Bakı Şəhəri Xətai Rayon Məhkəməsi Qərar — İş №3(011)-3262/2022

Azərbaycan Respublikası adından QƏRAR Bakı şəhəri İş № 3(011)-3262/2022 05.09.2022 BAKI ŞƏHƏRİ XƏTAİ RAYON MƏHKƏMƏSİ Bakı şəhəri Xətai Rayon Məhkəməsinin hakimi Məmmədov Bəxtiyar Şahfirudin oğlunun sədrliyi, Muradov Orxan Rüstəm oğlunun katibliyi ilə, Barəsində inzibati xəta haqqında iş üzrə icraat aparılan şəxs Şəxs, Bakı şəhəri BPİ X6 İdarəsinin nümayəndəsi X1 iştirakları ilə, xx.xx.1993-cü ildə Bakı şəhərində anadan olmuş, Azərbaycan Respublikasının vətəndaşı, ünvan 1 ünvanında qeydiyyatda olan və yaşayan Şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xəta haqqında materiala açıq məhkəmə iclasında baxaraq, məhkəmə MÜƏYYƏNETDİ: Şəxs barəsində Bakı şəhəri Xətai Rayon Polis İdarəsinin 37-ci Polis Şöbəsinin sahə inspektoru Fədai Maxsudov tərəfindən 03 sentyabr 2022-ci il tarixdə Azərbaycan Respublikası İnzibati Xətalar Məcəlləsinin 535.1-ci maddəsi ilə inzibati xəta haqqında MN seriyalı ******* saylı protokol tərtib edilmiş və baxılması üçün Xətai Rayon Məhkəməsinə təqdim edilmişdir. İnzibati xəta haqqında materialdan görünür ki, Şəxs xx.xx.2022-ci il tarixdə saat 18:00 radələrində BMW markalı **-NT-*** dövlət qeydiyyat nişanlı avtomobil ilə hərəkətdə olarkən avtomobildə rəng dəyişikliyi və istismara yararlı olub-olmamasının müəyyən edilməsi üçün Xətai rayonu, 8 Noyabr prospektində polis əməkdaşları tərəfindən saxlanılmış, polis əməkdaşlarının avtomobili duracağa yerləşdirilməsi tələbindən imtina etmiş, bununla da polisin qanuni tələblərinə tabe olmamışdır. Buna görə də onu əlavə PPX-nın köməyi ilə ərazi aidiyyatı üzrə polis şöbəsinə gətirilmişdir. Barəsində inzibati icraat aparılan şəxs Şəxs məhkəmə iclasında özünü təqsirli bilərək izahatında göstərmişdir ki, xx.xx.2022-ci il tarixdə saat 18:00 radələrində BMW markalı **- NT-*** dövlət qeydiyyat nişanlı avtomobil ilə hərəkətdə olarkən avtomobildə rəng dəyişikliyi və istismara yararlı olub-olmamasının müəyyən edilməsi üçün Xətai rayonu, 8 Noyabr prospektində polis əməkdaşları tərəfindən saxlanılmış, polis əməkdaşları avtomobili duracağa yerləşdirilməsini tələb etmiş, o, barəsində protokol tərtib edilməsini əsas gətirərək tabesizlik göstərmişdir. Əməlindən səmimi peşman olmasını,bir azyaşlı uşağının olmasını, bir daha belə hallara yol verməyəcəyini qeyd edərək ona yüngül tənbeh tədbiri verilməsini məhkəmədən xahiş etmişdir. Məhkəmə iclasında şahid qismində dindirilmiş Bakı şəhəri BPİ-nin DYPİ-nə bilavasitə tabe olan YPX alayının Müşayiət-eskort bölüyü YPX baş inspektoru X3 izahatında göstərmişdir ki, Şəxs xx.xx.2022-ci il tarixdə saat 18:00 radələrində BMW markalı **-NT-*** dövlət qeydiyyat nişanlı avtomobil ilə hərəkətdə olarkən avtomobilin təkərində nasazlıq olduğu üçün Xətai rayonu, 8 Noyabr prospektində saxlanılmışdır. Daha sonra sükan arxasına oturduqda da sükanın hərəkət etmədiyini müəyyən etmişdir. Avtomobili duracağa yerləşdirilməli olduğunu bildirdikdə o, bundan imtina etmişdir. Buna görə də kömək üçün PPX əməkdaşları əraziyə çağırılmışdır. Məhkəmə iclasında Bakı şəhəri BPİ X6 İdarəsinin nümayəndəsi X2 bildirmişdir ki, Şəxs xx.xx.2022-ci il tarixdə saat 18:00 radələrində BMW markalı **-NT-*** dövlət qeydiyyat nişanlı avtomobil ilə hərəkətdə olarkən avtomobildə rəng dəyişikliyi və istismara yararlı olub-olmamasının müəyyən edilməsi üçün Xətai rayonu, 8 Noyabr prospektində polis əməkdaşları tərəfindən saxlanılmış, polis əməkdaşlarının avtomobili duracağa yerləşdirilməsi tələbindən imtina etmiş, polisin qanuni tələblərinə tabe olmamışdır. Buna görə də onu əlavə PPX-nın köməyi ilə ərazi aidiyyatı üzrə polis şöbəsinə gətirilmişdir. İş materiallarına əlavə edilmiş xx.xx.2022-ci il inzibati qaydada tutma haqqında protokoldan görünür ki, Şəxs 03 sentyabr 2022-ci il tarixdə 20:00-da inzibati qaydada tutulmuşdur. Məhkəmə barəsində inzibati icraat aparılan şəxsin, şahidin izahatını, inzibati xəta haqqında materialı araşdırıb hesab edir ki, Şəxs polisin qanuni tələbinə tabe olmaması onun özünün səmimi etirafı və iş materialları əsasında tam sübuta yetirilmişdir. Azərbaycan Respublikası İnzibati Xətalar Məcəlləsinin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə - fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran hallar Məhkəmədə işə baxılarkən nəzərə alır. Həmin Məcəllənin 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Məhkəmə barəsində inzibati icraat aparılan şəxs Şəxs əməlində məsuliyyəti yüngülləşdirən hal kimi əməlindən səmimi peşmançılığı müəyyən edilmiş, onun əməlini ağırlaşdıran hallar isə müəyyən etməmişdir. İnzibati Xətalar Məcəlləsinin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Barəsində inzibati icraat aparılan şəxs Şəxs törətdiyi inzibati xətanın xarakterini, onun təqsirinin dərəcəsini və iş üzrə tədqiq olunmuş digər halları araşdırıb hesab edir ki, Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinərək inzibati məsuliyyətə cəlb edilməli və barəsində həmin maddənin sanksiyası həddində inzibati həbs növündə tənbeh tədbiri tətbiq edilməli, inzibati həbs müddətinin əvvəli 03 sentyabr 2022-ci il tarixdən hesablanmalıdır. Şərh olunanlara əsasən və Azərbaycan Respublikası İnzibati Xətalar Məcəlləsinin 40, 43, 48-51, 109, 114-115, 128-130-cu maddələrini rəhbər tutaraq, QƏRARAALDİM: Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinərək barəsində 08 (səkkiz) gün müddətinə həbs inzibati tənbeh tədbiri tətbiq edilsin. İnzibati həbs müddətinin əvvəli 03 sentyabr 2022-ci il tarixdən hesablansın. Şəxs Azərbaycan Respublikası Daxili İşlər Nazirliyi tərəfindən müəyyən edilən yerdə mühafizə altında saxlanılsın. Qərardan, surəti təqdim edildiyi və ya alındığı gündən 10 (on) gün müddətində şikayət verilə bilər. Sədrlik edən: Bəxtiyar Məmmədov