Bakı Şəhəri Xətai Rayon Məhkəməsi Qərardad — İş №3(011)-3621/2024

Azərbaycan Respublikası adından QƏRARDAD Bakı şəhəri İş № 3(011)-3621/2024 16.08.2024 BAKI ŞƏHƏRİ XƏTAİ RAYON MƏHKƏMƏSİ Bakı şəhəri Xətai Rayon Məhkəməsinin hakimi Məmmədov Bəxtiyar Şahfirudin oğlunun sədrliyi ilə "xxxx" MMC ( VÖEN: **********) barəsində Azərbaycan Respublikası İnzibati Xətalar Məcəlləsinin 464-cü maddəsi ilə nəzərdə tutulmuş inzibati xəta haqqında materiala açıq məhkəmə iclasında baxaraq məhkəmə MÜƏYYƏN ETDİ: İnzibati xəta haqqında materialdan görünür ki, "xxxx" MMC (VÖEN: **********) barəsində Azərbaycan Respublikası İnzibati Xətalar Məcəlləsinin 464-cü maddəsilə xx.xx.2024-cü il tarixli ******* saylı protokol tərtib edilərək baxılması üçün Bakı Şəhəri Xətai Rayon Məhkəməsinə göndərilmişdir. İş materiallarında olan elektron məhkəmə informasiya sistemindən çıxarışdan görünür ki, "xxxx" MMC-nin (VÖEN: **********) hüquqi ünvanı Bakı şəhəri, Yasamal rayonu, X1 Naxçıvani küçəsi, ev 15, mənzil 60 ünvanıdır. "xxxx" MMC (VÖEN: **********) tərəfindən işə Bakı şəhəri Xətai Rayon Məhkəməsində baxılmasına dair heç bir vəsatət daxil olmamışdır. Məhkəmə iş materiallarını araşdırıb belə qənaətə gəlir ki, Bakı şəhəri Xətai rayon Polis İdarəsi tərəfindən "xxxx" MMC (VÖEN: **********) barəsində Azərbaycan Respublikası İnzibati Xətalar Məcəlləsinin 464-cü maddəsi ilə nəzərdə tutulmuş inzibati xəta haqqında material aidiyyəti üzrə düzgün göndərilməmişdir. Azərbaycan Respublikası İnzibati Xətalar Məcəlləsinin 110-cu maddəsinə əsasən İnzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında iş onun yaşadığı yer üzrə baxıla bilər. Azərbaycan Respublikası İnzibati Xətalar Məcəlləsinin 109.1.7-ci maddəsinə əsasən hakim inzibati xəta haqqında işin baxılmağa hazırlanması zamanı əgər bu məsələnin baxılması onun səlahiyyətinə aid deyildirsə, inzibati xəta haqqında protokolun və ya digər materialların baxılması üçün aidiyyəti üzrə göndərilməsi barədə qərardad qəbul edir. Məhkəmə iş materiallarını araşdıraraq hesab edir ki, "xxxx" MMC (VÖEN: **********) tərəfindən işə Bakı şəhəri Xətai Rayon Məhkəməsində baxılmasına dair heç bir vəsatət daxil olmadığından və onun hüquqi ünvanı Yasamal rayonu ərazisi olduğundan Azərbaycan Respublikası İnzibati Xətalar Məcəlləsinin 464-cü maddəsi ilə nəzərdə tutulmuş inzibati xəta haqqında material baxılması üçün aidiyyəti üzrə Bakı şəhəri Yasamal Rayon Məhkəməsinə göndərilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 40 və 109-110-cu maddələrini rəhbər tutaraq məhkəmə, Q Ə R A R A A L D İ: "xxxx" MMC (VÖEN: **********) barəsində Azərbaycan Respublikası İnzibati Xətalar Məcəlləsinin 464-cü maddəsi ilə nəzərdə tutulmuş inzibati xəta haqqında material baxılması üçün aidiyyəti üzrə Bakı şəhəri Yasamal Rayon Məhkəməsinə göndərilsin. Sədrlik edən: Bəxtiyar Məmmədov