Bakı Şəhəri Xətai Rayon Məhkəməsi Qərar — İş №3(011)-519/2023

Azərbaycan Respublikası adından QƏRAR Bakı şəhəri İş № 3(011)-519/2023 07.02.2023 BAKI ŞƏHƏRİ XƏTAİ RAYON MƏHKƏMƏSİ Hakim Hacıyeva Sülhanə Sərdar qızının sədrliyi, Paşayev Orxan Zakir oğlunun katibliyi, barəsində inzibati xəta haqqında iş üzrə icraat aparılan şəxs Şəxs, inzibati xəta haqqında protokolu tərtib etmiş Xətai Rayon Dövlət X10 yol patrul xidməti baş inspektor X1 iştirakları ilə, xx.xx.1991-ci il tarixdə Bakı şəhərində doğulmuş, Azərbaycan Respublikasının vətəndaşı, “RSM Azərbaycan” şirkətində fotoqraf işləyən, evli, ünvan 1 ünvanında qeydiyyatda olan Şəxs Azərbaycan Respublikası İnzibati Xətalar Məcəlləsinin 511.1.3-cü maddəsi ilə nəzərdə tutulmuş inzibati xəta törətməsi haqqında materiala açıq məhkəmə iclasında baxaraq, MÜƏYYƏN ETDİ : Xətai Rayon Dövlət X9 daxil olmuş 02 fevral 2023-cü il tarixli, İXP52127180 nömrəli inzibati xəta haqqında protokola əsasən Şəxs mexaniki nəqliyya vasitəsini qəflətən sürətləndirməklə davamlı olaraq təkərlərin yolun səthi ilə sürətləndirməsi səslərinin çıxarılmasına və ya yolun səthində çoxsaylı təkər izlərinin buraxılması halına yol vermiş və bununla Azərbaycan Respublikası İnzibati Xətalar Məcəlləsinin 511.1.3-cü maddəsi ilə nəzərdə tutulmuş inzibati xətanı törətmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında özünü təqsirli bilməyərək izahatında göstərmişdir ki, o, xx.xx.2023-cü il tarixdə volkswagen markalı ** FZ *** qeydiyyat nişanlı avtomobili o, idarə etmişdir. Həmin tarixdə, saat 11:54 radələrində R.Quliyev küçəsi ilə hərəkət edən zaman sola dönərkən ona məlum olmayan səbəbdən idarəetməni itirmişdir. Nəticədə avomobil fırlanaraq yolun ortasında dayanmışdır. Digər nəqliyyat vasitələrinə toxunmamışdır. Heç bir hərəkət iştirakçısına zərər yetirməmişdir. Ailəlidir, himayəsində azyaşlı övladı var. Ölkəyə yararlı insandır. Məhkəmə iclasında inzibati xəta haqqında protokolu tərtib etmiş Xətai Rayon Dövlət X10 yol patrul xidməti baş inspektor X5 inzibati xəta haqqında protokolun məzmununa uyğun izahat verərək Şəxs İXM-in 511.1.3-cü maddəsi ilə tənbeh edilməsini xahiş etmişdir. Məhkəməyə vermiş olduğu izahatında şahid X2 bildirmişdir ki, xx.xx.2023-cü il tarixdə saat 11:54-də o, R.Quliyev küçəsində olarkən volkswagen markalı ** FZ *** qeydiyyat nişanlı avtomobilin fırlandığını, asfalt örtüyündə maşını sürüşdürərək səs çıxardığını, sonra fırlandığını gördüm və bu barədə DİN 102 xidmətinə zəng vuraraq məlumat verdim. İş materiallarında olan və məhkəmə baxışında tədqiq edilmiş: xx.xx.2023-cü il tarixli İXP ******* saylı protokoldan görünür ki, Şəxs mexaniki nəqliyya vasitəsini qəflətən sürətləndirməklə davamlı olaraq təkərlərin yolun səthi ilə sürətləndirməsi səslərinin çıxarılmasına və ya yolun səthində çoxsaylı təkər izlərinin buraxılması halına yol vermiş və bununla Azərbaycan Respublikası İnzibati Xətalar Məcəlləsinin 511.1.3-cü maddəsi ilə nəzərdə tutulmuş inzibati xətanı törətmişdir. xx.xx.2022-ci il tarixli inzibati qaydada tutma haqqında protokoldan görünür ki, Şəxs 06 fevral 2023-cü il tarixdə, saat 16:20-də tutulmuşdur. Sürücülük vəsiqəsinin surətindən görünür ki, AD053569, BC kateqoriyalı sürücülük vəsiqəsi Şəxs məxsusdur. “AZEMİS” elektron məhkəmə sistemindən əldə edilmiş məlumata əsasən, Şəxs himyaəsində xx.xx.2016-cı il təvəllüdlü X3 adlı övladı var. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanıın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və hərəkətsizlik) törətmiş şəxs inzibati məsuliyyətə cəlb olunur və tənbeh edilir; 23.30-cü maddəsinə əsasən bir inzibati xətaya görə əsas tənbeh, yaxud əsas və əlavə tənbeh tətbiq edilə bilər. 511.1.3-cü maddəsinə əsasən avtoxuliqanlıq, mexaniki nəqliyyat vasitəsini qəflətən sürətləndirməklə davamlı olaraq təkərlərin yolun səthi ilə sürtünməsi səslərinin çıxarılmasına və ya yolun səthində çoxsaylı təkər izlərinin buraxılmasına görə – nəqliyyat vasitəsini idarə etmək hüququ bir il müddətinə məhdudlaşdırılmaqla beş yüz manatdan yeddi yüz əlli manatadək məbləğdə cərimə edilir və ya nəqliyyat vasitəsini idarə etmək hüququ bir il müddətinə məhdudlaşdırılmaqla işin hallarına görə, pozuntunu törədənin şəxsiyyəti nəzərə alınmaqla, on beş gündən bir ayadək müddətə inzibati həbs tətbiq olunur. “Yol hərəkəti haqqında” Azərbaycan Respublikası Qanununun 36-cı maddəsinin İ hissəsinə müvafiq olaraq yol hərəkətinin iştirakçıları yol hərəkəti qaydalarına riayət etməli, bu Qanunun yol hərəkətinin təhlükəsizliyi məsələlərinə dair tələblərini bilməli və yerinə yetirməli, yol hərəkəti üçün təhlükəsiz şərait yaratmalı, öz hərəkətləri və ya hərəkətsizliyi ilə digər hərəkət iştirakçılarına, onların nəqliyyat vasitələrinə və başqa əmlaka zərər vurmamalıdırlar. Beləliklə, məhkəmə iclasında tədqiq edilmiş inzibati xəta haqqında protokoldan, tərəflərin izhatları və işin halları ilə sübuta yetirilmişdir ki, Şəxs mexaniki nəqliyyat vasitəsini qəflətən sürətləndirməklə davamlı olaraq təkərlərin yolun səthi ilə sürətləndirməsi səslərinin çıxarılmasına və ya yolun səthində çoxsaylı təkər izlərinin buraxılması halına yol vermiş və bununla avtoxuliqanlıq etmişdir. Həmçinin, iş materiallarına əlavə olunmuş videogörüntüdən müəyyən olunur ki, Şəxs Azərbaycan Respublikası İnzibati Xətalar Məcəlləsinin 511.1.3-cü maddəsində nəzərdə tutulmuş inzibati xətanı törətmişdir. Bununla da, Şəxs Azərbaycan Respublikası İnzibati Xətalar Məcəlləsinin 511.1.3-cü maddəsində nəzərdə tutulmuş inzibati xətanı törətmişdir. Azərbaycan Respublikası İXM-nin 32.2-ci maddəsinə əsasən inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Məhkəmə, törədilmiş inzibati xətanın xarakterini, habelə inzibati xətanı törətmiş şəxsin şəxsiyyətini, məsuliyyəti yüngülləşdirən və məsuliyyəti ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək hesab edir ki, Səlifov X4 Xətalar Məcəlləsinin 511.1.3-cü maddəsində nəzərdə tutulmuş inzibati xətanı törətməkdə təqsirli bilinərək və daha ciddi xəta kimi həmin Məcəllənin 511.1.3-cü maddəsində müəyyən edilmiş sanksiya çərçivəsində nəqliyyat vasitələrini idarə etmə hüququ məhdudlaşdırılmaqla barəsində inzibati həbs tətbiq edilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 43- 48, 106-115, 117-ci maddələrini rəhbər tutaraq, QƏRARA ALDİ: Barəsində inzibati xəta haqqında iş üzrə icraat aparılan şəxs - Şəxs Azərbaycan Respublikası İnzibati Xətalar Məcəlləsinin 511.1.3-cü maddəsində nəzərdə tutulmuş inzibati xətanı törətməkdə təqsirli bilinərək ona həmin Məcəllənin 511.1.3-cü maddəsi üzrə nəqliyyat vasitəsini idarə etmək hüququ 01 (bir) il müddətinə məhdudlaşdırılmaqla 15 (on beş) gün müddətinə inzibati həbs növündə inzibati tənbeh tətbiq edilsin. İnzibati həbsdə saxlamanın əvvəli 06 fevral 2023-cü il tarixdə saat 16:20-dən hesablansın. Qərarın icrası Bakı şəhəri Xətai Rayon Dövlət X11 və Azərbaycan Respublikası Daxili İşlər Nazirliyinin inzibati həbs olunanların saxlanılması məntəqəsinə tapşırılsın. Qərardan, rəsmi qaydada verildiyi vaxtdan 10 (on) gün müddətində Bakı Apelyasiya Məhkəməsinə şikayət və protest verilə bilər. Sədrlik edən: Sülhanə Hacıyeva