Bakı Şəhəri Xətai Rayon Məhkəməsi Qərar — İş №3(011)-6486/2024

Azərbaycan Respublikası adından QƏRAR Bakı şəhəri İş № 3(011)-6486/2024 05.12.2024 BAKI ŞƏHƏRİ XƏTAİ RAYON MƏHKƏMƏSİ Hakim Sadıxov Rəfail Adil oğlunun sədrliyi, Bayramova Nərmin Nizami qızının katibliyi, İnzibati xəta haqqında protokolu tərtib etmiş Bakı şəhəri Xətai Rayon Polis İdarəsinin 37-ci Polis Bölməsinin sahə inspektoru Elnur Dəmirovun və barəsində inzibati xəta haqqında iş üzrə icraat aparılan Şəxs iştirakı ilə xx.xx.1997-ci ildə Bakı şəhərində anadan olmuş, Azərbaycan Respublikasının vətəndaşı, subay, orta təhsilli, ünvan 1 ünvanında qeydiyyatda olan və yaşayan (AA*******) Şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xəta haqqında materiala açıq məhkəmə iclasında baxaraq, MÜƏYYƏNETDİ: Şəxs 05 dekabr 2024-cü il tarixdə Xətai rayonu, F.Bayramov küçəsi “Soka” gözəllik salonunun qarşısında polis əməkdaşının qanuni tələblərinə qəsdən tabe olmamışdır. Şəxs barəsində Bakı şəhəri Xətai Rayon Polis İdarəsinin 37-ci Polis Bölməsinin sahə Elnur Dəmirov tərəfindən 05 dekabr 2024-cü il tarixdə Azərbaycan Respublikası İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xəta haqqında MN seriyalı ******* nömrəli protokol tərtib edilmiş və həmin Məcəllənin 43.1-ci maddəsinə müvafiq olaraq baxılması üçün məhkəməyə təqdim edilmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında özünü təqsirli bilərək izahatında göstərdi ki, xx.xx.2024-cü il tarixində Xətai rayonu, F. Bayramov küçəsində yerləşən “SOKA”-nın qarşısında idarə etdiyi motosikleti park etmiş, bu zaman görmüşdür ki, YPX əməkdaşı motosikletə baxır. O da yaxınlaşıb nə olduğunu soruşduqda, verilən suala cavab olaraq motorun ona məxsus olduğunu bildirmişdir. DQN bağlamamaq səbəbinə isə bir neçə vaxt öncə yol nəqliyyat hadisəsi törətdiyi üçün sənədlərinin araşdırma ilə bağlı sığorta şirkətində olduğunu, nömrəsinin yararsız halda olduğu üçün bağlamadığını bildirmişdir. Bu səbəbdən aralarında anlaşmazlıq olmuş və YPX əməkdaşı evakuator çağıraraq motosikleti duracağa aparmış, onu isə PPX avtopatrolu ilə 37-ci PŞ-ya dəvət etmişdirlər. Hazırda əməlindən peşman olduğunu bildirmiş və bir daha belə hallara yol verməyəcəyini nəzərə alaraq barəsində yüngül inzibati tənbeh tədbirinin tətbiq edilməsini məhkəmədən xahiş etdi. Məhkəmə iclasında inzibati xəta haqqında protokolu tərtib etmiş Bakı şəhəri Xətai Rayon Polis İdarəsinin 37-ci Polis Bölməsinin sahə inspektoru Elnur Dəmirov izahatında göstərdi ki, 5 dekabr 2024-cü il tarixində Xətai rayonu sabit Orucov küçəsində hərəkət olan zaman yüksək sürətlə nömrəsiz motosikletin hərəkət edərək dəfələrlə qayda pozduğunu görüb arxası ilə hərəkət edərək motosikleti müşayət etmiş, sürücü qoşa xəttin tələbini pozmuş və nömrəsiz park edərək getmişdir. 10:00 radələrindən sürücünü gözləmiş, nəticədə 12:00 radələrində evakuator çağırmış, ondan sonra sürücü Şəxs motorunu evakuatora mindirməkdən imtina etmişdir. Buna görə də post patrul xidmətini çağırmışdır. Yenə də onların sözünə qulaq asmamış, məcbur olub sürücünü bölməyə təslim etmişdir. Bölmədə həmin şəxsin şəxsiyyəti müəyyən edilərək barəsində qanuna müvafiq qaydada inzibati xəta haqqında protokol tərtib edilmişdir. Qeyd edilənləri nəzərə alaraq barəsində inzibati xəta haqqında iş üzrə icraat aparılan Şəxs barəsində qanunamüvafiq qərar qəbul edilməsini məhkəmədən xahiş etdi. Məhkəmə işdə iştirak edən şəxsləri dinləyib, inzibati xəta haqqında materialı araşdıraraq hesab edir ki, Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli olması tam sübuta yetirilir. Belə ki, iş materiallarında olan 05 dekabr 2024-cü il tarixli, MN seriyalı ******* saylı inzibati xəta haqqında protokoldan görünür ki, Şəxs 05 dekabr 2024-cü il tarixdə polis əməkdaşlarının qanuni tələblərinə qəsdən tabe olmamış və nəticədə Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətmişdir. Məhkəmə Azərbaycan Respublikası İnzibati Xətalar Məcəlləsinin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran halları nəzərə alır. Məhkəmə inzibati xətanın xarakterini, inzibati xəta törətmiş Şəxs şəxsiyyətini nəzərə alaraq hesab edir ki, Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinərək inzibati məsuliyyətə cəlb edilməli və ona həmin maddənin sanksiyası həddində inzibati tənbeh tədbiri cərimə tətbiq edilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 30.3, 40, 43, 48-51, 109, 114-115, 128-130-cu maddələrini rəhbər tutaraq, məhkəmə Q Ə R A R A A L D İ: Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilinib, 200 (iki yüz) manat məbləğində cərimə edilsin. Qərardan, rəsmi qaydada verildiyi vaxtdan 10 (on) gün müddətində Bakı Apellyasiya Məhkəməsinə şikayət verilə bilər. Sədrlik edən: Rəfail Sadıxov