Bakı Şəhəri Xətai Rayon Məhkəməsi Qərardad — İş №3(011)-491/2023

Azərbaycan Respublikası adından QƏRARDAD Bakı şəhəri İş № 3(011)-491/2023 06.02.2023 BAKI ŞƏHƏRİ XƏTAİ RAYON MƏHKƏMƏSİ Hakim Abdullayeva Aynur Aydın qızının sədrliyi, Kazımov Samir Vaqif oğlunun katibliyi ilə, X4 Bakı Nəqliyyat Agentliyi tərəfindən 31 oktyabr 2022-ci il tarixdə qəbul edilmiş BNA ******* nömrəli qərarın ləğv edilməsinə dair şikayətinə açıq məhkəmə iclasında baxaraq, MÜƏYYƏN ETDİ: X7 şikayət ərizəsi ilə məhkəməyə müraciət edərək Bakı Nəqliyyat Agentliyi tərəfindən 31 oktyabr 2021-ci il tarixdə qəbul edilmiş BNA ******* nömrəli elektron qərarın ləğv edilməsi barədə qərar qəbul edilməsini xahiş etmişdir. Şikayəti və ona əlavə edilmiş sənədləri nəzərdən keçirib hesab edirəm ki, şikayət geri qaytarılmalıdır. Azərbaycan Respublikası İnzibati Xətalar Məcəlləsinin: 61.1.6-ci maddəsinə əsasən barəsində inzibati xəta haqqında iş üzrə icraat aparılan şəxsin inzibati xətalar haqqında işlər üzrə icraatın təmin edilməsi tədbirlərinin tətbiqindən və iş üzrə qəbul edilmiş qərardan şikayət vermək hüququ var; 130.1-ci maddəsinə əsasən bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57.1 – 57.5-ci maddələrində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət və ya protest verilə bilər. 109.1.6-cı maddəsinə əsasən protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması haqqında qərardad çıxarılır; İş materiallarından müəyyən edilir ki, inzibati tənbeh vermə haqqında qərar 31 oktyabr 2021-ci il tarixdə xx.xx.1972-ci il təvəllüdlü X1 barəsində çıxarılmış, qərardan şikayət isə məhkəməyə X7 tərəfindən verilmişdir. X2 məhkəməyə müraciətində xx.xx.1972-ci il təvəllüdlü X1 barəsində çıxarılmış 31 oktyabr 2021-ci il tarixli qərarla onun hüquqlarının hansı formada pozulmasını müəyyənləşdirməmiş, X1 barəsində çıxarılmış qərarın hansı hüquqi əsas üzrə mübahisələndirilmdiyini qeyd etməmişdir. Beləliklə, inzibati tənbeh vermə haqqında qərardan verilmiş şikayət üzrə təqdim edilmiş materialların natamam olduğunu və işə baxılarkən tamamlamaq mümkün olmadığını nəzərə alaraq hesab edirəm ki, şikayətin onu tərtib etmiş şəxsə geri qaytarılması barədə qərardad qəbul edilməlidir. Azərbaycan Respublikası İnzibati Xətalar Məcəlləsinin 43, 114, 115, 128, 130 və 132ci maddələrini rəhbər tutaraq, QƏRARA ALDİM: X4 Bakı Nəqliyyat Agentliyi tərəfindən qəbul edilmiş 31 oktyabr 2021-ci il tarixli, BNA ******* nömrəli inzibati tənbeh vermə haqqında qərarının ləğv edilməsi barədə şikayəti X5 geri qaytarılsın. Sədrlik edən: Aynur Abdullayeva