Bakı Şəhəri Xətai Rayon Məhkəməsi Qərardad — İş №3(011)-4828/2023

Azərbaycan Respublikası adından QƏRARDAD Bakı şəhəri İş № 3(011)-4828/2023 05.12.2023 BAKI ŞƏHƏRİ XƏTAİ RAYON MƏHKƏMƏSİ Mən, hakim Hacıyeva Sülhanə Sərdar qızı, X1 tərəfindən Bakı şəhəri Nizami Rayon Polis İdarəsi 23-cü Polis Bölmsinin rəisi Şükürov Xəyalın inzibati tənbeh vermə haqqında 20 iyul 2023-cü il tarixli, MN0877499 saylı qərarının ləğv edilməsi barədə daxil olmuş şikayətə baxaraq, MÜƏYYƏN ETDİM: X1 şikayət ərizəsi ilə məhkəməyə müraciət edərək, Bakı şəhəri Nizami Rayon Polis İdarəsi 23-cü Polis Bölmsinin rəisi Şükürov Xəyalın qəbul etdiyi inzibati tənbeh vermə haqqında 20 iyul 2023-cü il tarixli, MN0877499 nömrəli qərarın ləğv edilməsini və iş üzrə icraata xitam verilməsini xahiş etmişdir. İnzibati xəta haqqında materialı araşdırıb belə qənaətə gəlirəm ki, inzibati xəta haqqında material aidiyyəti üzrə düzgün göndərilməmişdir. Ona görə də toplanmış material baxılması üçün aidiyyəti üzrə Bakı şəhəri Nizami Rayon Məhkəməsinə göndərilməlidir. Belə ki, Bakı şəhəri BPİ-nin X3 İdarəsinin qəbul etdiyi inzibati tənbeh vermə haqqında 20 iyul 2023-cü il tarixli, MN0877499 nömrəli qərardan görünür ki, inzibati xəta Xətai rayonu ərazisində deyil, Nizami rayonu ərazisində törədilmişdir. Azərbaycan Respublikası İnzibati Xətalar Məcəlləsinin: 109.1.7-ci maddəsinə əsasən, hakim inzibati xəta haqqında işin baxılmağa hazırlanması zamanı əgər bu məsələnin baxılması onun səlahiyyətinə aid deyildirsə, inzibati xəta haqqında protokolun və ya digər materialların baxılması üçün aidiyyəti üzrə göndərilməsi barədə qərardad qəbul edir; 110-cu maddəsinə əsasən, inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında iş onun yaşadığı yer üzrə baxıla bilər. Törədilməsi ehtimal olunan inzibati xətanın Bakı şəhərinin Xətai rayonu ərazisində deyil Binəqədi rayonu ərazisində törədildiyini nəzərə alaraq hesab edirəm ki, inzibati xəta haqqında material baxılması üçün aidiyyəti üzrə Bakı şəhəri Nizami Rayon Məhkəməsinə göndərilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 109 və 114-cü maddələrini rəhbər tutaraq, QƏRARA ALDİM: X1 tərəfindən Bakı şəhəri Nizami Rayon Polis İdarəsi 23-cü Polis Bölmsinin rəisi Şükürov Xəyalın inzibati tənbeh vermə haqqında 20 iyul 2023-cü il tarixli, MN0877499 saylı qərarının ləğv edilməsi barədə daxil olmuş şikayət baxılması üçün aidiyyəti üzrə Bakı şəhəri Nizami Rayon Məhkəməsinə göndərilsin. Sədrlik edən: Sülhanə Hacıyeva