Bakı Şəhəri Xətai Rayon Məhkəməsi Qərar — İş №3(011)-734/2024

Azərbaycan Respublikası adından QƏRAR Bakı şəhəri İş № 3(011)-734/2024 23.02.2024 BAKI ŞƏHƏRİ XƏTAİ RAYON MƏHKƏMƏSİ Hakim Sadıxov Rəfail Adil oğlunun sədrliyi, Əliyeva Nailə Namiq qızının katibliyi, İnzibati xəta haqqında protokolu tərtib etmiş Bakı şəhəri Xətai Rayon Polis İdarəsinin 34-cü Polis Şöbəsinin sahə inspektoru X3, Barəsində inzibati xəta haqqında iş üzrə icraat aparılan şəxs - Şəxs iştirakı ilə, xx.xx.1986-cı il təvəllüdlü, Azərbaycan Respublikasının vətəndaşı, orta təhsilli, əvvəllər məhkum olunmamış, subay, ünvan 1 ünvanında qeydiyyatda olmaqla, ünvan 2 ünvanında yaşayan Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə nəzərdə tutulmuş inzibati xəta haqqında materiala açıq məhkəmə iclasında baxaraq, MÜƏYYƏNETDİ: Şəxs 23 fevral 2024-cü il tarixdə saat 12:00 radələrində ünvan 3 ünvanında yerləşən “Rent Car” ofisinə gələrək, həmin ofisdə işləyən X2 və həmin vaxt yanında olan dostu X1 təhqir etmişdir. Şəxs barəsində Bakı şəhəri Xətai Rayon Polis İdarəsinin 34-cü Polis Şöbəsinin sahə rəisi X6 tərəfindən 23 fevral 2024-cü il tarixdə Azərbaycan Respublikası İnzibati Xətalar Məcəlləsinin 510-cu maddəsi ilə nəzərdə tutulmuş İnzibati xəta haqqında MN seriyalı ******* saylı protokol tərtib edilmiş və həmin Məcəllənin 43.1-ci maddəsinə müvafiq olaraq baxılması üçün məhkəməyə təqdim edilmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında ifadə verərkən törətdiyi əməli etiraf edərək bildirmişdir ki, xx.xx.2024-cü il tarixdə ünvan 3 ünvanının qarşısında olan zaman polis əməkdaşları ona yaxınlaşaraq polis şöbəsinə dəvət etdilər. Polis şöbəsində onunla bağlı verilmiş Babayev Elşənin şikayət ərizəsi ilə tanış olmuşdur. xx.xx.2024-cü il tarixdə saat 12:00 radələrində keçmiş həyat yoldaşı X4 dostu olan Babayev Elşən adlı şəxsin işlədiyi ünvan 3 ünvanına yerləşən "RentCar” adlı ofisinə getmişdir. Ora getməyinin səbəbi xx.xx.2024-cü il tarixdə onun Elşən adlı şəxsə telefonda zəng edərək keçmiş həyat yoldaşı Rasimin qızı ilə arasını düzəltməyi və barışdırmağını xahiş etmişdir. Həmin vaxt Elşənə Rasimi onun evləndirdiyini dedikdə aralarında telefonda sözlə mübahisə yarandı. Bu mübahisəyə görə 23 fevral 2024-cü ildə onun yəni Elşənin işlədiyi yerə gedərək telefonda olan mübahisə üçün o da ona və onun ailə üzvlərinə qarşı nalayiq söyməyə başlamışdır. Həmin vaxt orada olan bir nəfər şəxs onu çölə çıxarmaq və səkitdəşdirmək istədikdə o da ona nalayiq söyüş söydüyü üçün onun və Elşənin ünvanına orada olan camaatın içində söyüşlər söyməyə başlamışdır. Hazırda əməlindən çox peşmandır. Ona yüngül tənbeh tədbiri verilməsini xahiş etmişdir. Məhkəmə iclasında inzibati xəta haqqında protokolu tərtib etmiş Bakı şəhəri Xətai Rayon Polis İdarəsinin 34-cü Polis Şöbəsinin sahə inspektoru X6 izahatında göstərdi ki, Şəxs 23 fevral 2024-cü il tarixdə saat 12:00 radələrində ünvan 3 ünvanında yerləşən “Rent Car” ofisinə gələrək, həmin ofisdə işləyən X2 və həmin vaxt yanında olan dostu X1 təhqir etmişdir. 23 fevral 2024-cü il tarixdə Azərbaycan Respublikası İnzibati Xətalar Məcəlləsinin 510-cu maddəsi ilə nəzərdə tutulmuş İnzibati xəta haqqında MN seriyalı ******* saylı protokol tərtib edilmişdir. Məhkəmə işdə iştirak edən şəxsləri dinləyib, inzibati xəta haqqında materialı araşdıraraq hesab edir ki, Şəxs Azərbaycan Respublikası İnzibati Xətalar Məcəlləsinin 510-cu maddəsi ilə təqsirli olması tam sübuta yetirilir. Belə ki, iş materiallarında olan 23 fevral 2024-cü il tarixli, MN seriyalı ******* saylı İnzibati xəta haqqında protokollardan görünür ki, Şəxs 23 fevral 2024-cü il tarixdə saat 12:00 radələrində ünvan 3 ünvanında yerləşən “Rent Car” ofisinə gələrək, həmin ofisdə işləyən X2 və həmin vaxt yanında olan dostu X1 təhqir etmişdir. Nəticədə Şəxs tərəfindən Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xəta törədilmişdir. Azərbaycan Respublikası İnzibati Xətalar Məcəlləsinin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran hallar nəzərə alır. Həmin Məcəllənin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Belə ki, Azərbaycan Respublikası İnzibati Xətalar Məcəlləsinin 510-cu maddəsinin tələbinə görə, xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə inzibati məsuliyyət nəzərdə tutulmuşdur. Məhkəmə törədilmiş inzibati xətanın xarakterini, inzibati xətanı törətmiş şəxsin şəxsiyyətini səciyyələndirən halları, səmimi peşmançılığını və gənc olmasını, Azərbaycan Respublikasının İnzibati Xətalar Məcəlləsinin 510-cu maddəsi üzrə məsuliyyəti yüngülləşdirən hal kimi nəzərə alıb, iş üzrə sübutları qiymətləndirərək hesab edir ki, Şəxs Azərbaycan Respublikasının İnzibati Xətalar Məcəlləsinin 510-cu maddəsi ilə təqsirli bilinərək, barəsində inzibati tənbeh tədbiri olaraq cərimə tətbiq edilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 30.3, 40, 43, 48-51, 109, 114-115, 128-130-cu maddələrini rəhbər tutaraq, məhkəmə Q Ə R A R A A L D İ: Barəsində inzibati xəta haqqında iş üzrə icraat aparılan şəxs Şəxs Azərbaycan Respublikasının İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətməkdə təqsirli bilinsin, 100 (bir yüz) manat məbləğində cərimə edilsin. Qərardan, rəsmi qaydada verildiyi vaxtdan 10 (on) gün müddətində Bakı Apellyasiya Məhkəməsinə şikayət verilə bilər. Sədrlik edən: Rəfail Sadıxov