Bakı Şəhəri Xətai Rayon Məhkəməsi Qərardad — İş №3(011)-3569/2020

Azərbaycan Respublikası adından QƏRARDAD Bakı şəhəri İş № 3(011)-3569/2020 06.11.2020 BAKI ŞƏHƏRİ XƏTAİ RAYON MƏHKƏMƏSİ Bakı şəhəri Xətai Rayon Məhkəməsinin hakimi İbrahimli İbrahim Adil oğlunun sədrliyi, Əliyev Şahlar Əliağa oğlunun katibliyi, X4 Hüseyn oğlunun iştirakı ilə, X2 barəsində BNA № ******* nörəli, xx xxxxxxx 2020-ci il tarixli inzibati tənbeh vermə haqqında iş üzrə qərarın ləğv edilməsinə dair şikayətinə açıq məhkəmə iclasında baxaraq, məhkəmə MÜƏYYƏN ETDİ: X3 şikayət ərizəsi ilə məhkəməyə müraciət edərək, barəsində BNA № ******* nörəli, xx xxxxxxx 2020-ci il tarixli inzibati tənbeh vermə haqqında iş üzrə qərarın ləğv edilməsini xahiş etmişdir. Məhkəmə iclasında iştirak edən şikayətçi X3 ərizə verərək şikayət ərizəsinin məhkəmə baxışından çıxarılmaqla ona geri qaytarılmasını xahiş etmişdir. Məhkəmə iclasının yeri və vaxtı barədə qanuna müvafiq qaydada məlumat verilməsinə baxmayaraq, Bakı Nəqliyyat Agentliyinin səlahiyyətli nümayəndəsi məhkəməyə gəlməmiş, gəlməməsinin səbəbləri barədə məhkəməyə məlumat verməmişdir. Məhkəmə, işə Bakı Nəqliyyat Agentliyinin səlahiyyətli nümayəndəsinin iştirakı olmadan baxılmasını mümkün hesab etmişdir. Azərbaycan Respublikası İnzibati Xətalar Məcəlləsinin 128.1-ci maddəsinə əsasən, barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Həmin Məcəllənin 129.1.3-cü maddəsinə əsasən, səlahiyyətli orqanın (vəzifəli şəxsin) qərarından məhkəməyə verilən şikayət şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. Məhkəmə hesab edir ki, X2 məhkəmə iclasında təqdim etdiyi ərizə nəzərə alınaraq, barəsində inzibati xəta haqqında iş üzrə qərarın ləğv edilməsinə dair şikayət ərizəsi məhkəmə baxışından çıxarılmaqla əlavə edilmiş sənədlərlə birlikdə ona geri qaytarılmalıdır. Qeyd olunanları və Azərbaycan Respublikası İnzibati Xətalar Məcəlləsinin 40, 43, 100, 109-cu maddələrini rəhbər tutaraq, məhkəmə QƏRARA ALDİ: X2 barəsində inzibati xəta haqqında iş üzrə qərarın ləğv edilməsinə dair şikayət ərizəsi məhkəmə baxışından çıxarılmaqla əlavə edilmiş sənədlərlə birlikdə ona geri qaytarılsın. Sədrlik edən İbrahim İbrahimli