Bakı Şəhəri Xətai Rayon Məhkəməsi Qərar — İş №3(011)-5259/2024

Azərbaycan Respublikası adından QƏRAR Bakı şəhəri İş № 3(011)-5259/2024 25.10.2024 BAKI ŞƏHƏRİ XƏTAİ RAYON MƏHKƏMƏSİ Hakim Hacıyeva Sülhanə Sərdar qızının sədrliyi, Paşayev Orxan Zakir oğlunun katibliyi, Şəxs MMC-nin etibarnamə üzrə nümayəndəsi X1 iştirakı ilə, Hüquqi şəxs Şəxs MMC-nin barəsində Azərbaycan Respublikası İnzibati Xətalar Məcəlləsinin 339.1-ci maddəsi ilə nəzərdə tutulmuş inzibati xəta haqqında materiala məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: İnzibati xəta haqqında materialda göstərilmişdir ki, hüquqi şəxs Şəxs MMC tərəfindən “X8” minik markalı **-YT-*** dövlət qeydiyyatından keçirilmiş nəqliyyat vasitəsini başqa şəxsə icarə və ya digər əşya hüquqlarına dair müqavilə verdikdən sonra təkrar dövlət qeydiyyatından keçirilməmişdir. Bakı şəhəri Yasamal Rayon Dövlət X7 polis baş leytenantı X2 tərəfindən Azərbaycan Respublikası İnzibati Xətalar Məcəlləsinin 339.1-ci maddəsi ilə nəzərdə tutulmuş inzibati xəta haqqında 20 avqust 2024-cü il tarixli İXP seriyalı ******* saylı protokol tərtib olunaraq baxılması üçün Bakı şəhəri Xətai Rayon Məhkəməsinə göndərilmişdir. Məhkəmə iclasında Şəxs MMC-nin nümayəndəsi məhkəməyə inzibati xəta haqqında protokola etiraz təqdim edərək bildirmişdir ki, xx.xx.2024-cü il tarixində Yasamal rayon DYPŞ İnzibati təcrübə üzrə baş inspektor polis baş leytenantı X2 tərəfindən Şəxs MMC (Vöen: 2********) barəsində Azərbaycan Respublikasının İnzibati Xətalar Məcəlləsinin 339.1.-ci maddəsində nəzərdə tutulmuş inzibati xətanın törədilməsinə istinad edilərək İXP seriyalı № ******* saylı inzibati xəta haqqında protokol tərtib edilmişdir. Protokolun tərtib edilməsi zamanı mütəxəssis tərəfindən müəyyən edilən pozuntunun məzmunu ondan ibarət olmuşdur ki, xx.xx.2024-cü il saat 14:59-da nəqliyyat vasitəsinin sahibləri tərəfindən dövlət qeydiyyatından keçirilmiş nəqliyyat vasitəsini başqa şəxsə icarə və ya digər əşya hüquqlarına dair müqavilə verdikdən sonra onun təkrar dövlət qeydiyyatından keçirilməməsinə görə hüquqi şəxsə inzibati xəta haqqında protokol tərtib edilmişdir. Protokoldan görünür ki, pozuntu barədə fakt MCB lizinqin verdiyi məlumata əsasən nəqliyyat vasitəsi Şəxs MMC-nin istifadəsindədir. Qeyd edilən nəqliyyat vasitəsinin müqavilə və etibarnaməni qeydiyyata verilməmişdir. Yasamal rayon DYPŞ-nin Şəxs MMC barəsində inzibati xəta haqqında icraata başlanacağı barədə cəmiyyətə ünvanlanmış bildirişi, inzibati xəta haqqında protokol "xxxx" MMC-yə çatdırılmamışdır. Protokol məhkəməyə tərtib edildiyi xx.xx.2024-cü il tarixindən 06 gün sonra göndərilmişdir. Eyni zamanda o bildirmişdir ki, protokolda qeyd olunan nəqliyyat vasitəsini idarə edən şəxs MMC-nin əmək müqaviləsi üzrə işçisidir. Bu xüsusatları nəzərə alaraq iş üzrə icraata xitam verilməsini məhkəmədən xahiş etmişdir. Məhkəmə iclasının yeri və vaxtı barədə qanunamüvafiq qaydada məlumat verilməsinə baxmayaraq, Yasamal rayon Dövlət X7 səlahiyyətli nümayəndəsi məhkəməyə gəlməmiş, gəlməməsinin səbəbi barədə məhkəməyə məlumat verməmişdir. Məhkəmə, Yasamal rayon Dövlət X7 iştirakı olmadan baxılmasını mümkün hesab etmişdir. İş materiallarında olan 20 avqust 2024-cü il tarixli məktubdan görünür ki, “MCB BOKT” QC ilə Şəxs MMC arasında xx.xx.2023-cü il tarixli LM № 6xx-xx-2023-01 saylı daxili maliyyə lizinqi müqaviləsinə əsasən 01 ədəd “Kia Sportage” markalı dövlət qeydiyyat nişanı **-YT-*** olan hibrid minik avtomobili lizinqə götürülmüşdür. Qeyd olunan avtomobil üzrə daxili maliyyə lizinqi müqaviləsinə əsasən istifadə və sahiblik hüququ Şəxs MMC-yə məxsusdur. İnzibati xətanı törətmiş şəxs barəsində Yasamal rayon X10 Şöbəsinə məlumat verilmişdir. İş materiallarında olan əmək müqaviləsindən görünür ki, X3 Şəxs MMC-nin əmək müqaviləsi üzrə işçisidir. Məhkəmə, inzibati xəta haqqında protokolu və digər iş materiallarını araşdıraraq hesab edir ki, hüquqi şəxs Şəxs MMC-nin əməlində Azərbaycan Respublikası İnzibati Xətalar Məcəlləsinin 339.1-ci maddəsində nəzərdə tutulmuş inzibati xətanın tərkibi yoxdur. Məhkəmə inzibati xəta haqqında protokolu, iş materiallarını araşdıraraq hesab edir ki, hüquqi şəxs Şəxs MMC barəsində inzibati xəta haqqında iş üzrə icraata xitam verilməlidir. İnzibati Xətalar Məcəlləsinin 339.1-ci maddəsinə əsasən nəqliyyat vasitəsinə nəqliyyat vasitələrinin sahibləri və ya sürücüləri tərəfindən “Yol hərəkəti haqqında” Azərbaycan Respublikasının Qanunu ilə müəyyən edilmiş qaydada və müddətdə nəqliyyat vasitəsini dövlət qeydiyyatından keçirmədən idarə etməyə və ya dövlət qeydiyyatından keçirilmiş nəqliyyat vasitəsi icarə və ya digər əşya hüquqlarına dair müqavilə (notarius tərəfindən təsdiq edilən müqavilələr istisna olmaqla) əsasında başqa şəxsə verildikdə onu təkrar dövlət qeydiyyatından keçirməməyə, yaxud nəqliyyat vasitəsinin geri qaytarılması barədə öhdəçiliyə əməl etməməyə və ya nəqliyyat vasitəsinin özgəninkiləşdirilməsinin rəsmiləşdirilməsi və ya girov qoyulması qaydalarını pozmağa görə fiziki şəxslər əlli manat məbləğində, vəzifəli şəxslər yüz manat məbləğində, hüquqi şəxslər üç yüz manat məbləğində cərimə edilir. Nəqliyyat vasitələrinin sahibləri və ya sürücüləri tərəfindən “Yol hərəkəti haqqında” Azərbaycan Respublikasının Qanunu ilə müəyyən edilmiş qaydada və müddətdə nəqliyyat vasitəsini dövlət qeydiyyatından keçirmədən idarə etməyə və ya dövlət qeydiyyatından keçirilmiş nəqliyyat vasitəsi icarə və ya digər əşya hüquqlarına dair müqavilə (notarius tərəfindən təsdiq edilən müqavilələr istisna olmaqla) əsasında başqa şəxsə verildikdə onu təkrar dövlət qeydiyyatından keçirməməyə, yaxud nəqliyyat vasitəsinin geri qaytarılması barədə öhdəçiliyə əməl etməməyə və ya nəqliyyat vasitəsinin özgəninkiləşdirilməsinin rəsmiləşdirilməsi və ya girov qoyulması qaydalarını pozmağa görə fiziki şəxslər əlli manat məbləğində, vəzifəli şəxslər yüz manat məbləğində, hüquqi şəxslər üç yüz manat məbləğində cərimə edilir. Məhkəmə araşdırması zamanı müəyyən edilmişdir ki, “Kia Sportage” minik markalı, **-YT-*** dövlət qeydiyyat nişanlı nəqliyyat vasitəsinin istifadə və sahiblik hüququ Şəxs MMC-yə məxsusdur. Onun idarə edən şəxs X3 barəsində aidiyyəti üzrə məlumat verilmişdir. Eyni zamanda X3 ilə MMC arasında əmək müqaviləsi mövcuddur. MMC-nin sahibliyində və istifadəsində olan nəqliyyat vasitəsinin əmək müqaviləsi olan işçisi tərəfindən idarə edilməsi başqa şəxsə icarəyə verilməsi və ya digər əşya hüquqlarında dair müqavilə kimi qiymətləndirilə bilməz. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinın bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası İXM-nin 12.1-ci maddəsinə əsasən Bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İXM-nin 75-ci maddəsinə əsasən İnzibati xəta haqqında iş üzrə aşağıdakılar müəyyən edilməlidir: inzibati xəta hadisəsi (inzibati xəta törədilmişdirmi); inzibati xəta törətmiş şəxs; inzibati xəta törətməkdə şəxsin təqsiri; inzibati məsuliyyəti ağırlaşdıran və yüngülləşdirən hallar; inzibati xəta nəticəsində vurulan zərərin xarakteri və miqdarı; inzibati xətalar haqqında işlər üzrə icraatı rədd edən hallar; işin düzgün həlli üçün əhəmiyyətli olan digər hallar, habelə inzibati xətanın törədilməsinə kömək edən səbəblər və şərait. Azərbaycan Respublikası İXM-nın 53.1.2-ci maddəsinə əsasən isə inzibati xəta tərkibi olmadıqda inzibati xətalar haqqında işlər üzrə icraata başlanıla bilməz, başlanmış icraata isə xitam verilməlidir. Azərbaycan Respublikası İXM-nın 105.1-ci maddəsinə görə həmin Məcəllənın 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Beləliklə, məhkəmə hesab edir ki, hüquqi şəxs Şəxs MMC-nin əməlində inzibati xəta tərkibi aşkar edilmir. Hüquqi şəxs Şəxs MMC-nin əməlində Azərbaycan Respublikası İnzibati Xətalar Məcəlləsinin 339.1-ci maddəsinin tərkibi olmadığından onun barəsində başlanmış inzibati xəta haqqında iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası İXM-in 53.1.2, 105.1-ci maddələrini rəhbər tutaraq məhkəmə QƏRARAALDİ: Hüquqi şəxs Şəxs MMC-nin barəsində Azərbaycan Respublikası İnzibati Xətalar Məcəlləsinin 339.1-ci maddəsi ilə başlanılmış inzibati xəta haqqında iş üzrə icraata xitam verilsin. Qərardan, surəti təqdim edildiyi və ya alındığı gündən 10 (on) gün müddətində şikayət verilə bilər. Sədrlik edən Sülhanə Hacıyeva