Bakı Şəhəri Xətai Rayon Məhkəməsi Qərar — İş №3(011)-3249/2023

Azərbaycan Respublikası adından QƏRAR Bakı şəhəri İş № 3(011)-3249/2023 21.09.2023 BAKI ŞƏHƏRİ XƏTAİ RAYON MƏHKƏMƏSİ Hakim Axundov Fuad Aydın oğlunun sədrliyi, Nəsibova Çinarə Aydın qızının katibliyi ilə, Hüquqi şəxs Şəxs barəsində Azərbaycan Respublikası İnzibati Xətalar Məcəlləsinin 485.2-ci maddəsində nəzərdə tutulmuş inzibati xəta haqqında materiala məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikası Dövlət Gömrük Komitəsi Aksizli Mallar üzrə Baş Gömrük İdarəsi hüquqi şəxs Şəxs barəsində Azərbaycan Respublikası İnzibati Xətalar Məcəlləsinin 485.2-ci maddəsi ilə 24 iyun 2023-cü il tarixli 14000-00580/23 nömrəli inzibati xəta haqqında protokol tərtib edərək baxılması üçün Bakı şəhəri Xətai Rayon Məhkəməsinə göndərmişdir. İnzibati xəta haqqında həmin protokoldan görünür ki, ünvan 1 ünvanında yerləşən Şəxs ünvanına göndərilmiş şassi nömrəsi “WDB9634031L989086” olan “X5” markalı və şassi nömrəsi “XLRTEM4100G032402” olan “Daf CF 440FT” markalı yəhərli dartıcılar, şassi nömrəsi “VS9004CSPSTRP2801” olan “Panissars” markalı və şassi nömrəsi “VF9SR34F2S0049298” olan “Magyar Bitum” markalı yarımyedəklər xx.xx.2023-cü il tarixdə **********3767, **********4401, **********4358 və **********4026 sorğu nömrəli gömrük bəyannamələri ilə Aksizli Mallar üzrə Baş Gömrük İdarəsində bəyan edilmişlər, lakin idxalatçı tərəfindən həmin yüklərə dair verilməli olan elektron formada qısa idxal bəyannaməsi gömrük orqanına təqdim edilməmiş, həmçinin həmin gömrük bəyannamələrinin 40-cı qrafasının boş qalması səbəbindən sözügedən qısa idxal bəyannaməsinin təqdim edilməməsi faktı müəyyən olunmuşdur. Məhkəmə iclasının vaxtı və yeri barədə məlumatlandırılmış barəsində inzibati xəta haqqında iş üzrə icraat aparılan hüquqi şəxs Şəxs və Azərbaycan Respublikası Dövlət Gömrük Komitəsi Aksizli Mallar üzrə Baş Gömrük İdarəsinin səlahiyyətli nümayəndələri gəlməmişlər, gəlməmələrinin səbəbləri barədə məhkəməyə məlumat verməmişdirlər. Azərbaycan Respublikası İnzibati Xətalar Məcəlləsinin 64.3-cü maddəsinə əsasən, işə barəsində inzibati xəta haqqında iş üzrə icraat aparılan hüquqi şəxs Şəxs, həmçinin Azərbaycan Respublikası Dövlət Gömrük Komitəsi Aksizli Mallar üzrə Baş Gömrük İdarəsinin səlahiyyətli nümayəndələrinin iştirakları olmadan baxılmasını mümkün hesab etmişdir. İş materiallarında olan və məhkəmə baxışında tədqiq edilmiş; “Gömrük xidmətinin Vahid avtomatlaşdırılmış idarəetmə sistemindən” əldə olunmuş “malların çatdırılması və boşaldılması” barədə çıxarışdan və xx.xx.2023-cü il tarixli **********3767, **********4401, **********4358 və **********4026 sorğu nömrəli gömrük bəyannamələrindən görünür ki, Şəxs ünvanına gələn mallar ölkə ərazisinə 02 iyun 2023-cü il tarixdə “Samur” gömrük postundan keçirilməklə Azərbaycan Respublikasının gömrük ərazisinə gətirilən həmin mallara dair elektron formada qısa idxal bəyannaməsi verilməmişdir; **********3767, **********4401, **********4358 və **********4026 sorğu nömrəli gömrük bəyannamələrindən görünür ki, Şəxs ünvanına gələn şassi nömrəsi “WDB9634031L989086” olan “X5” markalı və şassi nömrəsi “XLRTEM4100G032402” olan “Daf CF 440FT” markalı yəhərli dartıcılar, şassi nömrəsi “VS9004CSPSTRP2801” olan “Panissars” markalı və şassi nömrəsi “VF9SR34F2S0049298” olan “Magyar Bitum” markalı yarımyedəklərə dair qısa idxal bəyannaməsinin təqdim edilməməsi yuxarıda qeyd olunan bəyannamələrin 40-cı qrafasının boş qalması ilə təsdiqlənmişdir; Azərbaycan Respublikası Dövlət Gömrük Komitəsi Aksizli Mallar üzrə Baş Gömrük İdarəsinin Əməliyyat və Təhqiqat Şöbəsinin, Təhqiqat Bölməsinin baş təhqiqatçısı, gömrük xidməti polkovnik-leytenantı X1 tərəfindən tərtib edilmiş Azərbaycan Respublikası İnzibati Xətalar Məcəlləsinin 485.2-ci maddəsində nəzərdə tutulmuş inzibati xəta haqqında 24 iyun 2023-cü il tarixli 14000-00580/23 nömrəli protokoldan görünür ki, ünvan 1 ünvanında yerləşən Şəxs ünvanına göndərilmiş mallar xx.xx.2023-cü il tarixdə **********3767, **********4401, **********4358 və **********4026 sorğu nömrəli gömrük bəyannamələri ilə Aksizli Mallar üzrə Baş Gömrük İdarəsində bəyan edilmişlər, lakin idxalatçı tərəfindən həmin yüklər xx.xx.2023-cü il tarixdə “Samur” gömrük postunu keçməklə Azərbaycan Respublikasının gömrük ərazisinə gətirilməzdən əvvəl həmin dartıcı qoşqulara dair verilməli olan elektron formada qısa idxal bəyannaməsi gömrük orqanına təqdim edilməmiş, həmçinin həmin gömrük bəyannamələrinin 40-cı qrafasının boş qalması səbəbindən sözügedən qısa idxal bəyannaməsinin təqdim edilməməsi faktı müəyyən olunmuşdur; Şəxs nümayəndəsi X2 Azərbaycan Respublikası Dövlət Gömrük Komitəsi Aksizli Mallar üzrə Baş Gömrük İdarəsinin Əməliyyat və Təhqiqat Şöbəsinin, Təhqiqat bölməsində verdiyi izahatında bildirmişdir ki, Şəxs MMC-nin ünvanına gələn şassi nömrəsi “WDB9634031L989086” olan “Mercedes-Benz Actros” markalı və şassi nömrəsi “XLRTEM4100G032402” olan “Daf CF440FT” markalı yəhərli dartıcılar, şassi nömrəsi “VS9004CSPSTRP2801” olan “Panissars” markalı və şassi nömrəsi “VF9SR34F2S0049298” olan “Magyar Bitum” markalı yarımyedəklər gəlmişdir. Sürücü sərhədkeçməsi barədə vaxtında məlumat vermədiyi üçün qısa idxal bəyannaməsi tərtib olunmamışdır. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur; 31.3-cü maddəsinə əsasən, hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyirin həcmi və ya onun maraqlarının təmin edilməsinin varakteri və dərəcəsi, hüquqi şəxsi xarakretizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır; 485.2-ci maddəsinə əsasən, Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə - vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir. Azərbaycan Respublikası Gömrük Məcəlləsinin 113.1-ci maddəsinə əsasən fiziki şəxslər tərəfindən gömrük sərhədindən kommersiya məqsədləri üçün nəzərdə tutulmayan malların keçirilməsi halları istisna olmaqla, mallar gömrük ərazisinə gətirilməzdən əvvəl gömrük orqanlarına elektron formada qısa idxal bəyannaməsi verilir. Qısa idxal bəyannaməsinin verilməməsi bəyannaməçinin inzibati məsuliyyətinə səbəb olur, lakin gömrük rəsmiləşdirilməsinin və malların buraxılışının həyata keçirilməsinə mane olmur. Qısa idxal bəyannaməsinin formasını beynəlxalq standartlar və ticarət təcrübəsi nəzərə alınmaqla müvafiq icra hakimiyyəti orqanı müəyyən edir. “Malların və nəqliyyat vasitələrinin gömrük sərhədindən keçirilməsi üçün “Yaşıl dəhliz” və digər buraxılış sistemlərindən istifadə Qaydalarının təsdiq edilməsi haqqında Azərbaycan Respublikası Prezidentinin 920 saylı, 21 may 2016-cı il tarixli fərmanının 2.2-ci bəndinə əsasən qısa idxal bəyannaməsində risklərin təhlili, gömrük nəzarətinin düzgün aparılması üçün zəruri olan məlumatlar əks etdirilməli və malların gömrük sərhədini keçməsindən ən azı 1 (bir) saat əvvəl verilməlidir. Azərbaycan Respublikasının Nazirlər Kabinetinin 22 iyul 2014-cü il tarixli 163 nömrəli qərarı ilə təsdiq edilmiş Gömrük sərhədindən keçirilən malların və nəqliyyat vasitələrinin bəyan edilməsi Qaydalarının 10.1-ci bəndinə əsasən gömrük ərazisinə gətirilmiş mallar üzrə gömrük bəyannaməsi təqdim olunanadək qısa idxal bəyannaməsi aşağıdakı hallarda gömrük orqanlarına təqdim edilir: 10.1.1. gömrük sərhədindən mallar elektrikötürücü xətlər vasitəsilə keçirildikdə; 10.1.2. mallar müvəqqəti saxlanc xüsusi gömrük proseduru altında yerləşdirildikdə; 10.1.3. malların və nəqliyyat vasitələrinin gömrük ərazisinə buraxılmasının yaşıl, mavi, sarı və qırmızı dəhliz buraxılış sistemlərindən istifadə edilməsi üçün mallar və nəqliyyat vasitələri gömrük ərazisinə gətirilməzdən əvvəl gömrük orqanlarına elektron formada təqdim edildikdə. Məhkəmə iclasında tədqiq edilmiş inzibati xəta haqqında protokol və inzibati materialda olan digər sənədlərlə sübuta yetirilmişdir ki, hüquqi şəxs Şəxs ünvanına daxil olmuş yüklər xx.xx.2023-cü il tarixli **********3767, **********4401, **********4358 və **********4026 sorğu nömrəli gömrük bəyannamələri ilə Aksizli Mallar üzrə Baş Gömrük İdarəsində bəyan edilmiş, lakin idxalatçı tərəfindən 02 iyun 2023-cü il tarixdə “Samur” gömrük postundan keçirilməklə Azərbaycan Respublikasının ərazisinə gətirilən həmin yüklərə dair elektron formada qısa idxal bəyannaməsi gömrük orqanına təqdim edilməmişdir, həmçinin həmin gömrük bəyannaməsinin 40-cı qrafasının boş qalması qısa idxal bəyannaməsinin təqdim edilməməsi faktını bir daha təsdiqləmişdir. Məhkəmə araşdırması zamanı hüquqi şəxs Şəxs barəsində məsuliyyəti yüngülləşdirən və ya ağırlaşdıran hallar müəyyən edilməmişdir. Beləliklə, məhkəmə törədilmiş inzibati xətanın xarakterini, məsuliyyəti yüngülləşdirən və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək hesab edir ki, Şəxs Azərbaycan Respublikası İnzibati Xətalar Məcəlləsinin 485.2-ci maddəsi ilə təqsirli bilinməli və barəsində həmin maddənin sanksiyası həddində cərimə növündə inzibati tənbeh tədbiri tətbiq edilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 18.5, 114-115, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 485.2-ci maddəsi ilə təqsirli bilinsin və barəsində 1500 (bir min beş yüz) manat məbləğində cərimə növündə inzibati tənbeh tədbiri tətbiq edilsin. Qərardan, rəsmi qaydada verildiyi vaxtdan 10 (on) gün müddətində Bakı şəhəri Xətai Rayon Məhkəməsi vasitəsilə və ya birbaşa Bakı Apellyasiya Məhkəməsinə şikayət verilə bilər. Sədrlik edən: Fuad Axundov