Bakı Şəhəri Xətai Rayon Məhkəməsi Qərar — İş №3(011)-2887/2021

Azərbaycan Respublikası adından QƏRAR Bakı şəhəri İş № 3(011)-2887/2021 03.08.2021 BAKI ŞƏHƏRİ XƏTAİ RAYON MƏHKƏMƏSİ Hakim Hüseyn Cavid Vaqif oğlunun sədrliyi, Səfərov Orxan Novruz oğlunun katibliyi, inzibati xəta haqqında protokol tərtib edən Bakı şəhəri Xətai Rayon İcra Şöbəsinin böyük icra məmuru X5, zərərçəkmiş şəxsin nümayəndəsi X2, barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1966-cı il tarixdə Bakı şəhərində doğulmuş, Azərbaycan Respublikası vətəndaşı, subay, "xxxx" QSC-də fəhlə vəzifəsində işləyən, orta təhsilli, ünvan 1 ünvanında qeydiyyatda olan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə tənbeh tədbirinin tətbiq edilməsinə dair Bakı şəhəri Xətai rayon İcra şöbəsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİ: Bakı şəhəri Xətai Rayon İcra Şöbəsindən daxil olmuş 03.08.2021-ci il tarixli inzibati xəta haqqında protokolda göstərilmişdir ki, borclu Şəxs Bakı şəhər Nəsimi Rayon Məhkəməsinin 25 iyun 2019-cu il tarixli, 2(006)-2044/2019 saylı icra sənədi ilə üzərinə düşən öhdəlikləri heç bir üzürsüz səbəb göstərmədən icra etməmiş və həmin icra vərəqələrini icra etmək üçün səy belə göstərməmişdir. Bununla da, o, Azərbaycan Respublikası İnzibati Xətalar Məcəlləsinin 528.1-ci nəzərdə tutulmuş inzibati xətanı törətmişdir. Məhkəmə iclasında Bakı şəhəri Xətai rayon İcra şöbəsinin icra məmuru X7 tərtib etdiyi inzibati xəta haqqında protokolun dəlillərinə uyğun izahat vermiş və əlavə olaraq bildirmişdir ki, “İcra haqqında” Azərbaycan Respublikası Qanununun tələblərinə uyğun olaraq icra sənədi üzrə icraata başlamaq haqqında qərar qəbul edilərək borcluya tələbin icrası üçün bildiriş göndərilmişdir. Bundan sonra, borclu Şəxs yazılı və şifahi xəbərdarlıq edilərək icra sənədinin icrası tələb olunmuşdur. Borclu, Şəxs Azərbaycan Respublikası adından qəbul edilmiş və icrası bütün şəxslər üçün məcburi olan məhkəmə qərarının icrasını təmin etməmiş, icra sənədinin icrasında qərəzli olaraq yayınmış, icra məmurunun qanuni tələblərini yerinə yetirməmişdir. Şəxs işlədiyindən borcun tutulması onun əmək haqqına yönəldilmiş, 2021-ci ilin fevral ayından başlayaraq borclunun əmək haqqından tutmalar aparılmışdır. Göstərilənlərə əsasən borclu şəxs Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətmişdir. Zərərçəkmiş şəxsin nümayəndəsi X3 izahat verərək bildirmişdir ki, Bakı şəhər Nəsimi Rayon Məhkəməsinin 25 iyun 2019-cu il tarixli, 2(006)-2044/2019 saylı icra vərəqəsi ilə cavabdeh Şəxs 25.10.2006-cı il təvəllüdlü X1 üçün hər ay 160 manat tutularaq X6 verilməlidir. Şəxs aliment borcunu ödəməkdən müxtəlif bəhanələrlə yayınmışdır. X4 himayəsində digər bir övladı da var və maddi durumu olduqca çətindir. Tələbkar aliment borcunun tam ödənilməsini tələb edir. Qeyd etdiklərini nəzərə alaraq Şəxs tənbeh edilməsini xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə özünü təqsirli bilməyərək göstərdi ki, Bakı şəhər Nəsimi Rayon Məhkəməsinin 25 iyun 2019-cu il tarixli, 2(006)-2044/2019 saylı icra vərəqəsi ilə ondan hər ay 160 manat tutularaq X6 verilməlidir. Borcu ödəməkdən yayınmamış, işləməməsi və maddi imkansızlığı səbəbindən ilk vaxtlar borcunu ödəyə bilməmişdir. Daha sonra işə düzəlmiş, borc əmək haqqqına yönəldilmiş, əmək haqqından hər ay 160 manat, əlavə olaraq qalıq borcuna görə 80-85 manat, ümumilikdə 240-250 manat tutularaq tələbkara ödənilmişdir. Hazırda başqa qazanc yeri yoxdur, özü kirayədə yaşayır. Göstərilənləri nəzərə alaraq inzibati xəta haqqında iş üzrə icraata xitam verilməsini xahiş etmişdir. İş materiallarında olan və məhkəmə baxışında tədqiq edilmiş: Bakı şəhər Bakı şəhər Nəsimi Rayon Məhkəməsinin 25 iyun 2019-cu il tarixli, 2(006)- 2044/2019 saylı icra sənədindən görünür ki, Şəxs 25.10.2006-cı il təvəllüdlü X1 üçün hər ay 160 manat tutularaq X6 verilməlidir; icraata başlama haqqında qərarın surətindən görünür ki, Bakı şəhər Nəsimi Rayon Məhkəməsinin 25 iyun 2019-cu il tarixli, 2(006)-2044/2019 saylı icra sənədinə əsasən iş üzrə icraat başlanılmış və icraata başlanması haqqında qərar icra olunması üçün müvafiq bildirişlə borclu Şəxs göndərilmişdir; Bakı şəhəri Xətai Rayon İcra Şöbəsinin icra məmuru X7 tərəfindən tərtib edilmiş 03.03.2021-ci il tarixli protokoldan görünür ki, Şəxs Bakı şəhər Bakı şəhər Nəsimi Rayon Məhkəməsinin 25 iyun 2019-cu il tarixli, 2(006)-2044/2019 saylı icra sənədini üzrsüz səbəbdən icra etməmişdir; Bakı şəhəri Xətai rayon İcra Şöbəsinin surəti tələbkar və borcluya göndərilməklə, "xxxx" QSC-nə ünvanlanmış məktubundan görünür ki, 25.11.2021-ci il tarixdən borclunun əmək haqqısının və ya gəlirlərinin 50% miqdarında tutulmanın aparılaraq tələbkarın bank hesabına köçürülməsi, borc tutulub qurtardıqdan sonra isə hər ay 160 ( üç yüz iyirmi) manat sabit pul məbləğində alimentin tutularaq X4 hesabına köçürülməsi, aliment ödənişi başa çatdıqdan sonra isə 30 manat dövlət rüsumunun tutularaq dövlət büdcəsinə ödənilməsi və bu barədə Xətai rayon İcra Şöbəsinə hər rübdə rəsmi məlumat verilməsi "xxxx" QSC-dən xahiş olunmuşdur. icra işinə əlavə edilmiş məktubdan və hesabdan çıxarışdan görünür ki, 2021-ci ilin fevral ayından Şəxs əmək haqqısının və ya gəlirlərinin 50% miqdarında tutulma aparılaraq tələbkarın bank hesabına köçürülmüşdür. Azərbaycan Respublikası İnzibati Xətalar Məcəlləsinin: 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir; 105.1-ci maddəsinə əsasən Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir; 110.1-ci maddəsinə əasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər; 114.2.1-ci maddəsinə əsasən Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar qəbul edilir. 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir; İnzibati xəta haqqında protokolu, icra məmurunun, zərərçəkmiş şəxsin nümayəndəsinin və barəsində inzibati xəta haqqında iş üzrə icraat aparılan şəxsin izahatlarını, eləcədə inzibati materialda olan sənədləri nəzərə alıb iş üzrə sübutları qiymətləndirərək məhkəmə hesab edir ki, Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanın Şəxs tərəfindən törədilməsi məhkəmə iclasında öz təsdiqini tapmamışdır. Məhkəmə qeyd edir ki, qeyd olunan hal özlüyündə, icra məmurunun qanuni tələblərinin, ümumilikdə isə müvafiq icra vərəqəsinin icra olunmamasına gətirib çıxarmış borclu tərəfindən həmin hərəkətlərin edilməməsinin obyektiv və subyektiv səbəblərini, eləcə də müvafiq icraat zamanı icra məmuru tərəfindən Azərbaycan Respublikasının qanunvericiliyinin tələblərinə əsasən lazımlı zəruri icra tədbirlərinin görülüb-görülməməsini araşdırmaqla, qarşılıqlı şəkildə tədqiq edilərək müəyyən edilməsini şərtləndirir. Belə ki, Azərbaycan Respublikası “İcra haqqında” Qanunun 8.2-ci maddəsinə icra məmuru icra sənədini aldığı vaxtdan üç gün müddətində icraata başlamaq haqqında qərar qəbul edir. Həmin qərarda icra məmuru icra sənədində göstərilmiş tələblərin borclu tərəfindən könüllü icrası üçün məhkəmənin qərarında digər icra müddəti müəyyən edilməyibsə, həmçinin bu maddənin üçüncü bəndində müəyyən edilmiş icra müddəti istisna olmaqla, icraata başlanıldığı vaxtdan ən çoxu on gün müddət təyin edir və bu barədə borcluya bildiriş verir. Bildirişdə həmin müddət başa çatdıqdan sonra göstərilən tələblərin məcburi qaydada icra ediləcəyi və bu Qanunla nəzərdə tutulmuş icra ödənişinin və icra hərəkətlərinin həyata keçirilməsi ilə bağlı xərclərin ondan tutulacağı göstərilir. Azərbaycan Respublikası “İcra haqqında” Qanunun 12-ci maddəsinə əsasən Qanunun 8.2-ci maddəsinin üçüncü bəndində nəzərdə tutulmuş hal istisna olmaqla, icra məmuru icra sənədini aldığı gündən iki ay müddətində bütün zəruri icra hərəkətlərini həyata keçirməlidir. Azərbaycan Respublikasının qanunvericiliyi ilə və ya icra sənədi ilə icrası dərhal nəzərdə tutulmuş tələblər təxirəsalınmadan icra olunur. Məhkəmə baxışında müəyyən edilmişdir ki, Bakı şəhəri Xətai rayon İcra Şöbəsi 25.11.2021-ci il tarixdən borclunun əmək haqqısının və ya gəlirlərinin 50% miqdarında tutulmanın aparılaraq tələbkarın bank hesabına köçürülməsi, borc tutulub qurtardıqdan sonra isə hər ay 160 ( üç yüz iyirmi) manat sabit pul məbləğində alimentin tutularaq X4 hesabına köçürülməsi, aliment ödənişi başa çatdıqdan sonra isə 30 manat dövlət rüsumunun tutularaq dövlət büdcəsinə ödənilməsi və bu barədə Xətai rayon İcra Şöbəsinə hər rübdə rəsmi məlumat verilməsi "xxxx" QSC-dən xahiş olunmuş, 2021-ci ilin fevral ayından Şəxs əmək haqqısının və ya gəlirlərinin 50% miqdarında tutulma aparılaraq tələbkarın bank hesabına köçürülmüşdür. İcra müddətində borclu icra məmurunun qanuni tələblərinə tabe olaraq vaxtlıvaxtında çağırışlara gəlmiş və borcu ödənilməməsi səbəbi olaraq maddi imkanının olmamasını göstərmişdir. İşin faktiki hallarından da görünür ki, borclunun mülkiyyətində tələbin məcburi qaydada yönəldilə biləcəyi hər hansı bir əmlakı və ya qazancı yoxdur. Yuxarıda sadalanan qanunun tələbləri və işin həqiqi halları baxımından məhkəmə belə qənaətə gəlir ki, Azərbaycan Respublikası İnzibati Xətalar Məcəlləsinin 528.1-ci maddəsinin dispozisiyasına əsasən icra sənədinin borclu tərəfindən üzrsüz səbəbdən icra edilməməsi inzibati məsuliyyətə səbəb olduğundan, hazırkı halda isə borclu Şəxs tərəfindən icra sənədi üzrə ödənişlərin edilməsi təmin olunmaqla icra sənədinin üzrsüz səbəblərdən icra edilməməsi halının mövcudluğu istisna olunduğundan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında iş üzrə icraata əməlində inzibati xəta tərkibi olmadığından xitam verilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 43, 48-51, 53, 114, 115, 128-130-cu maddələrini rəhbər tutaraq QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulan inzibati xətanı törətməsinə dair iş üzrə icraata barəsində inzibati icraat aparılan şəxsin əməlində inzibati xəta tərkibi olmadığından xitam verilsin. Qərarın surəti təqdim edildiyi və ya alındığı gündən 10 (on) gün müddətində Azərbaycan Respublikası İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə şikayəti verilə bilər. Sədrlik edən: Cavid Hüseyn