Bakı Şəhəri Xətai Rayon Məhkəməsi Qərardad — İş №3(011)-4203/2022

Azərbaycan Respublikası adından QƏRARDAD Bakı şəhəri İş № 3(011)-4203/2022 14.11.2022 BAKI ŞƏHƏRİ XƏTAİ RAYON MƏHKƏMƏSİ Hakim Yaqubov Fərid Murtuza oğlunun sədrliyi, Güləliyev Rahil Oqtay oğlunun katibliyi, Şəxs Azərbaycan Respublikası İnzibati Xətalar Məcəlləsinin 333.1-ci maddəsi ilə inzibati xəta haqqında materiala açıq məhkəmə iclasında baxaraq, m ü ə y y ə n e t d i m: Azərbaycan Respublikası Daxili İşlər Nazirliyinin Bakı şəhər X1 İdarəsindən daxil olmuş 01 oktyabr 2022-ci il tarixli İXP ******* nömrəli inzibati xəta haqqında protokolundan görünür ki, Şəxs avtomobili sərxoş halda idarə etdiyi məlum olmuşdur. Bununla da, o, Azərbaycan Respublikası İnzibati Xətalar Məcəlləsinin 333.1-ci maddəsi ilə nəzərdə tutulmuş inzibati xəta törətmiş və əlavə olunmuş sənədlər baxılması üçün Bakı şəhəri Xətai Rayon Məhkəməsinə göndərilmişdir. Şəxs vəsatətlə məhkəməyə müraciət edərək, Azərbaycan Respublikası Daxili İşlər Nazirliyinin Bakı şəhər X1 İdarəsindən daxil olmuş 01 oktyabr 2022-ci il tarixli İXP ******* nömrəli inzibati xəta haqqında protokol əsasında başlanılmış olan inzibati xəta haqqında materialı ərazi aidiyyatı üzrə Oğuz Rayon Məhkəməsinə göndərilməsini xahiş etmişdir. Şəxs vəsatətini onun əsaslandırmışdi ki, o, Oğuz rayonunda yaşamasını, məhkəmə prosesində iştirak etmək istədiyini və bu səbəbdən də inzibati materialın aidiyyatı üzrə göndərilməsini istəmişdir. Məhkəmə hesab edir ki, Azərbaycan Respublikası Daxili İşlər Nazirliyinin Bakı şəhər X1 İdarəsindən daxil olmuş 01 oktyabr 2022-ci il tarixli İXP ******* nömrəli inzibati xəta haqqında protokol və əlavə olunmuş sənədlər baxılması üçün ərazi aidiyyəti üzrə Oğuz Rayon Məhkəməsinə göndərilməlidir. Azərbaycan Respublikasının İnzibati Xətalar Məcəlləsinin 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. İş materiallarından görünür ki, Şəxs – ünvan 1 ünvanda qeydiyyatdadır. Şərh edilənlərə əsasən hesab edirəm ki, Şəxs Azərbaycan Respublikası İnzibati Xətalar Məcəlləsinin 333.1-ci maddəsində nəzərdə tutulan inzibati xətanı törətməsinə dair inzibati xəta haqqında material baxılması üçün ərazi aidiyyatı üzrə Oğuz Rayon Məhkəməsinə göndərilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 109cu maddəsini rəhbər tutaraq, q ə r a r a a l d ı m: Şəxs Azərbaycan Respublikası İnzibati Xətalar Məcəlləsinin 333.1-ci maddəsində nəzərdə tutulan inzibati xətanı törətməsinə dair inzibati xəta haqqında material baxılması üçün aidiyyatı üzrə Oğuz Rayon Məhkəməsinə göndərilsin. Sədrlik edən: Fərid Yaqubov