Bakı Şəhəri Xətai Rayon Məhkəməsi Qərardad — İş №3(011)-9262/2025

Azərbaycan Respublikası adından QƏRARDAD Bakı şəhəri İş № 3(011)-9262/2025 05.11.2025 BAKI ŞƏHƏRİ XƏTAİ RAYON MƏHKƏMƏSİ Bakı şəhəri Xətai Rayon Məhkəməsinin hakimi Axundov Fuad Aydın oğlu, Azərbaycan Respublikasının Əmək və Əhalinin Sosial Müdafiəsi Nazirliyi yanında X7 Xidmətinin Şərqi Zəngəzur Regional Şöbəsinin inzibati tənbeh vermə haqqında xx.xx.2025-ci il tarixli, MN seriyalı ******* nömrəli qərarından X6 tərəfindən verilmiş şikayətə açıq məhkəmə iclasında baxaraq, MÜƏYYƏN ETDİ: X6 şikayətlə məhkəməyə müraciət edərək, inzibati xəta hadisəsi olmadığına görə Azərbaycan Respublikasının Əmək və Əhalinin Sosial Müdafiəsi Nazirliyi yanında X4 xx.xx.2025-ci il tarixli, MN seriyalı ******* saylı inzibati xəta haqqında qərarının ləğv edilməklə iş üzrə icraata xitam verilməsini xahiş etmişdir. Məhkəmə inzibati xəta haqqında iş üzrə qərardan verilən şikayətə baxılma haqqında qərardan X6 tərəfindən verilmiş şikayəti və ona əlavə edilmiş sənədləri araşdırıb belə qənaətə gəlir ki, inzibati tənbeh vermə haqqında qərardan verilmiş şikayət və ona əlavə edilmiş sənədlər aidiyyəti üzrə düzgün verilməmişdir. Ona görə də toplanmış material baxılması üçün aidiyyəti üzrə Laçın Rayon Məhkəməsinə göndərilməlidir. Belə ki, Azərbaycan Respublikasının Əmək və Əhalinin Sosial Müdafiəsi Nazirliyi yanında X7 Xidmətinin Şərqi Zəngəzur Regional Şöbəsinin rəisi X1 tərəfindən qəbul edilmiş inzibati tənbeh vermə haqqında xx.xx.2025-ci il tarixli, MN seriyalı ******* nömrəli qərardan görünür ki, X6 tərəfindən sağlam və təhlükəsiz əməyin mühafizəsi şəraitinin Laçın rayonu, Qorçu kəndində tikinti sahəsində yaradılmaması əsas gətirilərək onun Azərbaycan Respublikası İXM-nin 199-cu maddələrində nəzərdə tutulmuş inzibati xətanı törətməsi göstərilmiş və barəsində həmin maddəyə əsasən 700 (yeddi yüz) manat məbləğində inzibati cərimə tənbeh tədbiri tətbiq edilmişdir. Lakin, iş materiallarına əlavə edilmiş sənədlərdən məlum olduğu kimi sözügedən inzibati xəta hadisəsi xx.xx.2025-ci il tarixdə saat 09:10 radələrində Laçın rayonu, Qorçu kəndi ərazisində X2 “Komatsu PS300-8” markalı ekskavatora çalov taxmaq üçün çəkic vasitəsilə palese (metal pinə) zərbə endirən zaman zərbənin təsirindən yaranmış metal qırıntısının oun sağ göz nahiyyəsinə dəyməsi nəticəsində baş vermişdir. Azərbaycan Respublikası İnzibati Xətalar Məcəlləsinin: 109.1.7-ci maddəsinə əsasən, hakim inzibati xəta haqqında işin baxılmağa hazırlanması zamanı əgər bu məsələnin baxılması onun səlahiyyətinə aid deyildirsə, inzibati xəta haqqında protokolun və ya digər materialların baxılması üçün aidiyyəti üzrə göndərilməsi barədə qərardad qəbul edir. Azərbaycan Respublikası Konstitusiya Məhkəməsinin Plenumunun 04 noyabr 2020-ci il tarixli qərarına əsasən Azərbaycan Respublikası İnzibati Xətalar Məcəlləsinin 129.1.3-cü maddəsində dəyişikliklər edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. Məhkəmə, səlahiyyətli orqanın qərarından məhkəməyə verilən şikayətin inzibati xətanın törədildiyi yer üzrə rayon (şəhər) məhkəməsinə verildiyini və ehtimal olunan inzibati xətanın Laçın rayonu ərazisində baş verdiyini nəzərə alaraq hesab edir ki, inzibati tənbeh vermə haqqında qərardan verilmiş şikayət baxılması üçün aidiyyəti üzrə Laçın Rayon Məhkəməsinə göndərilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 109 və 110-cu maddələrini rəhbər tutaraq, QƏRARA ALDİ: X3 Azərbaycan Respublikasının Əmək və Əhalinin Sosial Müdafiəsi Nazirliyi yanında X7 Xidmətinin Şərqi Zəngəzur Regional Şöbəsinin inzibati tənbeh vermə haqqında xx.xx.2025-ci il tarixli, MN seriyalı ******* nömrəli qərarından verdiyi şikayəti ona əlavə olunmuş sənədlərlə birlikdə aidiyyəti üzrə baxılması üçün Laçın Rayon Məhkəməsinə göndərilsin. Sədrlik edən: Fuad Axundov