Bakı Şəhəri Xətai Rayon Məhkəməsi Qərar — İş №3(011)-3780/2022

Azərbaycan Respublikası adından QƏRAR Bakı şəhəri İş № 3(011)-3780/2022 24.10.2022 BAKI ŞƏHƏRİ XƏTAİ RAYON MƏHKƏMƏSİ Hakim Hacıyeva Sülhanə Sərdar qızının sədrliyi, Paşayev Orxan Zakir oğlunun katibliyi ilə, Hüquqi şəxs Şəxs barəsində Azərbaycan Respublikası İnzibati Xətalar Məcəlləsinin 496.1-ci maddəsi ilə nəzərdə tutulmuş inzibati xəta haqqında materiala məhkəmənin binasında açıq məhkəmə iclasında baxaraq, MÜƏYYƏN ETDİ: Azərbaycan Respublikasının Dövlət Gömrük Komitəsi Enerji Resursları və Dəniz Nəqliyyatında Baş Gömrük İdarəsi Şəxs barəsində Azərbaycan Respublikası İnzibati Xətalar Məcəlləsinin 496.1-ci maddəsi ilə 07 sentyabr 2022-ci il tarixli, 13000-0968/22 nömrəli inzibati xəta haqqında protokol tərtib edərək baxılması üçün adiyyatı üzrə Bakı şəhəri Xətai Rayon Məhkəməsinə göndərmişdir. İnzibati xəta haqqında həmin protokoldan görünür ki, Enerji Resursları və Dəniz Nəqliyyatında Baş Gömrük İdarəsinin “Liman” gömrük postundan daxil olmuş xx.xx.2022-ci il tarixli raportun araşdırılması zamanı müəyyən edilmişdir ki, Azərbaycan Respublikasının ərazisindən tranzit daşınmalı olan “Xam Neft” yanacağı malı hüquqi şəxs Şəxs MMC tərəfindən xx.xx.2022-ci il tarixli **********7064 saylı saxlanc gömrük bəyannaməsi üzrə 4 ay müddətinə müvəqqəti saxlanca yerləşdirilmişdir. Həmin partiya üzrə malların 2.066.932 kq-dan ibarət hissəsi Səngəçal postuna göndərilmiş, geriyə qalan 3.343.233 kq-dan ibarət olan hissəsi isə bu günədək saxlancda qalmaqdadır. Lakin Nazirlər Kabinetinin xx.xx.2013-cü il tarixli 229 saylı qərarında müəyyən edilmiş malların saxlanc xüsusi gömrük proseduru altında qalma müddətinin bitməsinə baxmayaraq müvəqqəti saxlancda qalan mal hər hansı bir gömrük proseduru altında rəsmiləşdirilməmişdir. Bununla da, Şəxs tərəfindən gömrük qanunvericilikdə müvəqqəti saxlanc xüsusi gömrük proseduru altında qalma üçün nəzərdə tutulmuş son müddət 04 (dörd) ay pozulmuşdur. Nəticədə hüquqi şəxs Şəxs Azərbaycan Respublikası İnzibati Xətalar Məcəlləsinin 496.1-ci maddəsində nəzərdə tutulmuş inzibati xətanı törətmişdir. Məhkəmə iclasının yeri və vaxtı barədə qanunamüvafiq qaydada məlumat verilməsinə baxmayaraq, barəsində inzibati xəta haqqında iş üzrə icraat aparılan hüquqi şəxs Şəxs və inzibati xəta haqqında protokolu tərtib etmiş səlahiyyətli orqan Azərbaycan Respublikası Dövlət Gömrük Komitəsinin Enerji Resursları və Dəniz Nəqliyyatında Baş Gömrük İdarəsinin nümayəndələri məhkəməyə gəlməmiş, gəlməmələrinin səbəbləri barədə məhkəməyə məlumat verməmişlər. Azərbaycan Respublikası İnzibati Xətalar Məcəlləsinin tələblərinə əsasən, məhkəmə, işə barəsində inzibati xəta haqqında iş üzrə icraat aparılan hüquqi şəxs Şəxs və inzibati xəta haqqında protokolu tərtib etmiş səlahiyyətli orqan Azərbaycan Respublikası Dövlət Gömrük Komitəsinin Enerji Resursları və Dəniz Nəqliyyatında Baş Gömrük İdarəsinin nümayəndələrinin iştirakı olmadan baxılmasını mümkün hesab etmişdir. İş materiallarında olan və məhkəmə baxışında tədqiq edilmiş; Azərbaycan Respublikası Dövlət Gömrük Komitəsinin Enerji Resursları və Dəniz Nəqliyyatında Baş Gömrük İdarəsinin Əməliyyat və təhqiqat şöbəsinin, Təhqiqat bölməsinin böyük təhqiqatçısı gömrük xidməti baş leytenant X1 tərəfindən tərtib edilmiş 07 sentyabr 2022-ci il tarixli, 13000-0968/22 saylı inzibati xəta haqqında protokoldan görünür ki, Enerji Resursları və Dəniz Nəqliyyatında Baş Gömrük İdarəsinin “Liman” gömrük postundan daxil olmuş xx.xx.2022-ci il tarixli raportun araşdırılması zamanı müəyyən edilmişdir ki, Azərbaycan Respublikasının ərazisindən tranzit daşınmalı olan “Xam Neft” yanacağı malı hüquqi şəxs Şəxs MMC tərəfindən xx.xx.2022-ci il tarixli **********7064 saylı saxlanc gömrük bəyannaməsi üzrə 4 ay müddətinə müvəqqəti saxlanca yerləşdirilmişdir. Həmin partiya üzrə malların 2.066.932 kq-dan ibarət hissəsi Səngəçal postuna göndərilmiş, geriyə qalan 3.343.233 kq-dan ibarət olan hissəsi isə bu günədək saxlancda qalmaqdadır. Lakin Nazirlər Kabinetinin xx.xx.2013-cü il tarixli 229 saylı qərarında müəyyən edilmiş malların saxlanc xüsusi gömrük proseduru altında qalma müddətinin bitməsinə baxmayaraq müvəqqəti saxlancda qalan mal hər hansı bir gömrük proseduru altında rəsmiləşdirilməmişdir. Bununla da, Şəxs tərəfindən gömrük qanunvericilikdə müvəqqəti saxlanc xüsusi gömrük proseduru altında qalma üçün nəzərdə tutulmuş son müddət 04 (dörd) ay pozulmuşdur. Nəticədə hüquqi şəxs Şəxs Azərbaycan Respublikası İnzibati Xətalar Məcəlləsinin 496.1-ci maddəsində nəzərdə tutulmuş inzibati xətanı törətmişdir; 06 sentyabr 2022-ci il tarixli raportdan görünür ki, Tükmənistan Respublikasından xx.xx.2022-ci il tarixdə “X4 East” şirkətinin ünvanına göndərilən 5.410.165 kq. Xam neft yanacağı ilə yüklü «Babək» tankeri Bakı şəhəri Xətai rayonunda yerləşən “Liman” gömrük postuna daxil olmuşdur. Həmin yük Azərbaycan Respublikasının ərazisində daşıyıcısı olan Şəxs tərəfindən Azərbaycan Respublikası Nazirlər Kabinetinin 27 avqust 2013-cü il tarixli 229 saylı qərarına əsasən 04 (dörd) ay müddətinə müvəqqəti saxlanc proseduru altında yerləşdirilmişdirYükün 2.066.932 kq xam neft Səngəçal gömrük postuna yola salınmışdır. Lakin AR Nazirlər Kabinetinin xx.xx.2013-cü il tarixli 229 saylı Qərarında müəyyən edilmiş müddətinin bitməsinə baxmayaraq 3.343.233 kq müvəqqəti saxlancda qalmışdır. Xam neft yancağı yükü heç bir digər gömrük prseduru altında rəsmiləşdirməmişdir; Azərbaycan Respublikası Dövlət Gömrük Komitəsinin Enerji Resursları və Dəniz Nəqliyyatında Baş Gömrük İdarəsinin Əməliyyat və təhqiqat şöbəsinin, Təhqiqat bölməsinin böyük təhqiqatçısı gömrük xidməti baş leytenant X1 tərəfindən tərtib edilmiş 07 sentyabr 2022-ci il tarixli barəsində icraat aparılan şəxsin sorğu-sual edilməsi haqqında protokoldan görünür ki, İXM-nin 496.1-ci maddəsi ilə təqsirləndirilən Şəxs barəsində 13000-0968/22 saylı inzibati xəta haqqında iş üzrə İXM-nin 61, 64-cü maddələrinə əsasən Şəxs MMC-nin hüquqşünası xx.xx.1980-ci il təvəllüdlü X2 müəssisənin xx.xx.2022-ci il tarixli etibarnamə əsasında nümayəndəsi kimi sorğu-sual edilmiş və həmin aparılan sorğu-sual zamanı o, hüquqi şəxs tərəfindən inzibati xətanın törədilməsini etiraf edərək bildirmişdir ki, müvəqqəti saxlanc proseduru altında qalmış mal müxtəlif texniki səbəblərdən müəyyən edilmiş müddət ərzində digər prosedur altında yerləşdirilməmiş və təyinatı üzrə göndərilməsi mümkün olmamışdır. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. 31.3-cü maddəsinə əsasən, hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyirin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakretizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. 496.1-ci maddəsinə əsasən malların saxlanca qoyulması və saxlanc qaydalarının (müddətlərinin) pozulmasına, o cümlədən gömrük və müvəqqəti saxlanc anbarlarında mallarla müxtəlif əməliyyatların aparılmasının müəyyən olunmuş tələblərinə və şərtlərinə riayət edilməməsinə görə - fiziki şəxslər əlli manatdan yüz manatadək məbləğdə, vəzifəli şəxslər yüz əlli manatdan iki yüz əlli manatadək məbləğdə, hüquqi şəxslər üç yüz manatdan beş yüz manatadək məbləğdə cərimə edilir. Məhkəmə iclasında tədqiq edilmiş inzibati xəta haqqında protokol və inzibati materialda olan digər sənədlərlə sübuta yetirilmişdir ki, hüquqi şəxs Şəxs tərəfindən Azərbaycan Respublikası Nazirlər Kabinetinin xx.xx.2013-cü tarixli 229 saylı qərarında müəyyən edilmiş 04 (dörd ay) müddətinin bitməsinə baxmayaraq müvəqqəti saxlancda qalmış 3.343.233 kq Xam neft yanacağı yükünü heç bir digər gömrük proseduru altında rəsmiləşdirilməmişdir. Məhkəmə araşdırması zamanı hüquqi şəxs Şəxs barəsində məsuliyyəti yüngülləşdirən və ya ağırlaşdıran hallar müəyyən edilməmişdir. Beləliklə, məhkəmə törədilmiş inzibati xətanın xarakterini, məsuliyyəti yüngülləşdirən və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək hesab edir ki, Şəxs Azərbaycan Respublikası İnzibati Xətalar Məcəlləsinin 496.1-ci maddəsi ilə təqsirli bilinməli və barəsində həmin maddənin sanksiyası həddində cərimə inzibati tənbeh tədbiri tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 18.5, 40, 43, 48, 114-115, 128-130-cu maddələrini rəhbər tutaraq, məhkəmə QƏRARA ALDİ: Hüquqi şəxs Şəxs Azərbaycan Respublikası İnzibati Xətalar Məcəlləsinin 496.1-ci maddəsində nəzərdə tutulan inzibati xətanı xətanı törətməkdə təqsirli bilinsin və barəsində 300 (üç yüz) manat məbləğində cərimə növündə inzibati tənbeh tədbiri tətbiq edilsin. Qərardan, rəsmi qaydada verildiyi vaxtdan 10 (on) gün müddətində Bakı Apellyasiya Məhkəməsinə şikayət verilə bilər. Sədrlik edən: Sülhanə Hacıyeva