Abşeron Rayon Məhkəməsi Qərar — İş №3(012)-1033/2021

Azərbaycan Respublikası adından QƏRAR Xırdalan şəhəri İş № 3(012)-1033/2021 06.07.2021 ABŞERON RAYON MƏHKƏMƏSİ Mən, Abşeron Rayon Məhkəməsinin hakimi Quliyeva Sevinc Məhəmməd qızının, Vəliyeva Nərmin Elçin qızının katibliyi ilə barəsində inzibati xəta haqqında icraat aparılan şəxs Şəxs oğlunun və onun müdafiəçisi Abşeron rayonu Vəkil Bürosunun vəkili Vəkil, tələbkar X2 və inzibati tənbeh barədə protokol tərtib etmiş şəxs Abşeron rayon icra və probasiya şöbəsinin icra məmuru X7 oğlunun iştirakları ilə, xx.xx.1991-ci il tarixdə Naxçıvan MR, Naxçıvan şəhərində anadan olmuş, Azərbaycan Respublikasının vətəndaşı, evli, orta təhsilli, fərdi əməklə məşğul olan, əvvəllər məhkum olunmamış, Naxçıvan MR, Naxçıvan şəhəri, Çənlibel 12 A, 3 ünvanında qeydiyyatda olan, ünvan 2a yaşayan Şəxs barəsində Abşeron rayon İcra və probasiya şöbəsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİM: Abşeron rayon İcra və Probasiya şöbəsinin icra məmuru X7 oğlu tərəfindən Şəxs inzibati xəta törətməsi haqqında tərtib edilmiş MN ******* saylı protokol Abşeron Rayon Məhkəməsinə daxil olmuşdur. Məhkəmə iclasında Abşeron rayon İcra və Probasiya şöbəsinin icra məmuru X3 protokolu müdafiə edərək bildirdi ki, Naxçıvan MR Naxçıvan şəhər məhkəməsinin 2(078)- 901/2019 saylı, 16.12.2019-cu il tarixli icra vərəqəsinə əsasən iş üzrə borclu Şəxs 3320 manat məbləğində aliment borcunu iş üzrə tələbkar X6 xeyrinə ödəməmişdir. Naxçıvan MR Naxçıvan Şəhər Məhkəməsinin 2(012)-901/2019 saylı icra sənədinə əsasən 14 avqust 2019-cu il tarixdən hesablanmaqla Şəxs hər ay 160 (bir yüz altmış) manat sabit pul məbləğində alimentin tutularaq 03 iyul 2017-ci il təvəllüdlü X5 yetkinlik çatanadək saxlanılması üçün anası X6 xeyrinə ödənilməsi qət edilmişdir. Borclu Şəxs icra sənədlərinin icrasından yayınaraq borcu ödəməkdən müxtəlif bəhanələrlə imtina edərək, iş yeri barədə yalan məlumatlar verməklə, heç bir üzrlü səbəb göstərmədən Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətmişdir. Buna görə də icra məmuru borclu Şəxs barəsində inzibati tənbeh tədbiq edilməsini məhkəmədən xahiş etdi. Barəsində inzibati xəta haqqında icraat aparılan şəxs Şəxs “xxxx” MMC-də fərdi əməklə məşğul olduğunu, tələbkarla bir yerdə yaşadıqları üçün borcu ödəmədiyini bildirdi və barəsində yüngül cəza təyin edilməsini xahiş etdi. Həmçinin yaranmış aliment borcunu aybaay ödəməyə söz verdi. Məhkəmə iclasında müdafiəçi Vəkil inzibati xəta haqqında iş üzrə icraat aparılan Şəxs barəsində iş üzrə icraata xitam verilməsini xahiş etdi. Məhkəmə iclasında dindirilmiş tələbkar X9 bildirdi ki Naxçıvan MR Naxçıvan Şəhər Məhkəməsinin 2(012)-901/2019 saylı icra sənədinə əsasən 14 avqust 2019-cu il tarixdən hesablanmaqla 03 iyul 2017-ci il təvəllüdlü X5 yetkinlik yaşına çatanadək saxlanması üçün cavabdeh Şəxs hər ay 160 manat sabit pul məbləğində aliment tutularaq ona ödənilməsi qət edilmişdir. İş üzrə borclu Şəxs borcu ödəməkdən müxtəlif bəhanələrlə imtina edir. Borclu Şəxs barəsində inzibati tənbeh tədbiq edilməsini məhkəmədən xahiş etdi. İş materiallarında olan Naxçıvan MR Naxçıvan Şəhər Məhkəməsinin 2(012)-901/2019 saylı icra sənədinə əsasən 14 avqust 2019-cu il tarixdən hesablanmaqla Şəxs hər ay 160 (bir yüz altmış) manat sabit pul məbləğində alimentin tutularaq 03 iyul 2017-ci il təvəllüdlü X5 yetkinlik çatanadək saxlanılması üçün anası X6 xeyrinə ödənilməsi qət edilmişdir. İş materiallarında olan 17.12.2019-cu il tarixli qərardan görünür ki, həmin tarixdə Naxçıvan şəhər İcra və Probasiya Şöbəsində müvafiq icra sənədinə dair işlər üzrə icraata başlanılmışdır. İş materiallarında olan 5 saylı MTİİTS-nin rəisi tərəfindən verilmiş arayışdan görünür ki, Əsədli X4 rayonu, Xırdalan şəhəri, Z.Bünyadov küçəsi, ev 20 ünvanında qeydiyyatsız yaşayır. İş materiallarında olan “xxxx” MMC tərəfindən Abşeron rayon icra və probasiya şöbəsinə ünvanlanmış sorğuya cavab məktubundan görünür ki, Şəxs adlı şəxs “xxxx” MMC-də işləmir. İş materiallarında olan məlumat vərəqindən görünür ki, Şəxs mülkiyyətində heç bir əmlak yoxdur. Məhkəmə prtosesində borclu Şəxs əvvəlcə tələbkara bir yerdə yaşadıqları üçün heç bir məbləğ ödəməyəcəyini bildirdi, sonra isə 400 manat pul təklif etdi. Məhkəmə hesab edir ki, bu hal borclunun alimenti ödəməkdən qəsdən boyun qaçırmasını sübut edir. İnzibati xəta haqqında iş materiallarını tədqiq edərək, toplanmış sübutlara qiymət verərək, barəsində inzibati xəta haqqında icraat aparılan şəxsi və protokol tərtib etmiş şəxsi dinləyərək, məhkəmə hesab edir ki, Şəxs inzibati xətanı törətməsində təqsiri tam sübuta yetir və onun törətdiyi inzibati hərəkət Azərbaycan Respublikası İnzibati Xətalar Məcəlləsinin 528.1-ci maddəsi ilə düzgün tövsif olunmuşdur. Azərbaycan Respublikası İXM-in 76-cı maddəsinə görə inzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın əsaslana bildiyi hər cür faktiki məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında icraat aparılan şəxsin, zərərçəkmiş şəxslərin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, habelə müəyyən edilmiş digər protokollarla müəyyən edilir. Azərbaycan Respublikası İXM-nin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 9.1-ci maddəsinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. İnzibati tənbeh növünü tətbiq edərkən məhkəmə xətanın xarakterini Şəxs şəxsiyyətini, onun təqsirinin dərəcəsini və əmlak vəziyyətini nəzərə alır. İş üzrə məsuliyyəti yüngülləşdirən və ağırlaşdıran hallar müəyyən edilmədi. İnzibati xəta törədən şəxs Şəxs məhkəmə iclasında 3 saat olmaqla, cəmi 18 manat məbləğində pul dövlət hesabına hüquqi yardım Abşeron rayon Vəkil Bürosunun vəkili Vəkil Azərbaycan Respublikasının Dövlət Büdcəsinin vəsaiti hesabına ödənilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115, 128-130-cu maddələrini rəhbər tutaraq, QƏRARA ALDİM: Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanın törədilməsində təqsirli bilinsin və ona 08 (səkkiz) gün müddətində inzibati həbs növündə inzibati tənbeh tətbiq edilsin. İnzibati həbs etmənin əvvəli 06 iyul 2021-ci il, saat 17:00 dəqiqədən hesablansın. Qərarın icrası Abşeron rayon Polis İdarəsinə həvalə edilsin. İnzibati xəta törədən şəxs Şəxs məhkəmə iclasında 3 saat olmaqla, cəmi 18 manat məbləğində pul dövlət hesabına hüquqi yardım Abşeron rayon Vəkil Bürosunun vəkili Vəkil Azərbaycan Respublikasının Dövlət Büdcəsinin vəsaiti hesabına ödənilsin. Qərardan rəsmi qaydada verildiyi gündən 10 (on) gün müddətində Abşeron Rayon Məhkəməsi vasitəsilə Sumqayıt Apelyasiya Məhkəməsinə şikayət verilə bilər. Sədrlik edən: Sevinc Quliyeva