Abşeron Rayon Məhkəməsi Qərardad — İş №3(012)-1027/2022

Azərbaycan Respublikası adından QƏRARDAD Xırdalan şəhəri İş № 3(012)-1027/2022 30.06.2022 ABŞERON RAYON MƏHKƏMƏSİ Hakim Nəcəfova Şövkət Hüseyn qızı şikayətçi X2 Bakı Nəqliyyat Agentliyinin xx.xx.2022-ci il tarixli qərarından verilmiş şikayətinə və ona əlavə olunmuş sənədlərə baxaraq, MÜƏYYƏN ETDİM: X4 Bakı Nəqliyyat Agentliyinin xx.xx.2022-ci il tarixli qərarından şikayət verərək həmin qərarın ləğv edilməsini və iş üzrə icraata xitam verilməsini xahiş etmişdir. X1 rayonu, Xırdalan şəhəri, Qalubiyyə küçəsi, 5 ünvanında qeydiyyatda olmaqla həmin ünvanda yaşadığını göstərmişdir. Onun şikayətinə yaşayış yeri üzrə baxılmasına dair vəsatəti şikayətə əlavə edilməmişdir. İnzibati xətanın törədildiyi yer isə Bakı şəhəri Yasamal rayonu ərazisidir. İşin baxılmağa hazırlanması zamanı müəyyən edilmişdir ki, inzibati xəta hadisəsi Bakı şəhəri, Yasamal rayonu, C.Cabbarlı küçəsində törədilmişdir. “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh olunmasına dair" Azərbaycan Respublikası Konstitusiya Məhkəməsi Plenumunun 4 noyabr 2020-ci il tarixli qərarına əsasən qanunverici tərəfindən Azərbaycan Respublikası İnzibati Xətalar Məcəlləsinin 129.1.3-cü maddəsində dəyişikliklər edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. Qeyd olunanlara əsasən məhkəmə hesab edir ki, X2 Bakı Nəqliyyat Agentliyinin xx.xx.2022-ci il tarixli qərarından verdiyi şikayət baxılması üçün aidiyyəti üzrə Bakı şəhəri Yasamal rayon Məhkəməsinə göndərilməlidir. Yuxarıda göstərilənləri nəzərə alaraq, QƏRARA ALDİM : X2 Bakı Nəqliyyat Agentliyinin xx.xx.2022-ci il tarixli qərarından verdiyi şikayət baxılması üçün aidiyyəti üzrə Bakı şəhəri Yasamal rayon məhkəməsinə göndərilsin. Hakim:Şövkət Nəcəfova