Abşeron Rayon Məhkəməsi Qərar — İş №3(012)-1032/2021

Azərbaycan Respublikası adından QƏRAR Xırdalan şəhəri İş № 3(012)-1032/2021 16.07.2021 ABŞERON RAYON MƏHKƏMƏSİ Hakim Həsənov Vaqif İskəndər oğlunun sədrliyi, Behbudova Aytac Aşura qızının katibliyi ilə, xx xxxxx 1992-ci ildə Bakı şəhərində anadan olmuş, Azərbaycan Respublikasının vətəndaşı, subay, orta təhsilli, fərdi əmək fəaliyyəti ilə məşğul olan, Bakı şəhəri, Nəsimi rayonu, Cavadxan küçəsi, ev 64, mənzil 25-də qeydiyyatda olan və Abşeron rayonu, Xırdalan şəhəri, Bakıxanov küçəsi, ev 3a-da yaşayan Şəxs barəsində Azərbaycan Respublikası İnzibati Xətalar Məcəlləsinin 327.8-ci maddəsi ilə nəzərdə tutulan inzibati məsuliyətə cəlb edilməsinə dair Abşeron rayon Polis İdarəsindən daxil olmuş inzibati xəta haqqında materiala baxaraq müəyyən etdi: 11.04.2021 -ci il tarixdə, saat 22 radələrində sürücü Şəxs “Yol hərəkəti haqqında” Azərbaycan Respublikası Qanununun 60-cı maddəsinin 2-ci hissəsinin tələblərini pozaraq idarə etdiyi gümüşü rəngli “Mercedes benz” markalı, **-TY-*** dövlət qeydiyyat nişanlı avtomaşınla Abşeron rayonu, Masazır dairəsi istiqamətində, saatda 30-40 km/saat sürətlə hərəkətdə olan zaman dairədən üzü Bakı şəhəri istiqamətində dönərək işıqforun işığının qırmızı olmasına məhəl qoymadan hərəkətini davam etdirmiş, bu zaman X2 tünd boz metallik rəngli “Mercedes Benz” markalı **-BE-*** dövlət qeydiyyat nişanlı avtomobillə Abşeron rayonu, Xırdalan şəhərindən üzü Masazır dairəsi istiqamətində işıqforun yaşıl işığından keçərək hərəkətini davam etdirən nəqliyyat vasitəsinin qarşısına çıxmış və nəticədə Məhəmməd Hüseynquliyevin idarə etdiyi avtomaşının ön hissəsi ilə Şəxs idarə etdiyi avtomaşının sağ yan hissəsi toqquşaraq yol nəqliyyat hadisəsi baş vermişdir. Baş vermiş hadisə nəticəsində X2 idarə etdiyi avtomaşında sərnişin qismində əyləşmiş X1 dərəcəli, X9 isə Az Ağır dərəcəli bədən xəsarətləri yetirməklə nəticələnən yol-nəqliyyat hadisəsi törətmişdir. Buna görə Şəxs oğlu Azərbaycan Respublikası İXM-nin 327.8-ci maddəsi ilə məhkəməyə verilmişdir. İş üzrə barəsində inzibati xəta haqqında icraat aparılan şəxs Şəxs oğlu təyin edilmiş məhkəmə iclasına dəvət edilmişdir. Lakin, məhkəmə iclasının vaxtı və yeri haqqında lazımı qaydada xəbərdar edilməsinə baxmayaraq, barəsində inzibati xəta haqqında icraat aparılan şəxs Şəxs məhkəməyə gəlməməyin səbəbini və ya mümkünsüzlüyünü bildirmədən və bu səbəblərin üzürlü olması barədə sübutlar təqdim etmədən məhkəmə iclasına gəlməmişdir. Azərbaycan Respublikası İXM-in 61.3-cü maddəsinə əsasən inzibati xətalar haqqında işlərə barəsində inzibati xəta haqqında icraat aparılan şəxsin iştirakı ilə baxılır. Həmin işlərə şəxsin iştirakı olmadan yalnız o hallarda baxıla bilər ki, işə baxılmasının yeri və müddətinin ona vaxtında bildirilməsi barədə məlumat olsun və ya işə baxılmasını təxirə salmaq haqqında ondan vəsatət daxil olmasın, yaxud belə vəsatət rədd edilmiş olsun. Qeyd olunanlara əsasən məhkəmə inzibati xəta törədilməsi haqqında işə inzibati xəta törətmiş şəxs Şəxs iştirakı olmadan baxılmasını mümkün hesab etmişdir. İşə əlavə edilmiş canlı şəxsin məhkəmə-tibbi ekspertizasının 14.04.2021-ci il tarixli, 748 saylı rəyindən görünür ki, 1984-cü il təvəllüdlü X3 məhkəmə-tibbi ekspertizası zamanı aşkar edilmiş xəsarətlər – burun sümüyünün qapalı yerdəyişməyən sınığı, burun və sağ gözaltı nahiyələrinin qançırları bərk-küt əşya (əşyalar) təsirindən törənmişdir; qərarda qeyd olunan müddətdə və şəraitdə, yəni 11.04.2021-ci il tarixdə salonunda olduğu avtomaşının digər avtomaşınla toqquşma nəticəsində əmələ gələ bilərdi, dərəcəsinə görə sağlamlığın qısa müddətə pozulmasına səbəb olan sağlamlığa Yüngül zərərvurmaya aiddir. İşə əlavə edilmiş canlı şəxsin məhkəmə-tibbi ekspertizasının 14.04.2021-ci il tarixli, 749 saylı rəyindən görünür ki, X6 məhkəmə-tibbi ekspertizası zamanı aşkar edilmiş xəsarətlər – sağ bazu sümüyünün aşağı 1/3-nin qapalı yerdəyişmiş sınığı, başın təpə nahiyyəsinin sıyırığı bərk-küt əşya təsirindən törənmişdir; qərarda qeyd olunan müddətdə və şəraitdə 11.04.2021-ci il tarixdə salonunda olduğu avtomaşının digər avtomaşınla toqquşma nəticəsində əmələ gələ bilərdi, dərəcəsinə görə sağlamlığın qısa müddətə pozulmasına səbəb olan sağlamlığa Az Ağır zərərvurmaya aiddir. İşə əlavə edilmiş, sərxoşluq vəziyyətinin tibbi müayinə aktından görünür ki, sürücü Şəxs hadisə vaxtı ayıq olmuş, alkoqol sərxoşluğu vəziyyəti olmamışdır. Şəxs Azərbaycan Respublikası İXM-nin 327.8-ci maddəsi ilə nəzərdə tutulan inzibati xətanı törətməkdə təqsirli olması 08 may 2021-ci il tarixli cinayət işinin başlanmasının rədd edilməsi haqqında qərar və iş üzrə toplanmış digər sübutlarla təsdiq olunmuşdur. Məhkəmə hesab edir ki, törətdiyi inzibati xətaya görə Şəxs barəsində inzibati tənbeh tətbiq edilməlidir. Azərbaycan Respublikasının İXM-nin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikasının İXM-nin 9.1-ci maddəsinin tələbinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Azərbaycan Respublikasının İXM-nin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmədə Şəxs məsuliyyətini yüngülləşdirən və ağırlaşdıran hal müəyyən edilməmişdir. Məhkəmə Azərbaycan Respublikası İXM-nin 31-ci maddəsinə əsasən Şəxs törətdiyi inzibati xətanın xarakterini, şəxsiyyətini nəzərə alaraq, hesab edir ki, onun inzibati cərimə edilməsi inzibati tənbehin məqsədlərini təmin edə bilər. Yuxarıda göstərilənlərə əsasən və Azərbaycan Respublikası İXM-nin 40, 43, 48-51, 114, 128-ci maddələrinin rəhbər tutaraq qərara aldı: Şəxs Azərbaycan Respublikasının İXM-nin 327.8-ci maddəsi ilə nəzərdə tutulan inzibati xətanı törətməkdə təqsirli bilinərək, 200 (iki yüz) manat məbləğində cərimə edilsin. Qərarın icrası Bakı şəhəri Nəsimi rayon İcra idarəsinə tapşırılsın. Qərarın surəti təqdim edildiyi vaxtdan 10 (on) gün müddətində Abşeron Rayon Məhkəməsi vasitəsilə Sumqayıt Apellyasiya Məhkəməsinə şikayət verilə bilər. Məhkəmənin hakimi: Vaqif Həsənov