Bakı Şəhəri Xətai Rayon Məhkəməsi Qərar — İş №3(011)-4877/2024

Azərbaycan Respublikası adından QƏRAR Bakı şəhəri İş № 3(011)-4877/2024 02.10.2024 BAKI ŞƏHƏRİ XƏTAİ RAYON MƏHKƏMƏSİ Bakı şəhəri Xətai Rayon Məhkəməsinin hakimi Məmmədov Bəxtiyar Şahfirudin oğlunun sədrliyi, Bayramova Nərmin Nizami qızının katibliyi, Barəsində inzibati icraat aparılan Şəxs iştirakı ilə, xx xxxxxx 1991-ci ildə Bərdə rayonu, Təzəkənd kəndində anadan olmuş, Azərbaycan Respublikasının vətəndaşı, ünvan 1i ünvanında qeydiyyatda olmaqla yaşayan Şəxs barəsində Azərbaycan Respublikası İnzibati Xətalar Məcəlləsinin 327.1 və 332.4-cü maddələri ilə nəzərdə tutulmuş inzibati xəta haqqında materiala açıq məhkəmə iclasında baxaraq, MÜƏYYƏNETDİM: İnzibati xəta haqqında materialda göstərilmişdir ki, Şəxs 31 avqust 2024-cü il tarixdə saat 17:40 radələrində “Kia K5” minik markalı, **-BT-*** dövlət qeydiyyat nişanlı avtomobil ilə Xətai rayonu Beton yolu ilə gedərkən idarəetməni itirib manevrlər edərək soldan düzünə hərəkətdə olan X1 idarə etdiyi “Opel” markalı, **-EX-*** dövlət qeydiyyat nişanlı avtomobil ilə toqquşmuş, hər iki avtomobilə maddi ziyan dəymişdir. Yoxlama zamanı məlum olmuşdur ki, Şəxs avtomobili nəqliyyat vasitəsi idarə etmək hüququ olmadan idarə etmişdir. Bakı şəhəri X5 Şöbəsinin YNH üzrə inspektoru X2 tərəfindən Şəxs Azərbaycan Respublikası İnzibati Xətalar Məcəlləsinin 327.1, 332.4-cü maddələri ilə nəzərdə tutulmuş inzibati xətanı törətməsi barədə 16 sentyabr 2024-cü il tarixli İXP ******* nömrəli protokol tərtib edilmiş və baxılması üçün Bakı şəhəri Xətai Rayon Məhkəməsinə göndərilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında göstərmişdir ki, “Kia” minik markalı, **-BT-*** dövlət qeydiyyat nişanlı avtomobil ilə rayon beton yolu ilə gedərkən idarəetməni itirib manevr edərək soldan düzünə hərəkətdə olan X1 idarə etdiyi “Opel” markalı avtomobil ilə toqquşub. Zərbədən idarə etdiyi avtomobil solda yerləşən dəmir maneələrə dəyib. Hadisə zamanı bədən xəsarəti alan olmayıb. Həmçinin bildirib ki, hadisədən əvvəl heç bir spirtli içki və narkotik vasitədən istifadə etməmişdir. Dəymiş zərəri ödəmişdir. Nəqliyyat vasitəsini idarəetmə hüququ olmadan idarə etməsini, manevr qaydalarını pozmasını, zərərçəkmiş şəxsə maddi ziyan vurulmasını etiraf etmiş, özünü təqsirli bilərək əməlindən peşman olduğunu, bir daha belə hallara yol verməyəcəyini, dəymiş zərəri ödədiyini qeyd edərək barəsində inzibati həbslə əlaqədar olmayan tənbeh tətbiq edilməsini məhkəmədən xahiş etmişdir. İş materiallarında olan Bakı şəhər X5 Şöbəsi tərəfindən verilmiş çıxarışdan görünür ki, xx.xx.1991-ci il təvəllüdlü Şəxs adına sürücülük vəsiqəsinin olması barədə DYPİ-nin Mərkəzləşdirilmiş kompüter bazasında məlumat qeydə alınmamışdır. İş materiallarında olan Bakı şəhər Baş Polis İdarəsi X5 Şöbəsinin YNHÜŞ üzrə inspektoru Ruslun Cəfərov tərəfindən tərtib olunmuş xx.xx.2024-cü il tarixli Yol-nəqliyyat hadisəsinin sxemindən görünür ki, “Kia” minik markalı **-BT-*** dövlət qeydiyyat nişanlı nəqliyyat vasitəsinin sol qabaq hissəsi ilə “Opel” minik markalı nəqliyyat vasitəsinin qabaq sağ hissəsi toqquşmuşdur. Beləliklə, barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İnzibati Xətalar Məcəlləsinin 332.4-cü maddəsi ilə nəzərdə tutulmuş inzibati xəta törətməsi inzibati xəta haqqında iş üzrə icraat aparılan şəxs Şəxs səmimi etirafı və iş materialları əsasında sübuta yetirilmiş və onun barəsində həmin maddənin sanksiyası həddində inzibati tənbeh tətbiq edilməlidir. Azərbaycan Respublikası İXM-in 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Azərbaycan Respublikası İnzibati Xətalar Məcəlləsinin 43.1-ci maddəsinə əsasən bu Məcəllənin 327.1-ci maddəsində nəzərdə tutulmuş inzibati xəta rayon (şəhər) məhkəmələri tərəfindən baxılan inzibati xəta haqqında işlərə aid deyildir. Azərbaycan Respublikası İnzibati Xətalar Məcəlləsinin 332.4-cü maddəsinə əsasən bu Məcəllənin 332.2-ci maddəsində nəzərdə tutulmuş xəta (nəqliyyat vasitəsini idarə etmək hüququ olmadan nəqliyyat vasitəsinin idarə edilməsi) nəticəsində zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulmasına görə beş yüz manat məbləğində cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur. Məhkəmə Azərbaycan Respublikası İnzibati Xətalar Məcəlləsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran halları nəzərə alır. Barəsində tətbiq ediləcək inzibati xətanın növünü müəyyən edərkən Şəxs əməlindən peşman olmasını məsuliyyəti yüngülləşdirən hal kimi nəzərə alır. Şəxs məsuliyyətini ağırlaşdıran hallar müəyyən edilməmişdir. İnzibati Xətalar Məcəlləsinin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İnzibati xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini, əmlak vəziyyətini, habelə məsuliyyəti yüngülləşdirən halları nəzərə alaraq Şəxs Azərbaycan Respublikası İnzibati Xətalar Məcəlləsinin 332.4-cü maddəsində nəzərdə tutulan inzibati tənbeh tədbiri – cərimə tətbiq olunmasını məqsədəmüvafiq hesab edirəm. Şərh olunanlara əsasən və Azərbaycan Respublikası İnzibati Xətalar Məcəlləsinin 43, 48, 114, 115-ci maddələrini rəhbər tutaraq QƏRARAALDİM: Şəxs Azərbaycan Respublikası İnzibati Xətalar Məcəlləsinin 332.4-cü maddəsində nəzərdə tutulmuş inzibati xətanı törətməkdə təqsirli bilinib, barəsində 500 (beş yüz) manat məbləğində inzibati cərimə tənbeh tədbiri tətbiq edilsin. Qərardan, surəti təqdim edildiyi və ya alındığı gündən 10 (on) gün müddətində şikayət verilə bilər. Sədrlik edən Bəxtiyar Məmmədov