Bakı Şəhəri Xətai Rayon Məhkəməsi Qərar — İş №3(011)-3749/2021

Azərbaycan Respublikası adından QƏRAR Bakı şəhəri İş № 3(011)-3749/2021 29.10.2021 BAKI ŞƏHƏRİ XƏTAİ RAYON MƏHKƏMƏSİ Hakim Hüseyn Cavid Vaqif oğlunun sədrliyi, Paşayev Orxan Zakir oğlunun katibliyi ilə, Azərbaycan Respublikası Dövlət Reklam Agentliyinin Bakı şəhəri Reklam İdarəsinin nümayəndəsi X2, Barəsində inzibati xəta haqqında iş üzrə icraat aparılan hüquqi şəxs Şəxs nümayəndəsi və vəkili X1 iştirakları ilə, Hüquqi şəxs Şəxs barəsində Azərbaycan Respublikası İnzibati Xətalar Məcəlləsinin 428.7.1ci maddəsində nəzərdə tutulmuş inzibati xəta haqqında materiala məhkəmənin binasında açıq məhkəmə iclasında baxaraq, MÜƏYYƏN ETDİ: Azərbaycan Respublikası Dövlət Reklam Agentliyinin Bakı şəhəri Reklam İdarəsi tərəfindən hüquqi şəxs Şəxs barəsində Azərbaycan Respublikası İnzibati Xətalar Məcəlləsinin 428.7.1-ci maddəsində nəzərdə tutulmuş inzibati xəta haqqında 29 sentyabr 2021-ci il tarixli MN seriyalı ******* nömrəli protokol tərtib edilmiş və baxılması üçün aidiyyəti üzrə Bakı şəhəri Xətai Rayon Məhkəməsinə göndərilmişdir. İnzibati xəta haqqında protokolun tərtib olunmasına səbəb kimi hüquqi şəxs Şəxs tərəfindən 29 sentyabr 2021-ci il tarixdə saat 14:40-da ünvan 1 ünvanında müvafiq icazə olmadan açıq məkanda reklam yerləşdirilməsi göstərilmişdir. Məhkəmə iclasında Azərbaycan Respublikası Dövlət Reklam Agentliyinin Bakı şəhəri Reklam İdarəsinin nümayəndəsi X4 inzibati xəta haqqında protokolun məzmununa uyğun izahat verərək hüquqi şəxs Şəxs barəsində inzibati tənbeh vermə haqqında qərar çıxarılmasını etmişdir. Məhkəmə iclasında barəsində inzibati xəta haqqında iş üzrə icraat aparılan hüquqi şəxs Şəxs nümayəndəsi və vəkili X3 bildirdi ki, Azərbaycan Respublikası Dövlət Reklam Agentliyinin Bakı şəhəri Reklam İdarəsi tərəfindən hüquqi şəxs Şəxs barəsində Azərbaycan Respublikası İnzibati Xətalar Məcəlləsinin 428.7.1-ci maddəsində nəzərdə tutulmuş inzibati xəta haqqında 29 sentyabr 2021-ci il tarixli MN seriyalı ******* nömrəli protokol əsassızdır. Belə ki, Azərbaycan Respublikası Dövlət Reklam Agentliyinin Bakı şəhəri Reklam İdarəsi 23 sentyabr 2021-ci il tarixli məktubla Şəxsnə müraciət edərək “Chirag gallery” ticarət obyektinə aid açıq məkanda olan reklamların mövcud qanunvericiliyin tələbləri çərçivəsində 3 gün ərzində rəsmiləşdirilməsini təmin etmək məqsədi ilə Bakı şəhəri Reklam İdarəsinə müraciət etmələrini xahiş etmiş, həmin məktub 28 sentyabr 2021-ci il tarixdə Şəxsnə daxil olmuşdur. Heç bir etiraz etməyərək 30 sentyabr 2021-ci il tarixli məktubla Bakı şəhəri Reklam İdarəsinə müraciət edərək müqavilə bağlamaq arzusunda olduqlarını və ödəniş edilməsinə təminat verəcəklərini bildirmişlər. Lakin, 3 günlük xəbərdarlıq müddəti bitmədən Bakı şəhəri Reklam İdarəsi tərəfindən inzibati xəta haqqında protokol tərtib edilmişdir. Həmçinin, hazırda Azərbaycan Respublikası Dövlət Reklam Agentliyinin Bakı şəhəri Reklam İdarəsi ilə hüquqi şəxs Şəxs arasında açıq məkanda reklam yerləşdirilməsinə dair icazə müqaviləsi bağlanılmış, həmin müqavilə üzrə müəssisə hüquq və vəzifələr əldə etməklə üzərinə öhdəliklər götürmüş, müqavilə üzrə ödənişlər tam ödənilmişdir. Odur ki, Şəxs barəsində olan inzibati xəta haqqında işin icraatına xitam verilməsini xahiş etmişdir. İş materiallarında olan və məhkəmə baxışında tədqiq edilmiş; Bakı şəhəri Reklam İdarəsinin 23 sentyabr 2021-ci il tarixli məktubundan görünür ki, “Chirag gallery” ticarət obyektinə müraciət edilərək “Chirag gallery” ticarət obyektinə aid açıq məkanda olan reklamların mövcud qanunvericiliyin tələbləri çərçivəsində 3 gün ərzində rəsmiləşdirilməsini təmin etmək məqsədi ilə Bakı şəhəri Reklam İdarəsinə müraciət etmələri xahiş olunmuşdur. qaimədən görünür ki, Bakı şəhəri Reklam İdarəsinin 23 sentyabr 2021-ci il tarixli məktubu 24.09.2021-ci il tarixdə poçta verilmiş, 27.09.2021-ci il tarixdə Məmmədova soyadlı şəxs tərəfindən qəbul edilmişdir. Şəxs məktubundan görünür ki, Bakı şəhəri Reklam İdarəsinə müraciət edilərək açıq məkanda reklam yerləşdirilməsi ilə bağlı müqavilə bağlamaq arzusunda olduqlarını və ödəniş edilməsinə təminat verəcəklərini bildirmişlər. qaimədən görünür ki, Şəxs məktubu 30.09.2021-ci il tarixdə poçta verilmiş, 04.10.2021-ci il tarixdə Bakı şəhəri Reklam İdarəsi tərəfindən qəbul edilmişdir. Azərbaycan Respublikası Dövlət Reklam Agentliyinin Bakı şəhəri Reklam İdarəsi tərəfindən tərtib edilmiş 06 may 2021-ci il tarixli MN seriyalı ******* nömrəli saylı inzibati xəta haqqında protokoldan görünür ki, Şəxs tərəfindən 29 sentyabr 2021-ci il tarixdə saat 14:40-da ünvan 1 ünvanında müvafiq icazə olmadan açıq məkanda reklam yerləşdirilməsi faktı müəyyən edilmiş, bu səbəbdən Şəxs barəsində Azərbaycan Respublikası İnzibati Xətalar Məcəlləsinin 428.7.1-ci maddəsində nəzərdə tutulmuş inzibati xəta haqqında müvafiq protokol tərtib edilmişdir. inzibati xəta haqqında işə əlavə edilmiş fotoşəkillərdən görünür ki, açıq məkanda müxtəlif reklam yerləşdirilmişdir; Bakı şəhəri Reklam İdarəsinin dövlət rüsumunun ödənilməsi üçün bildirişindən görünür ki, Şəxs tərəfindən ödəniləcək rüsum 14,67 manat müəyyən edilmişdir. Bakı şəhəri Reklam İdarəsinin yayım haqqı ödənişi üçün hesab fakturasından görünür ki, Şəxs tərəfindən ödəniləcək yayım haqqı 129,80 manat müəyyən edilmişdir. ödəniş tapşırıqlarından görünür ki, Şəxs tərəfindən Bakı şəhəri Reklam İdarəsinin hesabına 129,80 manat yayım haqqı, 14,67 manat rüsum ödənilmişdir. Azərbaycan Respublikası İnzibati Xətalar Məcəlləsinin: 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 428.7.1-ci maddəsinə əsasən, açıq məkanda reklam haqqında qanunvericiliyin pozulmasına, yəni, müvafiq icazə olmadan, həmçinin onların tələbləri pozulmaqla açıq məkanda reklam yerləşdirilməsinə görə - fiziki şəxslər üç yüz manatdan beş yüz manatadək məbləğdə, vəzifəli şəxslər min beş yüz manatdan iki min beş yüz manatadək məbləğdə, hüquqi şəxslər beş min manatdan on min manatadək məbləğdə cərimə edilir. Məhkəmə iş üzrə tərəflərin izahatlarını dinləyib, inzibati xəta haqqında protokolu və ona əlavə edilmiş sənədləri nəzərdən keçirərək hesab edir ki, inzibati xəta haqqında iş üzrə icraata xitam verilməlidir. Məhkəmə, Azərbaycan Respublikasının Dövlət Reklam Agentliyi Bakı Şəhəri Reklam İdarəsindən daxil olmuş hüquqi şəxs Şəxs barəsində inzibati xəta haqqında protokolu, iş materiallarında olan sübutların məcmusunu nəzərə alaraq belə qənaətə gəlir ki, hüquqi şəxs Şəxs tərəfindən müvafiq icazə olmadan açıq məkanda reklam yerləşdirilməsi, bununla da, sonuncu tərəfindən Azərbaycan Respublikası İnzibati Xətalar Məcəlləsinin 428.7.1-ci maddəsində nəzərdə tutulmuş inzibati xətanın tərkibinin yaradan hərəkətlərə yol verilməsi obyektiv sübutların məcmusu ilə öz təsdiqini tapmır. Məhkəmə ilk öncə nəzərə alır ki, Bakı şəhəri Reklam İdarəsi tərəfindən 23 sentyabr 2021-ci il tarixli məktubula “Chirag gallery” ticarət obyektinə müraciət edilərək “Chirag gallery” ticarət obyektinə aid açıq məkanda olan reklamların mövcud qanunvericiliyin tələbləri çərçivəsində üç gün ərzində rəsmiləşdirilməsini təmin etmək məqsədi ilə Bakı şəhəri Reklam İdarəsinə müraciət etmələri xahiş olunmuş, həmin məktub 24.09.2021-ci il tarixdə poçta verilmiş, 27.09.2021-ci il tarixdə Şəxs tərəfindən qəbul edilmiş, üç gün müddət keçmədən Şəxs tərəfindən Bakı şəhəri Reklam İdarəsinə müraciət edilərək açıq məkanda reklam yerləşdirilməsi ilə bağlı müqavilə bağlamaq arzusunda olduqlarını və ödəniş edilməsinə təminat verəcəklərini bildirmişlər. Həmin məktub, 30.09.2021-ci il tarixdə poçta verilmiş, 04.10.2021-ci il tarixdə Bakı şəhəri Reklam İdarəsi tərəfindən qəbul edilmişdir. Göründüyü kimi, inzibati orqanın özünün müəyyən etdiyi xəbərdarlıq müddəti bitmədən inzibati xəta haqqında protokol tərtib edilmişdir. Bundan əlavə, məhkəmə araşdırması zamanı müəyyən edilmişdir ki, Şəxsnə açıq məkanda reklam yerləşdirilməsinə icazə verilmiş, Şəxs tərəfindən Bakı şəhəri Reklam İdarəsinin hesabına 129,80 manat yayım haqqı, 14,67 manat rüsum tam ödənilmişdir. Beləliklə, məhkəmə Şəxs əməlində inzibati xəta tərkibi olmadığını nəzərə alaraq hesab edir ki, Şəxs barəsində Azərbaycan Respublikasının İnzibati Xətalar Məcəlləsinin 428.7.1-ci maddəsi ilə nəzərdə tutulan inzibati iş üzrə icraata inzibati xəta tərkibi olmadığından xitam verilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 18.5, 114- 115, 128-130-cu maddələrini rəhbər tutaraq, məhkəmə QƏRARA ALDİ: Hüquqi şəxs Şəxs Azərbaycan Respublikasının İnzibati Xətalar Məcəlləsinin 428.7.1-ci maddəsi ilə nəzərdə tutulan inzibati xətanı törətməsinə dair iş üzrə icraata Şəxs əməlində (hərəkət və ya hərəkətsizlik) inzibati xəta tərkibi olmadığından xitam verilsin. Qərarın surəti təqdim edildiyi və ya alındığı gündən 10 (on) gün müddətində Azərbaycan Respublikası İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə şikayəti verilə bilər. Sədrlik edən: Cavid Hüseyn