Bakı Şəhəri Xətai Rayon Məhkəməsi Qərar — İş №3(011)-8145/2025

Azərbaycan Respublikası adından QƏRAR Bakı şəhəri İş № 3(011)-8145/2025 06.10.2025 BAKI ŞƏHƏRİ XƏTAİ RAYON MƏHKƏMƏSİ Hakim Axundov Fuad Aydın oğlunun sədrliyi, Cəfərov Samid Sadiq oğlunun katibliyi, Azərbaycan Respublikasının Əmək və Əhalinin Sosial Müdafiəsi Nazirliyi yanında X7 Xidmətinin Bakı şəhər idarəsinin etibarnamə üzrə nümayəndəsi X6 iştirakları ilə, hüquqi şəxs Şəxs MMC-nin barəsində Azərbaycan Respublikası İnzibati Xətalar Məcəlləsinin 192.4 və 539.3-cü maddələri ilə nəzərdə tutulmuş inzibati xəta haqqında materiala məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikasının Əmək və Əhalinin Sosial Müdafiəsi Nazirliyi yanında X7 Xidmətinin Bakı şəhər idarəsi tərəfindən hüquqi şəxs Şəxs MMC-nin barəsində Azərbaycan Respublikası İnzibati Xətalar Məcəlləsinin 192.4 və 539.3-cü maddələrində nəzərdə tutulmuş inzibati xəta haqqında 09 sentyabr 2025-ci il tarixli, MN seriyalı ******* nömrəli protokol tərtib edilərək baxılması üçün aidiyyəti üzrə Bakı şəhəri Xətai Rayon Məhkəməsinə göndərilmişdir. İnzibati xəta haqqında protokolun tərtib olunmasına səbəb kimi vətəndaşlar X1, X2 və X3 müraciəti əsasında Azərbaycan Respublikası Əmək Məcəlləsinin 15-ci maddəsinin 2-ci hissəsinə əsasən hüquqi şəxs Şəxs MMC-dən 3-17-5/2-71246/2025 nömrəli, xx.xx.2025-ci il tarixli, 3-17-5/2-71118/2025 nömrəli, xx.xx.2025-ci il tarixli və 3-17-5/2-66563/2025 nömrəli, xx.xx.2025-ci il tarixli məktublarda qeyd olunan sənədlərin 7 iş günü ərzində DƏMX-nin Bakı Şəhər İdarəsinə təqdim edilməsi tələb olunmuşdur. Sorğu məktubları xx.xx.2025-ci il tarixdə çatdırılmış, lakin sənədlər xx.xx.2025-ci il tarixinədək təqdim edilməmişdir. Eyni zamanda R.Məhərrəmovun son haqq hesabı ödənilməmişdir. Məhkəmə iclasında Azərbaycan Respublikasının Əmək və Əhalinin Sosial Müdafiəsi Nazirliyi yanında X7 Xidmətinin Bakı şəhər idarəsinin etibarnamə üzrə nümayəndəsi X9 inzibati xəta haqqında protokolun məzmununa uyğun izahat verərək Şəxs MMC tərəfindən zəruri sənədlərin səlahiyyətli orqana təqdim edilmədiyini və R.Məhərrəmova son haqq hesabının ödənilmədiyini bildirərək barəsində inzibati tənbeh tədbirinin tətbiq edilməsini xahiş etmişdir. Məhkəmə iclasının yeri və vaxtı barədə qanunamüvafiq qaydada məlumat verilməsinə baxmayaraq, Şəxs MMC-nin səlahiyyətli nümayəndəsi gəlməmiş, gəlməməsinin səbəbləri barədə məhkəməyə məlumat verməmişdir. Məhkəmə, işə Şəxs MMC-nin səlahiyyətli nümayəndəsinin iştirakı olmadan baxılmasını mümkün hesab etmişdir. İş materiallarında olan və məhkəmə baxışında tədqiq edilmiş: Azərbaycan Respublikasının Əmək və Əhalinin Sosial Müdafiəsi Nazirliyi yanında X7 Xidmətinin Bakı şəhər idarəsinin əmək müfəttişi X4 tərəfindən tərtib edilmiş 09 sentyabr 2025-ci il tarixli, MN seriyalı ******* nömrəli inzibati xəta haqqında protokoldan görünür ki, vətəndaşlar X1, X2 və X3 müraciətləri əsasında Azərbaycan Respublikası Əmək Məcəlləsinin 15-ci maddəsinin 2-ci hissəsinə əsasən hüquqi şəxs Şəxs MMC-dən 3-17-5/2- 71246/2025 nömrəli, xx.xx.2025-ci il tarixli, 3-17-5/2-71118/2025 nömrəli, xx.xx.2025-ci il tarixli və 3-17-5/2-66563/2025 nömrəli, xx.xx.2025-ci il tarixli məktublarda qeyd olunan sənədlərin 7 iş günü ərzində DƏMX-nin Bakı Şəhər İdarəsinə təqdim edilməsi tələb olunmuşdur. Sorğu məktubunun xx.xx.2025-ci il tarixdə çatdırılmasına baxmayaraq tələb olunan sənədlər təqdim edilməmişdir. Eyni zamanda R.Məhərrəmovun son haqq hesabı ödənilməmişdir. Bununlada hüquqi şəxs Şəxs MMC tərəfindən Azərbaycan Respublikası İXM-nin 192.4 və 539.3-cü maddələrində nəzərdə tutulmuş inzibati xəta hadisəsi törədilmişdir; Azərbaycan Respublikasının Əmək və Əhalinin Sosial Müdafiəsi Nazirliyi yanında X7 Xidmətinin Bakı şəhər idarəsi tərəfindən Şəxs MMC-nin rəhbərliyinə ünvanlanmış 3-17-5/2- 66563/2025 nömrəli, xx.xx.2025-ci il tarixli məktubdan görünür ki, X1 müraciətinə əsasən 7 iş günü ərzində əmək müqaviləsinin surətinin, olduğu təqdirdə kollektiv müqavilənin, əmək müqaviləsinə xitam verilməsinə dair müvafiq sənədlərin (xitam əmri, işçinin ərizəsi), əmək müqaviləsinə xitam veriləcəyi təqdirdə son haqq-hesabın hesablanmasını və ödənilməsini təsdiq edən sənədlərin surətinin, iş vaxtının uçotu və əmək haqqı hesablanması cədvəllərinin surətinin (son 12 ay üzrə) və vətəndaşın müraciətinə münasibət bildirilməsinə dair cavab məktubunun təqdim edilməsi xahiş olunmuşdur; Azərbaycan Respublikasının Əmək və Əhalinin Sosial Müdafiəsi Nazirliyi yanında X7 Xidmətinin Bakı şəhər idarəsi tərəfindən Şəxs MMC-nin rəhbərliyinə ünvanlanmış 3-17-5/2- 76074/2025 nömrəli, xx.xx.2025-ci il tarixli məktubdan görünür ki, hüquqi şəxsə vətəndaş X1 müraciətinə münasibət bildirilməsi və vətəndaşa aid sənədlərin 7 iş günü ərzində DƏMX-nin Bakı Şəhər İdarəsinə təqdim edilməsi ilə əlaqədar 3-17-5/2-66563/2025 nömrəli, xx.xx.2025ci il tarixli sorğu məktubu göndərilmiş, lakin həmin sənədlər təqdim edilməmişdir. Bu səbəbdən hüquqi şəxsin səlahiyyətli nümayəndəsi inzibati xəta haqqında protokolun tərtib edilməsində iştirak etməsi üçün xx.xx.2025-ci il tarixdə, saat 14:30-da DƏMX-nin Bakı Şəhər İdarəsinə dəvət olunmuşdur; Azərbaycan Respublikasının Əmək və Əhalinin Sosial Müdafiəsi Nazirliyi yanında X7 Xidmətinin Bakı şəhər idarəsi tərəfindən Şəxs MMC-nin rəhbərliyinə ünvanlanmış 3-17-5/2- 71246/2025 nömrəli, xx.xx.2025-ci il tarixli məktubdan görünür ki, X1 müraciətinə əsasən 7 iş günü ərzində əmək müqaviləsinin surətinin, əmək müqaviləsinə xitam verilməsinə dair müvafiq sənədlərin (xitam əmri, işçinin ərizəsi), son haqq-hesabın hesablanmasını və ödənilməsini təsdiq edən sənədlərin surətinin, iş vaxtının uçotu və əmək haqqı hesablanması cədvəllərinin surətinin və vətəndaşın müraciətinə münasibət bildirilməsinə dair cavab məktubunun təqdim edilməsi xahiş olunmuşdur; Azərbaycan Respublikasının Əmək və Əhalinin Sosial Müdafiəsi Nazirliyi yanında X7 Xidmətinin Bakı şəhər idarəsi tərəfindən Şəxs MMC-nin rəhbərliyinə ünvanlanmış 3-17-5/2- 79577/2025 nömrəli, xx.xx.2025-ci il tarixli məktubdan görünür ki, hüquqi şəxsə vətəndaş X2 müraciətinə münasibət bildirilməsi və vətəndaşa aid sənədlərin 7 iş günü ərzində DƏMX-nin Bakı Şəhər İdarəsinə təqdim edilməsi ilə əlaqədar 3-17-5/2-71246/2025 nömrəli, xx.xx.2025ci il tarixli və 3-17-5/2-71118/2025 nömrəli, xx.xx.2025-ci il tarixli sorğu məktubları göndərilmiş, lakin həmin sənədlər təqdim edilməmişdir. Bu səbəbdən hüquqi şəxsin səlahiyyətli nümayəndəsi inzibati xəta haqqında protokolun tərtib edilməsində iştirak etməsi üçün xx.xx.2025-ci il tarixdə, saat 14:30-da DƏMX-nin Bakı Şəhər İdarəsinə dəvət olunmuşdur; Azərbaycan Respublikasının Əmək və Əhalinin Sosial Müdafiəsi Nazirliyi yanında X7 Xidmətinin Bakı şəhər idarəsi tərəfindən Şəxs MMC-nin rəhbərliyinə ünvanlanmış 3-17-5/2- 71118/2025 nömrəli, xx.xx.2025-ci il tarixli məktubdan görünür ki, X2 müraciətinə əsasən 7 iş günü ərzində iş vaxtının uçotu və əmək haqqı hesablanması cədvəllərinin surətinin (son on iki ay üzrə), son haqq-hesabın hesablanması cədvəlinin, son haqq hesabın ödənildiyini təsdiq edən sənədlərinin surətinin (bank çıxarışı və ya bank arayışı), vətəndaşın müraciətinə münasibət bildirilməsinə dair cavab məktubunun təqdim edilməsi xahiş olunmuşdur. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. 31.3-cü maddəsinə əsasən, hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyirin həcmi və ya onun maraqlarının təmin edilməsinin varakteri və dərəcəsi, hüquqi şəxsi xarakretizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. 192.4-cü maddəsinə əsasən işçinin əmək və məzuniyyət haqlarının, ezamiyyə xərclərinin, əmək qanunvericiliyində nəzərdə tutulmuş müavinət və digər ödənişlərin hesablanmasında və ödənilməsində, riyazi hesablamalar nəticəsində yol verilən nöqsanlar istisna olmaqla, qanun pozuntularına yol verilməsinə görə - vəzifəli şəxslər yeddi yüz manatdan min beş yüz manatadək məbləğdə cərimə edilir. 539.3-cü maddəsinə əsasən əmək qanunvericiliyinə əməl olunmasına dövlət nəzarətini həyata keçirən müvafiq icra hakimiyyəti orqanının tələbi ilə bu Məcəllənin 539.1-1-ci maddəsində nəzərdə tutulan hallarla bağlı zəruri olan məlumatların (sənədlərin) təqdim edilməməsinə, yaxud tam, düzgün və ya vaxtında təqdim edilməməsinə (sahibkarlıq fəaliyyətinin həyata keçirildiyi yerlərə gəlməklə aparılan yoxlamalara münasibətdə bu Məcəllənin 602.4-cü maddəsində nəzərdə tutulmuş hallar istisna olmaqla) görə – vəzifəli şəxslər min manatdan min beş yüz manatadək məbləğdə, hüquqi şəxslər iki min manatdan iki min beş yüz manatadək məbləğdə cərimə edilir. Məhkəmə iclasında tədqiq edilmiş inzibati xəta haqqında protokol, səlahiyyətli orqanın nümayəndəsinin izahatı və inzibati materialda olan digər sənədlərlə sübuta yetirilmişdir ki, Şəxs MMC tərəfindən 3-17-5/2-71246/2025 nömrəli, xx.xx.2025-ci il tarixli, 3-17-5/2- 71118/2025 nömrəli, xx.xx.2025-ci il tarixli və 3-17-5/2-66563/2025 nömrəli, xx.xx.2025-ci il tarixli məktublarda qeyd olunan sənədlərin 7 iş günü ərzində DƏMX-nin Bakı Şəhər İdarəsinə təqdim edilməməsi və işçiyə son haqq hesabın ödənilməməsi faktı aşkar edilmişdir. Bununla da, hüquqi şəxs Şəxs tərəfindən Azərbaycan Respublikası İXM-nin 192.4 və 539.3-cü maddələrində nəzərdə tutulan inzibati xətanın törədilməsi öz təsdiqini tapmışdır. Məhkəmə inzibati tənbeh tədbiri tətbiq edilərkən Şəxs MMC-nin əməlində Azərbaycan Respublikasının İnzibati Xətalar Məcəlləsinin 32 və 33-cü maddələrində nəzərdə tutulmuş məsuliyyəti yüngülləşdirən və ağırlaşdıran halları nəzərə alır. Məhkəmə araşdırması zamanı hüquqi şəxs Şəxs MMC-nin barəsində məsuliyyəti yüngülləşdirən və ya ağırlaşdıran hallar müəyyən edilməmişdir. Məhkəmə törədilmiş inzibati xətanın xarakterini, məsuliyyəti yüngülləşdirən və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək hesab edir ki, Şəxs MMC Azərbaycan Respublikası İnzibati Xətalar Məcəlləsinin 192.4 və 539.3-cü maddələri ilə təqsirli bilinməli və barəsində həmin Məcəllənin 34.3-cü maddəsinin tələbləri nəzərə alınmaqla Azərbaycan Respublikası İnzibati Xətalar Məcəlləsinin 539.3-cü maddəsinin sanksiyası həddində cərimə inzibati tənbeh tədbiri tətbiq edilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 18.5, 114-115, 128-130-cu maddələrini rəhbər tutaraq, məhkəmə QƏRARA ALDİ: Hüquqi şəxs Şəxs MMC Azərbaycan Respublikası İnzibati Xətalar Məcəlləsinin 192.4 və 539.3-cü maddələrində nəzərdə tutulan inzibati xətanı törətməkdə təqsirli bilinsin. Hüquqi şəxs Şəxs MMC-nin barəsində Azərbaycan Respublikası İnzibati Xətalar Məcəlləsinin 34.3-cü maddəsinin tələbinə uyğun olaraq daha ciddi xətaya görə - İXM-nin 539.3-cü maddəsinə əsasən 2000 (iki min) manat məbləğində cərimə inzibati tənbeh tədbiri tətbiq edilsin. Qərardan, rəsmi qaydada verildiyi vaxtdan 10 (on) gün müddətində Bakı şəhəri Xətai Rayon Məhkəməsi vasitəsilə və ya bir başa Bakı Apellyasiya Məhkəməsinə şikayət verilə bilər. Sədrlik edən: Fuad Axundov