Bakı Şəhəri Xətai Rayon Məhkəməsi Qərar — İş №3(011)-285/2025

Azərbaycan Respublikası adından QƏRAR Bakı şəhəri İş № 3(011)-285/2025 22.01.2025 BAKI ŞƏHƏRİ XƏTAİ RAYON MƏHKƏMƏSİ Hakim Sadıxov Rəfail Adil oğlunun sədrliyi, Bayramova Nərmin Nizami qızının katibliyi, Barəsində inzibati protokol tərtib edilmiş şəxs Şəxs iştirakı ilə, Şəxs barəsində Azərbaycan Respublikasının İnzibati Xətalar Məcəlləsinin 327.8-ci maddəsi ilə Bakı şəhəri Xətai Rayon Polis İdarəsindən daxil olmuş inzibati xəta haqqında materiala baxaraq, MÜƏYYƏN ETDİ: Bakı şəhəri Xətai Rayon Polis İdarəsindən daxil olmuş Cinayət işinin başlanmasının rədd edilməsi haqqında Bakı şəhəri Xətai RPİ-nin Təhqiqat şöbəsinin baş təhqiqatçısı, polis leytenantı Rauf Əlimərdanovun 16 dekabr 2024-cü il tarixli qərardan və həmin qərara əsasən tərtib edilmiş 27 dekabr 2024-cü il tarixli, İXP ******* nömrəli inzibati xəta haqqında protokoldan görünür ki, Şəxs xx.xx.2024-cü il tarixdə saat 07:35 radələrində idarə etdiyi «Saıpa Saına EX» markalı **-PF-*** dövlət qeydiyyat nişanlı avtomobili ilə Xalqlar Dostluğu m/st yaxınlığından Polad Həşimov küçəsi istiqamətinə gedən zaman Xətai rayonu Neapol küçəsində üzü Ukrayna dairəsi istiqamətində sağdan 2-ci zolaqla təxminən 40-50 km/saat sürətlə hərəkətdə olarkən piyada zolağının üzərində bır qadın və bır uşaq olmaqla 2 nəfərin hərəkət etdiyini görmüş, lakin toqquşmanın qarşısını almaq məqsədilə sükanı sola döndərmək istəyərkən idarə etdiyi avtomobilin sol hissəsi piyada zolağında piyadalara yol verən «Hyundai Sonata» markalı **-PH-*** dövlət qeydiyyat nişanlı avtomobilin sağ hissəsindən, idarə etdiyi avtomobilin sağ yan güzgüsü isə azyaşlının üz nahiyyəsinə və qadına dəyməsi nəticəsində sağlamlığına yüngül zərər vurmuşdur. Məhkəmə iclasında barəsində inzibati xəta haqqında iş üzrə icraat aparılan Şəxs bildirdi ki 05.12 2024-cü il tarixdə "xxxx" MMC-yə məxsus etibarnamə ilə idarə etdiyi «Saipa» markalı **-PF-*** dövlət qeydiyyat nişanlı avtomobil ilə Xalqlar Dostluğu m/st yaxınlığından qohumu Hüsniyyə və Zəhranı götürüb Polad Həşimov küçəsi istiqamətinə gedən zaman Xətai rayonu Neapol küçəsində üzü Ukrayna dairəsi istiqamətində sağdan 2-ci zolaqla təxminən 40-50 km/saat sürətlə hərəkətdə olarkən piyada zolağının üzərində bır qadın və bır uşaq olmaqla 2 nəfərin hərəkət etdiyini görmüşdür. O. toqquşmanın qarşısını almaq məqsədilə sükanı sola döndərmək istəyərkən idarə etdiyi avtomobilin sol hissəsi piyada zolağında piyadalara yol verən «Hyundai Sonata» markalı **-PH-*** dövlət qeydiyyat nişanlı avtomobilin sağ hissəsindən, idarə etdiyi avtomobilin sağ yan güzgüsü isə azyaşlının üz nahiyyəsirə və qadına dəydi. Piyadaların hər ikisi yerə yıxıldığını gördükdə o, həmin şəxsləri onları avtomobilə əyləşdirmişdir. Etdiyi əməlindən peşmançılıq hissi keçirdiyini bildirdi. Qeyd edilənlərə əsasən onun barəsində yüngül inzibati tənbeh tədbirinin görülməsini xahiş etmişdir. Müvafiq qaydada işə baxılmasının yeri və vaxtı barədə xəbərdar olunmuş Bakı şəhəri Xətai Rayon Polis İdarəsi nümayəndəsi məhkəmə iclasında təmsil olunmamışdır. Məhkəmə işə onların iştirakı olmadan baxılmasını mümkün hesab etdi. İş materiallarında olan və məhkəmə baxışında tədqiq edilmiş: 16 dekabr 2024-cü il tarixli “Cinayət işinin başlanmasının rədd edilməsi barədə” Bakı şəhəri Xətai RPİ-nin Təhqiqat şöbəsinin baş təhqiqatçısı, polis leytenantı Rauf Əlimərdanovun qərarından görünür ki, material üzrə cinayət işinin başlanması rədd edilmiş, «Saıpa Saına EX» markalı **-PF-*** dövlət qeydiyyat nişanlı avtomobilin sürücüsü Şəxs barəsində Azərbaycan Respublikası İXM-nin 327.8-ci maddəsi ilə inzibati qaydada tədbir görülməsindən ötrü qərarın surəti Xətai DYPŞ-nə göndərilmişdir. 06 dekabr 2024-cü il tarixli “Məhkəmə-Tibbi Ekspertiza və X4” Publik hüquqi şəxsin 1266 nömrəli canlı şəxsin məhkəmə-tibb müayinəsi rəyindən görünür ki, X1 dirsək oynağı nahiyəsinin və sol əlin dərialtı hematomaları, hərəkət məhdudluğu müəyyən edildi. Xəsarətlər bərk-küt əşya(lar) təsirindən törənmişlər, qərarda göstərildiyi kimi xx.xx.2024-cü il tarixdə YNH zamanı törənə bilərdi və dərəcəsinə görə sağlamlığın qısa müddətə pozulmasına səbəb olan sağlamlığa yüngül zərər vurmaya aid edilir. 06 dekabr 2024-cü il tarixli “Məhkəmə-Tibbi Ekspertiza və X4” Publik hüquqi şəxsin 1267 nömrəli canlı şəxsin məhkəmə-tibb müayinəsi rəyindən görünür ki, azyaşlı X3 üst dodağın əzilmiş yarası müəyyən edildi. Xəsarət bərk-küt əşya təsirindən törənmişdir, qərarda göstərildiyi kimi xx.xx.2024-cü il tarixdə YNH zamanı törənə bilərdi və dərəcəsinə görə sağlamlığın qısa müddətə pozulmasına səbəb olan sağlamlığa yüngül zərər vurmaya aid edilir. Xətai RPİ-nin DYPŞ-nin 27 dekabr 2024-cü il tarixli, İXP ******* nömrəli inzibati xəta haqqında protokoldan görünür ki, Şəxs xx.xx.2024-cü il tarixdə saat 07:35 radələrində idarə etdiyi «Saıpa Saına EX» markalı **-PF-*** dövlət qeydiyyat nişanlı nəqliyyat vasitəsini idarə edərkən Azərbaycan Respublikasının İnzibati Xətalar Məcəlləsinin 327.8-ci maddəsində nəzərdə tutulmuş inzibati xəta törədilmişdir. Azərbaycan Respublikası İnzibati Xətalar Məcəlləsinin 327.8-ci maddəsinə əsasən, bu Məcəllənin 327.1-327.6, 328 və 330-cu maddələrində nəzərdə tutulmuş xətalar nəticəsində zərərçəkmiş şəxsin sağlamlığına yüngül bədən xəsarətinin yetirilməsinə görə inzibati məsuliyyət nəzərdə tutulmuşdur. Həmin Məcəllənin 34.3-cü maddəsinə əsasən, şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Beləliklə, İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanın Şəxs tərəfindən törədilməsi məhkəmə iclasında tədqiq edilmiş inzibati materialda olan sənədlərlə sübuta yetirilmişdir. Azərbaycan Respublikası İnzibati Xətalar Məcəlləsinin 3-cü maddəsinin tələbinə görə yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası İnzibati Xətalar Məcəlləsinin 12.1-ci maddəsinə əsasən, bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 31.2-ci maddəsinə əsasən, inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Məhkəmə törədilmiş inzibati xətanın xarakterini, barəsində inzibati xəta haqqında iş üzrə icraat aparılan şəxsin təqsirinin dərəcəsini nəzərə alaraq hesab edir ki, Şəxs Azərbaycan Respublikası İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanı törətməkdə təqsirli bilinməli və həmin maddənin sanksiyasının hədləri daxilində cərimə növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43, 114 və 115-ci maddələrini rəhbər tutaraq QƏRARA ALDI: Şəxs Azərbaycan Respublikası İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanı törətməkdə təqsirli bilinərək, 300 (üç yüz) manat məbləğində cərimə edilsin. Qərarın surəti təqdim edildiyi və ya alındığı gündən 10 (on) gün müddətində Azərbaycan Respublikası İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə şikayət verilə bilər. Sədrlik edən: Rəfail Sadıxov