Abşeron Rayon Məhkəməsi Qərar — İş №3(012)-1109/2025

Azərbaycan Respublikası adından QƏRAR Xırdalan şəhəri İş № 3(012)-1109/2025 05.05.2025 ABŞERON RAYON MƏHKƏMƏSİ X10 Ənvər qızının sədrliyi ilə, Nuruyeva Nüşabə Ələddin qızının katibliyi ilə, barəsində inzibati xəta haqqında icraat aparılan şəxs Şəxs və onun müdafiəçisi Abşeron Rayon Vəkil Bürosunun vəkili X2, inzibati tənbeh vermə barədə protokol vermiş Abşeron RPİ-nin İTŞnin sahə rəisi polis kapitanı X4 iştirakları ilə, xx.xx.1992-ci il tarixdə Lənkəran şəhərində anadan olmuş, Azərbaycan Respublikasının vətəndaşı, evli, ünvan 1 ünvanında qeydiyyatda olan və yaşayan Şəxs barəsində Abşeron Rayon Polis İdarəsindən daxil olmuş Azərbaycan Respublikası İnzibati Xətalar Məcəlləsinin 510-cu maddəsi ilə inzibati xəta haqqında materiala açıq məhkəmə iclasında baxaraq, MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin (bundan sonra İXM) 510-cu maddəsilə nəzərdə tutulan inzibati xəta törətməsi haqqında tərtib edilmiş MN ******* saylı, xx.xx.2025-ci il tarixli protokol Abşeron Rayon Məhkəməsinə daxil olmuşdur. İnzibati tənbeh vermə barədə protokol vermiş Abşeron RPİ-nin İTŞ-nin sahə rəisi polis kapitanı X8 protokolunda göstərmişdir ki, Şəxs xx.xx.2025-ci il tarixdə saat 01 radələrində Abşeron rayonu, Masazır kəndində inşa edilmiş körpünün üstünə çıxaraq özünü atacağını deyərək insanların diqqətini cəlb etmiş, avtomobil hərəkətini iflic edərək tıxacın yaranmasına şərait yaratmış, mənəvi normalarla tənzimlənən münasibətlər sistemini pozaraq xırda xuliqanlıq inzibati xətasını törətmişdir. Məhkəmə iclasında inzibati tənbeh vermə barədə protokol vermiş Abşeron RPİ-nin İTŞ-nin sahə rəisi polis kapitanı X8 izahatında İnzibati tənbeh vermə barədə protokolu müdafiə edərək bildirdi ki, Şəxsxx.xx.2025-ci il saat 01 radələrində Abşeron rayonu, Masazır kəndində inşa edilmiş körpünün üstünə çıxaraq özünü atacağını deyərək insanların diqqətini cəlb etmiş, avtomobilin hərəkətini iflic edərək tıxacdan şərait yaratmış, mənəvi normalarla tənzimlənən münasibətlər sistemini pozaraq xırda xuliqanlıq etmişdir. Protokolun təmin edilməsini məhkəmədən xahiş etdi. Məhkəmə iclasında barəsində inzibati xəta haqqında icraat aparılan şəxs Şəxs izahatında bildirdi ki, ailəsi ilə birlikdə Abşeron rayonu, Masazır qəsəbəsində yerləşən Məzunlar binasında yaşayır. Onunla eyni binada yaşayan X7 onu mütəmadi olaraq narahat edir, yaşadığı evə gəlir, onun barəsində etdiyi şikayəti geri götürməyəcəyi təqdirdə ona bildirir ki, onun azyaşlı övladını döydürtməyi ilə bağlı barəsində böhtan xarakterli şikayət edir, həmçinin dəfələrlə yaşadığı binanın həyətində onu heç bir səbəb olmadan telefonla videoya çəkir. Sonuncu dəfə xx.xx.2025-ci il tarixdə iş yerindən çıxıb “20 Yanvar” metrostansiyasına gəldi, orada kafelərin birində əyləşib 5-6 bokal pivə içdi. xx.xx.2025-ci il tarixdə saat 01 radələrində taksi ilə Masazır körpüsünün yanına gəldi və orada camatın fikrini özünə cəlb etmək üçün DİN-nin 102 xidmətinə zəng edərək körpüyə qalxıb intihar edəcəyini bildirdi. Sonra isə körpüyə qalxaraq orada yerləşdirilmiş reklamdan sallandı. Həmin vaxt orada keçən avtomobillər dayandı, insanlar avtomobillərdən düşüb ona baxırdılar və bəziləri də telefonla onu videoya çəkirdilər. Həmin vaxt polis əməkdaşları gəldilər və onu xilas edərək Abşeron RPİ-yə gətirdilər. Məhkəmə iclasında müdafiəçi Abşeron Rayon Vəkil Bürosunun vəkili X1 Seymur Ağalar oğlunun izahatına uyğun izahat verdi. Məhkəmədən yüngül cəza təyin edilməsini xahiş etdi. İnzibati xəta haqqında işin materiallarını tədqiq edərək proses iştirakçılarını dinləyərək, məhkəmə hesab edir ki, toplanmış sübutlarla Şəxs inzibati xətanı törətməsində təqsiri tam sübuta yetir və onun törətdiyi əməl Azərbaycan Respublikasının İnzibati Xətalar Məcəlləsinin 510-cu maddəsi ilə düzgün tövsif olunmuşdur. İş materiallarında olan xx.xx.2025-ci il tarixli, № 2286909/1 saylı inzibati qaydada tutma haqqında protokoldan görünür ki, Şəxs xx.xx.2025-ci il tarixdə 17:30 radələrində tutulmuşdur. İnzibati tənbeh növünü tətbiq edərkən məhkəmə xətanın xarakterini, Şəxs şəxsiyyətini, əmlak vəziyyətini və onun təqsirinin dərəcəsini nəzərə alır. Belə ki, Azərbaycan Respublikasının İnzibati Xətalar Məcəlləsinin (bundan sonra İXM) 510-cu maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə- fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikasının İnzibati Xətalar Məcəlləsinin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 31.4-cü maddəsinə əsasən inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, inzibati tənbeh onun yuxarı həddinin üçdə birindən az ola bilməz. Məhkəmədə Şəxs məsuliyyətini yüngülləşdirən və ağırlaşdıran hallar müəyyən edilmədi. Məhkəmə hesab edir ki, Şəxs həbs növündə tənbeh tətbiq etməklə, inzibati tənbehin məqsədlərinə nail olmaq olar, bu növ inzibati tənbehin təyin edilməsi qanuni və ədalətli olmaqla yanaşı, həm də inzibati məsuliyyətə cəlbetmənin məqsədlərinə uyğundur. İnzibati xəta törədən şəxs Şəxs məhkəmə iclasında 3 saat olmaqla, cəmi 33 manat məbləğində pul dövlət hesabına hüquqi yardım göstərmiş Abşeron Rayon Vəkil Bürosunun vəkili X3 Azərbaycan Respublikasının Dövlət Büdcəsinin vəsaiti hesabına ödənilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114-130-cu maddələrini rəhbər tutaraq, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 510-cu maddəsi ilə nəzərdə tutulmuş inzibati xətanın törədilməsində təqsirli bilinsin və ona 05 (beş) gün müddətinə inzibati həbs növündə inzibati tənbeh tətbiq edilsin. İnzibati həbs etmənin əvvəli xx.xx.2025-ci il, saat 17:30 dəqiqədən hesablansın. Qərarın icrası Abşeron Rayon Polis İdarəsinə həvalə edilsin. İnzibati xəta törədən şəxs Şəxs məhkəmə iclasında 3 saat olmaqla, cəmi 33 manat məbləğində pul dövlət hesabına hüquqi yardım göstərmiş Abşeron Rayon Vəkil Bürosunun vəkili X3 Azərbaycan Respublikasının Dövlət Büdcəsinin vəsaiti hesabına ödənilsin. Qərardan təqdim edildiyi və ya alındığı gündən 10 (on) gün müddətində Abşeron Rayon Məhkəməsi vasitəsilə Sumqayıt Apellyasiya Məhkəməsinə şikayət verilə bilər. X12