi səkkiz manat səksən qəpik) manat əsas borc, 6 (altı) manat cərimə borcu; 12 noyabr 2020-ci il tarixli müqaviləyə əsasən ödənilməmiş 1.956,60 (bir min doqquz yüz əlli altı manat altmış qəpik) manat əsas borc, 20 (iyirmi) manat cərimə borcu olmaqla, cəmi 2.611,40 (iki min altı yüz on bir manat qırx qəpik) manat pul vəsaiti və dövlət rüsumuna görə ödənilmiş 48.43 (qırx səkkiz manat qırx üç qəpik) manat cavabdeh Şəxs alınaraq iddiaçı "xxxx" MMC-yə ödənilməlidir. İcra sənədləri Bakı şəhəri Xətai Rayon İcra Şöbəsinin icraatına daxil olmuş, müvafiq qaydada icraata başlanılmış, icra sənədlərini könüllü icra etməsi barədə bildirişlər göndərilmişdir. Şəxs icra sənədləri üzrə tələbi təmin etməyərək borcu qalmaqdadır. Göstərilənlərə əsasən, Şəxs barəsində inzibati qaydada tədbir görülməsini xahiş etdi. Məhkəmə baxışı zamanı barəsində inzibati xəta haqqında iş üzrə icraat aparılan Şəxs bildirdi ki, Bakı şəhəri 36 saylı Notariat Kontorunun 16 avqust 2022-ci il tarixli icra qeydinə əsasən, Şəxs 1093,39 manat əsas borc və dövlət rüsumuna görə ödənilmiş olan 25 manat, cəmi 1118,39 manat "xxxx" ASC-nin xeyrinə ödənilməlidir. Bundan başqa Bakı şəhəri Xətai Rayon Məhkəməsinin 04 may 2022-ci il tarixli, e-2(011)-2698/2021 saylı icra sənədinə əsasən, 03 sentyabr 2020-ci il tarixli müqaviləyə əsasən ödənilməmiş 628.80 (altı yüz iyirmi səkkiz manat səksən qəpik) manat əsas borc, 6 (altı) manat cərimə borcu; 12 noyabr 2020-ci il tarixli müqaviləyə əsasən ödənilməmiş 1.956,60 (bir min doqquz yüz əlli altı manat altmış qəpik) manat əsas borc, 20 (iyirmi) manat cərimə borcu olmaqla, cəmi 2.611,40 (iki min altı yüz on bir manat qırx qəpik) manat pul vəsaiti və dövlət rüsumuna görə ödənilmiş 48.43 (qırx səkkiz manat qırx üç qəpik) manat cavabdeh Şəxs alınaraq iddiaçı "xxxx" MMC-yə ödənilməlidir. Hazırda işsiz və oldğundan borcundan ödəniş etməsi üçün imkanı yoxdur. Belə ki, o, yol nəqliyyat hadisəsi nəticəsində ağır xəsarət almaqla 5 dəfə əməliyyat olunmuşdur. Lakin buna baxmayaraq borcların icrasından imtina etmiş, lakin hazırda imkanı olmadığından ödəniş edə bilmir. Göstərilənlərə əsasən onun barəsində başlanılmış olan inzibati icraata xitam verilməsini xahiş etmişdir. Məhkəmə iclasında zərərçəkmiş şəxs "xxxx" MMC-nin nümayəndəsi X2 bildirdi ki, Bakı şəhəri Xətai Rayon Məhkəməsinin 04 may 2022-ci il tarixli, e-2(011)-2698/2021 saylı icra sənədinə əsasən, 03 sentyabr 2020-ci il tarixli müqaviləyə əsasən ödənilməmiş 628.80 (altı yüz iyirmi səkkiz manat səksən qəpik) manat əsas borc, 6 (altı) manat cərimə borcu; 12 noyabr 2020-ci il tarixli müqaviləyə əsasən ödənilməmiş 1.956,60 (bir min doqquz yüz əlli altı manat altmış qəpik) manat əsas borc, 20 (iyirmi) manat cərimə borcu olmaqla, cəmi 2.611,40 (iki min altı yüz on bir manat qırx qəpik) manat pul vəsaiti və dövlət rüsumuna görə ödənilmiş 48.43 (qırx səkkiz manat qırx üç qəpik) manat cavabdeh Şəxs alınaraq iddiaçı "xxxx" MMC-yə ödənilməlidir. Lakin hazır ki, müddətə kimi heç bir ödəniş olunmamışdır. Bu səbəbdən də Şəxs barəsində inzibati tənbeh tədbirinin görülməsini xahiş etdi. Məhkəmə tərəflərin izahatını dinləyib, iş materiallarını araşdıraraq hesab edir ki, Şəxs əməlində Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanın tərkibi olmadığı üçün, bu maddə ilə onun barəsində başlanmış inzibati xəta haqqında iş üzrə icraata xitam verilməlidir. İş materiallarında olan Bakı şəhəri 36 saylı Notariat Kontorunun 16 avqust 2022-ci il tarixli icra qeydindən görünür ki, Şəxs 1093,39 manat əsas borc və dövlət rüsumuna görə ödənilmiş olan 25 manat, cəmi 1118,39 manat "xxxx" ASC-nin xeyrinə ödənilməlidir. İş materiallarında olan Bakı şəhəri Xətai Rayon Məhkəməsinin 04 may 2022-ci il tarixli, e-2(011)-2698/2021 saylı icra sənədindən görünür ki, 03 sentyabr 2020-ci il tarixli müqaviləyə əsasən ödənilməmiş 628.80 (altı yüz iyirmi səkkiz manat səksən qəpik) manat əsas borc, 6 (altı) manat cərimə borcu; 12 noyabr 2020-ci il tarixli müqaviləyə əsasən ödənilməmiş 1.956,60 (bir min doqquz yüz əlli altı manat altmış qəpik) manat əsas borc, 20 (iyirmi) manat cərimə borcu olmaqla, cəmi 2.611,40 (iki min altı yüz on bir manat qırx qəpik) manat pul vəsaiti və dövlət rüsumuna görə ödənilmiş 48.43 (qırx səkkiz manat qırx üç qəpik) manat cavabdeh Şəxs alınaraq iddiaçı "xxxx" MMC-yə ödənilməlidir. Belə ki, Azərbaycan Respublikası İnzibati Xətalar Məcəlləsinin 528.1-ci maddəsinə əsasən, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə inzibati məsuliyyət nəzərdə tutulmuşdur. Azərbaycan Respublikası İnzibati Xətalar Məcəlləsinin 3-cü maddəsinin tələbinə görə, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası İnzibati Xətalar Məcəlləsinin 12.1-ci maddəsinə əsasən, bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Qeyd olunan qanun normalarından görünür ki, Azərbaycan Respublikası İXM-nin 528.1-ci maddəsi ilə inzibati məsuliyyətin yaranması üçün inzibati xəta tərkibinin obyektiv tərəfinin vacib elementi kimi şəxsin hərəkətinin icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə yönəlməsi və subyektiv tərəfinin elementi kimi şəxsin əməlinin hüquqa zidd xarakterini dərk etməsi, onun nəticələrini qabaqcadan görməsi və həmin nəticələri arzu etməsi, yəni şəxsin etdiyi hərəkətləri qəsdən törətməsi zəruri şərtlər kimi müəyyən edilmişdir. İş materialında olan Bakı şəhəri Xətai rayon İcra şöbəsinin “İcraata başlamaq haqqında” qərarlarından göründüyü kimi borclu Şəxs 10 gün müddətində icra sənədinin icra olunması üçün vaxt verilmişdir. İş materialında olan Bakı şəhəri Xətai rayon İcra şöbəsinin tələbin könüllü icrası haqqında bildirişlərdən göründüyü kimi, borclu Şəxs icra sənədinin icra olunması üçün hüquq və vəzifələri başa salınmışdır. Azərbaycan Respublikası İnzibati Xətalar Məcəlləsinin 528.1-ci maddəsinin həmin Məcəllənin 9.2 və 35-ci maddələri baxımından şərh edilməsinə dair Azərbaycan Respublikası Konstitusiya Məhkəməsinin 04 sentyabr 2018-ci il tarixli qərarına əsasən, məhkəmə aktlarının icra edilməməsi ilə əlaqədar hər hansı inzibati tənbeh və ya cəza tətbiq edilərkən, ilk növbədə, borclu şəxs tərəfindən icra məmurunun tələblərinin yerinə yetirilməsi üçün mümkün vasitələrdən istifadə edilib-edilməməsi obyektiv qiymətləndirilməlidir. Azərbaycan Respublikası İnzibati Xətalar Məcəlləsinin 8.1-ci maddəsinə əsasən, barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Həmin Məcəllənin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 53.0.2-ci maddəsinə əsasən inzibati xəta tərkibi olmadıqda, inzibati xəta haqqında başlanmış icraata xitam verilir. Həmin Məcəllənin 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Belə ki, məhkəmə hesab edir ki, Şəxs əməlində qərəz olmadığından inzibati xəta tərkibi olmadığı üçün inzibati xəta haqqında iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 32, 33, 114, 115, 117-ci maddələrini rəhbər tutaraq, məhkəmə q ə r a r a a l d ı: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə Bakı şəhəri Xətai Rayon İcra Şöbəsindən daxil olmuş inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 (on) gün müddətində Bakı şəhəri Xətai Rayon Məhkəməsi vasitəsi ilə Bakı Apellyasiya Məhkəməsinə şikayət verilə bilər. Sədrlik edən: Rəfail Sadıxov