Bakı Şəhəri Xətai Rayon Məhkəməsi Qərardad — İş №3(011)-4556/2021

Azərbaycan Respublikası adından QƏRARDAD Bakı şəhəri İş № 3(011)-4556/2021 16.12.2021 BAKI ŞƏHƏRİ XƏTAİ RAYON MƏHKƏMƏSİ Hakim Axundov Fuad Aydın oğlu Bakı şəhəri Xətai rayon İcra şöbəsindən daxil olmuş 16.12.2021-ci il tarixli, MN seriyalı ******* nömrəli inzibati xəta haqqında materialı nəzərdən keçirib MÜƏYYƏN ETDİM: Bakı şəhəri Xətai Rayon İcra Şöbəsindən daxil olmuş 16.12.2021-ci il tarixli, MN seriyalı ******* nömrəli inzibati xəta haqqında protokolda göstərilmişdir ki, Bakı şəhəri Xətai Rayon Məhkəməsinin 2(011)-1932/2020 saylı 27.02.2020-ci il tarixli icra sənədinə əsasən borclu Şəxs X1na yaranmış 1910 manat aliment borcunu ödəməmişdir, beləliklə, borclu üzərinə düşən öhdəlikləri heç bir üzürsüz səbəb göstərmədən icra etməmişdir. Bununla da, o, İXM-nin 528.1-ci nəzərdə tutulmuş inzibati xətanı törətmişdir. X1 məhkəməyə təqdim etdiyi ərizəsində, borclu Şəxs tərəfindən 1910 manat olan aliment borcundan 16.12.2021-ci il tarixdə 500 manat ödəniş edildiyini qeyd etmiş və icra məmuru tərəfindən verilmiş 16.12.2021-ci il tarixli, MN seriyalı ******* nömrəli inzibati xəta haqqında protokolun baxılmadan geri qaytarılmasını xahiş etmişdir. Bakı şəhəri Xətai rayon İcra şöbəsinin icra məmuru Tural Rəhimli məhkəməyə müraciət edərək, Şəxs barəsində tərtib olunmuş 16.12.2021-ci il tarixli, MN seriyalı ******* nömrəli inzibati xəta haqqında protokolun mahiyyəti üzrə baxılmadan geri qaytarılmasını xahiş etmişdir. Məhkəmə inzibati xəta haqqında protokolu araşdırıb, Bakı şəhəri Xətai rayon İcra icra məmuru Tural Rəhimlinin və tələbkarın inzibati xəta haqqında protokolun mahiyyəti üzrə baxılmadan geri qaytarılmasına dair müraciətlərini nəzərə alaraq hesab edir ki, inzibati xəta haqqında material səlahiyyətli orqana geri qaytarılmalıdır. Azərbaycan Respublikası İnzibati Xətalar Məcəlləsinin 43, 114 və 115-ci maddələrini rəhbər tutaraq, məhkəmə QƏRARA ALDİM: Bakı şəhəri Xətai rayon İcra şöbəsindən daxil olmuş 16.12.2021-ci il tarixli, MN seriyalı ******* nömrəli inzibati xəta haqqında protokol və ona əlavə olunmuş sənədlər Bakı şəhəri Xətai rayon İcra şöbəsinə geri qaytarılsın. Sədrlik edən: Fuad Axundov