Bakı Şəhəri Xətai Rayon Məhkəməsi Qərar — İş №3(011)-4083/2024

Azərbaycan Respublikası adından QƏRAR Bakı şəhəri İş № 3(011)-4083/2024 05.09.2024 BAKI ŞƏHƏRİ XƏTAİ RAYON MƏHKƏMƏSİ Hakim Sadıxov Rəfail Adil oğlunun sədrliyi, Əliyeva Nailə Namiq qızının katibliyi, İnzibati xəta haqqında protokolu tərtib etmiş Xətai rayon DYPİ Yol patrol xidməti inspektor polis baş serjantı X1, Barəsində inzibati xəta haqqında iş üzrə icraat aparılan şəxs - Şəxs iştirakı ilə, 16 avqust 1998-ci ildə Salyan rayonunda anadan olmuş, Azərbaycan Respublikasının vətəndaşı, evli, Salyan rayonu, Salyan şəhəri X6 küçəsi ev 16, mənzil 35 ünvanında qeydiyyatda olan Şəxs Azərbaycan Respublikasının İnzibati Xətalar Məcəlləsinin 511.1.3-cü maddəsi ilə nəzərdə tutulmuş inzibati xəta haqqında materiala Xətai Rayon Məhkəməsinin inzibati binasında, açıq məhkəmə iclasında baxaraq, MÜƏYYƏN ETDİ: Şəxs 03 sentyabr 2024-cü il tarixdə saat 02:50-də Bakı şəhəri, Xətai rayonu, Ukrayna dairəsi ərazisində idarə etdiyi “Xəzər” markalı, **-PS-*** dövlət qeydiyyat nişanlı avtomobil ilə “Yol hərəkəti haqqında” Azərbaycan Respublikası Qanunun tələbini pozaraq, avtoxuliqanlıq hərəkətləri etmişdir. Şəxs barəsində Xətai rayon DYPİ Yol patrol xidməti inspektor polis baş serjantı X2 tərəfindən 03 sentyabr 2024-cü il tarixdə Azərbaycan Respublikası İnzibati Xətalar Məcəlləsinin 511.1.3-cü maddələri ilə nəzərdə tutulmuş İnzibati xəta haqqında İXP ******* saylı protokol tərtib edilmiş və həmin Məcəllənin 43.1-ci maddəsinə müvafiq olaraq baxılması üçün məhkəməyə təqdim edilmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında özünü təqsirli bilərək izahatında göstərdi ki, 03 sentyabr 2024-cü il tarixdə saat 02:50-də Bakı şəhəri, Xətai rayonu, Ukrayna dairəsi ərazisində idarə etdiyi “Xəzər” markalı, **-PS-*** dövlət qeydiyyat nişanlı avtomobil ilə Xətai rayonu ərazisində avtoxuliqanlıq hərəkətlərinə yol vermişdir. Həyat yoldaşını xəstəxanaya çatdırmalı idi, ilk dəfədir ki, belə bir əmələ yol vermişdir. Hazırda o, öz səhvini başa düşür və törətdiyi əməldən çox peşmandır. Bir daha belə hallara yol verməyəcəyini nəzərə alaraq, barəsində yüngül inzibati tənbeh tədbirinin tətbiq edilməsini xahiş etdi. Məhkəmə iclasında inzibati xəta haqqında protokolu tərtib etmiş Xətai rayon DYPİ Yol patrol xidməti inspektor polis baş serjantı X2 izahatında göstərdi ki, 03 sentyabr 2024cü il tarixdə saat 02:50-də Bakı şəhəri, Xətai rayonu, Ukrayna dairəsi ərazisində xidmətdə olarkən “Xəzər” markalı, **-PS-*** dövlət qeydiyyat nişanlı avtomobilil avtoxuliqanlıq etdiyini aşkar etmiş və saxla işarəsi verərək saxlatmışdırlar. Məlum olmuşdur ki, Şəxs həmin nəqliyyat vasitəsini idarə edir. Tərəflərindən həmin nəqliyyat vasitəsi “Xəmsə” duracağına yerləşdirilmişdirlər. Bu zaman Şəxs və orada olan qardaşı X3 ictimai asayişi pozaraq səs tonlarını qaldırıb orada olan vətəndaşlara narahatçılıq yaratmışdırlar. Dərhal hər iki vətəndaşı 99YP458 çağırışlı patrul maşınına əyləşdirərək yaxınlıqdakı 23-cü polis bölməsinə təmin etmişdirlər. Məhkəmə işdə iştirak edən şəxsləri dinləyib, inzibati xəta haqqında materialı araşdıraraq hesab edir ki, Şəxs Azərbaycan Respublikası İnzibati Xətalar Məcəlləsinin 511.1.3-cü maddəsi ilə təqsirli olması tam sübuta yetirilir. İş materiallarında olan və məhkəmə baxışında tədqiq edilmiş: 03 sentyabr 2024-cü il tarixli, İXP seriyalı ******* saylı İnzibati xəta haqqında protokoldan görünür ki, Şəxs ictimai qaydanı və əhalinin dincliyini nümayişkaranə şəkildə pozaraq qərəzli hərəkətlər etmiş və nəticədə Şəxs tərəfindən Azərbaycan Respublikası İnzibati Xətalar Məcəlləsinin 511.1.3-cü maddələrində nəzərdə tutulmuş inzibati xəta törədilmişdir. 03 sentyabr 2024-cü il tarixli nəqliyyat vasitəsinin mühafizə olunan duracağa yerləşdirilməsi barədə aktdan görünür ki, Şəxs məxsus “Xəzər” minik markalı, **-PS-*** dövlət qeydiyyat nişanlı avtomobil duracağa yerləşdirilmişdir. Belə ki, Azərbaycan Respublikası İnzibati Xətalar Məcəlləsinin 511.1.3-cü maddəsinin tələbinə görə mexaniki nəqliyyat vasitəsini qəflətən sürətləndirməklə davamlı olaraq təkərlərin yolun səthi ilə sürtünməsi səslərinin çıxarılmasına və ya yolun səthində çoxsaylı təkər izlərinin buraxılmasına görə inzibati məsuliyyət nəzərdə tutulmuşdur. Məhkəmə Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran hallar nəzərə alır. Məhkəmə törədilmiş inzibati xətanın xarakterini, inzibati xətanı törətmiş şəxsin şəxsiyyətini, Azərbaycan Respublikasının İnzibati Xətalar Məcəlləsinin 511.1.3-cü maddəsi üzrə məsuliyyəti yüngülləşdirən hal kimi inzibati xəta törətmiş şəxsin səmimi peşmançılığını və məsuliyyəti ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək hesab edir ki, Şəxs Azərbaycan Respublikasının İnzibati Xətalar Məcəlləsinin 511.1.3-cü maddəsi ilə təqsirli bilinməli və həmin maddədə nəzərdə tutulmuş inzibati xətanı törətməkdə təqsirli bilinib, barəsində nəqliyyat vasitəsini idarə etmək hüququ 2 (iki) il müddətinə məhdudlaşdırılmaqla, 500 (beş yüz) manat cərimə növündə inzibati tənbeh tədbiri tətbiq edilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 30.3, 40, 43, 48-51, 109, 114-115, 128-130-cu maddələrini rəhbər tutaraq, məhkəmə Q Ə R A R A A L D I: Şəxs Azərbaycan Respublikasının İnzibati Xətalar Məcəlləsinin 511.1.3-cü maddəsində nəzərdə tutulmuş inzibati xətanı törətməkdə təqsirli bilinib, nəqliyyat vasitəsini idarə etmək hüququ 2 (iki) il müddətinə məhdudlaşdırılmaqla , 500 (beş yüz) manat cərimə inzibati tənbeh tədbiri tətbiq edilsin. Qərardan, surəti təqdim edildiyi və ya alındığı gündən 10 (on) gün müddətində şikayət və ya protest verilə bilər. Sədrlik edən: Rəfail Sadıxov