Abşeron Rayon Məhkəməsi Qərar — İş №3(012)-1260/2020

Azərbaycan Respublikası adından QƏRAR Xırdalan şəhəri İş № 3(012)-1260/2020 22.08.2020 ABŞERON RAYON MƏHKƏMƏSİ Mən, Abşeron Rayon Məhkəməsinin hakimi Nəcəfova Şövkət Hüseyn qızı, NuruyevaNüşabəƏləddinqızınınkatibliyiilə, Abşeron RPİ-nin İTŞ-nin rəisi X1 və barəsində inzibati xəta haqqında icraat aparılan şəxs Şəxs və iştirakları ilə, xx.xx.1967-ci il tarixdə Bakı şəhərində anadan olmuş, Azərbaycan Respublikasının vətəndaşı, ali təhsilli, işləməyən, ünvan 1 ünvanında qeydiyyatda olan və Abşeron rayonu, Novxanı kəndində yerləşən fərdi yaşayış evində yaşayan Şəxs barəsində Abşeron rayon Polis idarəsindən daxil olmuş inzibati xəta haqqında materiala Abşeron Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Şəxs barəsində xx.xx.2020-ci il tarixdə daxil olmuş inzibati materialda Şəxs xx.xx.2020-ci il tarixdə saat 23 radələrində Abşeron rayonu, Novxanı qəsəbəsində ölkə ərazisində tətbiq edilmiş karantin rejimi qaydalarını pozmaqla Azərbaycan Respublikası İXM-nin 211.1-ci maddəsində nəzərdə tutulmuş inzibati xətanı törətməsi göstərilmişdir. Abşeron Rayon Polis İdarəsinin İTŞ-nin rəisi X2 məhkəmədə verdiyi izahatında göstərdi ki, o, xx.xx.2020-ci il tarixdə saat 23:00 radələrində Abşeron rayonu, Novxanı kəndində xidmətdə olan zaman həmin ərazidə atəşfəşanlıq səsi eşidərək o, həmin istiqamətə getmiş, Şəxs məxsus bağ evinin qarşısında müxtəlif markalı çoxlu maşınların dayandığını görmüş, evdə toy məclisinin keçirildiyi müəyyən olunmuş, toy məclisinin keçirildiyi həyətə daxil olmaq istədikdə polis işçilərini həyətə girməyə icazə verilməmişdir. Toy mərasimini həyata keçirən Şəxs barəsində ölkə ərazisində tətbiq edilmiş karantin rejimi qaydalarını pozduğu üçün Şəxs barəsində Azərbaycan Respublikası İXM-nin 211.1-ci maddəsinə əsasən protokol tərtib edilmişdir. İnzibati xəta törətmiş şəxs Şəxs ifadəsində göstərdi ki, o, xx.xx.2020-ci il tarixdə saat 19:00 radələrində ona məxsus Abşeron rayonu, Novxanı kəndində yerləşən bağ evində qızının açıq havada keçirilən nişan mərasimini təşkil etmiş, həmin mərasimdə dörd nəfər ailə üzvüləri, qardaşı və onun ailəsi, qudası Mustafayev Rövşən Saleh oğlu və onun ailə üzvüləri iştirak etmiş, məclis sosial məsafə gözlənilərək hər masanın arxasında altı nəfər şəxs əyləşdirməklə qısa müddətə keçirilmiş və o, ölkə ərazisində tətbiq edilmiş karantin rejimi qaydalarına əməl etməyə çalışmışdır. O, etdiyi hərəkətə görə peşman olduğunu bildirərək yünqül tənbeh edilməsini xahiş etdi. Məhkəmə zamanı müəyyən edildi ki, Şəxs xx.xx.2020-ci il tarixdə saat 23 radələrində Abşeron rayonu, Novxanı qəsəbəsində toy məclisi keçirməklə ölkə ərazisində tətbiq edilmiş karantin rejimlərinin tələblərini pozmuşdur. Şəxs hərəkətində Azərbaycan Respublikasının İXMnin 211.1-ci maddəsinin dispozisiyası ilə nəzərdə tutulmuş tərkib mövcud olmuşdur. Məhkəmə hesab edir ki, törətdiyi inzibati xətaya görə Şəxs barəsində inzibati tənbeh tətbiq edilməlidir. Belə ki, Nazirlər Kabineti yanında Operativ Qərargahın sonuncu qərarına əsasən ASAN Xidmət və "DOST" xidmət mərkəzləri istisna olmaqla, digər dövlət orqanlarında vətəndaşların yerində qrup və fərdi qaydada qəbulunun dayandırılması, tədbirlərin təşkili üzrə xidmətlərin, o cümlədən bu sahədə müştərinin evində və ya digər məkanlarda ad günləri, toy, nişan və bu kimi mərasimlərin təşkilinin qadağası qüvvədə qalır. Bundan başqa, dəfn mərasimləri istisna olmaqla dini ritual xidmətləri, eləcə də mərasim zallarında, çadırlarda və digər qapalı məkanlarda yas mərasimlərinin təşkili və keçirilməsi, toy məclislərinin təşkili, bütün təhsil müəssisələrində tədris və təlim-tərbiyə prosesinin fəaliyyəti (imtahan, müsabiqə, müsahibələr və müxtəlif arayış və sənədlərin verilməsi ilə bağlı vətəndaş müraciətlərinin qəbulu istisna olmaqla) qadağandır. Azərbaycan Respublikasının İXM-nin 12-ci maddəsinə əsasən, bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Beləliklə, məhkəmə iş üzrə toplanmış sübutların və onların məcmusunun tam, hərtərəfli və obyektiv baxılmasına əsaslanmaqla belə nəticəyə gəlir ki, barəsində inzibati xəta haqqında icraat aparılan şəxs Şəxs Azərbaycan Respublikasının İXM-in 211.1-ci maddəsi ilə nəzərdə tutulan inzibati xətanın törədilməsində təqsirliyi protokol tərtib etmiş şəxsin məhkəmədə verdiyi ifadəsi və işin digər materialları, o cümlədən sosial mediada nümayiş etdirilən video çəkilişlər və şəkillər vasitəsi ilə də sübuta yetirilir. Onun törətdiyi inzibati xəta Azərbaycan Respublikasının İnzibati Xətalar Məcəlləsinin 211.1-ci maddəsi ilə düzgün tövsif olunmuşdur. Azərbaycan Respublikasının İXM-nin 22-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 9.1-ci maddəsinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Azərbaycan RespublikasınınİXM-nin 32.2-ci maddəsinə görə isə, fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Şəxs tutduğu əməldən peşman olması onun məsuliyyətini yüngülləşdirən haldır. Məhkəmə Şəxs inzibati xətanı bir qrup şəxs ilə törətməsini məsuliyyətini ağırlaşdıran hal kimi qiymətləndirir. Hesab edirəm ki, Şəxs inzibati həbs növündə inzibati tənbeh tətbiq etməklə, inzibati tənbehin məqsədlərinə nail olmaq olar, bu növ inzibati tənbehin təyin edilməsi qanuni və ədalətli olmaqla yanaşı, həm də inzibati məsuliyyətə cəlbetmənin məqsədlərinə uyğundur. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114-130-cu maddələrini rəhbər tutaraq, QƏRARA ALDİM: Şəxs Azərbaycan Respublikasının İXM-nin 211.1-ci maddəsi ilə nəzərdə tutulan inzibati xətaları törətməkdə təqsirli bilinərək, 15 gün müddətinə inzibati həbs növündə inzibati tənbeh tətbiq edilsin. İnzibati həbsetmənin əvvəli xx xxxxxx 2020-ci il tarixdən, saat 12:00-dan hesablansın. Qərarın icrası Azərbaycan Respublikası DİN-nin inzibati həbs olunanların saxlanma Mərkəzinə həvalə olunsun. Qərarın surəti təqdim edildiyi və ya alındığı vaxtdan 10 (on) gün müddətində Abşeron Rayon Məhkəməsi vasitəsilə Sumqayıt Apellyasiya Məhkəməsinə şikayət verilə bilər. Hakim:Şövkət Nəcəfova