Abşeron Rayon Məhkəməsi Qərardad — İş №3(012)-1390/2025

Azərbaycan Respublikası adından QƏRARDAD Xırdalan şəhəri İş № 3(012)-1390/2025 30.06.2025 ABŞERON RAYON MƏHKƏMƏSİ Mən Abşeron Rayon Məhkəməsinin hakimi Səfiyeva Cəmilə İbrahim qızı, X1 barəsində Azərbaycan Respublikası İnzibati Xətalar Məcəlləsinin 346.4-cü maddəsi ilə tərtib olunmuş qərardan şikayət materialına baxaraq MÜƏYYƏN ETDİM: X2 onun barəsində tərtib olunmuş xx.xx.2025-ci il tarixli qərardan şikayət materialını Abşeron Rayon Məhkəməsinə təqdim etmişdir.. İnzibati xəta haqqında protokola əsasən «TOYOTA COROLLA FİELDER HİBRİD MİNİK» markalı, 77RF995 dövlət qeydiyyat nişanlı avtomobili idarə edən X2 yol hərəkəti qaydaları əleyhinə olan inzibati xətanın törədilməsinə görə inzibati cərimə növündə inzibati tənbeh tətbiq etmə haqqında qərar qəbul edilmişdir. X2 məhkəməyə təqdim etdiyi şikayətdə göstərmişdir ki, onun barəsində tərtib olunan cərimələr əsassız və qanunsuzdur. Bu baxımdan DİN-nin BDYPİ-nin xx.xx.2025-ci il tarixli qərarın ləğv olunmasını məhkəmədə xahiş etmişdir. Məhkəmə inzibati xəta haqqında materialı araşdırıb belə qənaətə gəlir ki, inzibati xəta haqqında material aidiyyəti üzrə düzgün göndərilməmişdir. Belə ki, sözügedən inzibati xəta Nərimanov rayonu, MetroPark ərazisində törədilmişdir.Şikayətverən isə işin qeydiyyatda olub yaşadığı yer üzrə məhkəmədə baxılmasına dair vəsatət verməmişdir. Ona görə də hesab edirəm ki, toplanmış material baxılması üçün aidiyyəti üzrə Bakı Şəhər Nərimanov Rayon Məhkəməsinə göndərilməlidir. Azərbaycan Respublikası İnzibati Xətalar Məcəlləsinin: 110-cu maddəsinə əsasən, inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında iş onun yaşadığı yer üzrə baxıla bilər; 110.3-cü maddəsinə əsasən, nəqliyyat vasitəsini idarə etmək hüququnun məhdudlaşdırılmasına səbəb ola bilən inzibati xətalar haqqında işlərə, müvafiq icra hakimiyyəti orqanının mərkəzi informasiya sisteminin məlumatları nəzərə alınmaqla, bu Məcəllənin 110.1 -ci maddəsində nəzərdə tutulmuş qaydada baxılır; 114.3-cü maddəsinə əsasən işə baxılarkən inzibati xəta haqqında işə baxılma hakimin, səlahiyyətli orqanın (vəzifəli şəxsin) səlahiyyətinə aid olmadıqda, inzibati xəta haqqında işin aidiyyəti üzrə hakimə, səlahiyyətli orqana (vəzifəli şəxsə) göndərilməsi barədə qərardad çıxarılır. Beləliklə, məhkəmə inzibati xəta haqqında işin baxılmağa hazırlanması zamanı həll edilməli məsələni nəzərdən keçirərək belə nəticəyə gəlir ki, X2 barəsində tərtib edilmiş inzibati xəta haqqında protokol üzrə material baxılması üçün aidiyyəti üzrə Bakı Şəhər Nərimanov Rayon Məhkəməsinə göndərilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 109 və 110-cu maddələrini rəhbər tutaraq, QƏRARA ALDİ: X1 məhkəməyə təqdim etdiyi şikayət ona əlavə edilmiş sənədlərlə birlikdə aidiyyəti üzrə baxılması üçün Bakı Şəhər Nərimanov Rayon Məhkəməsinə göndərilsin. Sədrlik edən: Səfiyeva Cəmilə