Abşeron Rayon Məhkəməsi Qərardad — İş №3(012)-1424/2022

Azərbaycan Respublikası adından QƏRARDAD Xırdalan şəhəri İş № 3(012)-1424/2022 06.09.2022 ABŞERON RAYON MƏHKƏMƏSİ Mən Abşeron rayon Məhkəməsinin hakimi Quliyeva Sevinc Məhəmməd qızı, X2 tərəfindən daxil olmuş şikayətin baxılmasına hazırlıq iclasına Abşeron rayonu, Xırdalan şəhərində Abşeron rayon Məhkəməsinin inzibati binasında, açıq məhkəmə iclasında baxaraq, MÜƏYYƏN ETDİM: 06 sentyabr 2022-ci il tarixdə, X2 barəsində tərtib edilmiş protokolla bağlı şikayətə baxılmasını barədə qərar qəbul edilməsini xahiş etmişdir. Şikayət ərizəsini və əlavə edilmiş sənədləri nəzərdən keçirib belə qərara gəlirəm ki, aşağıda göstərilən səbəblərə görə şikayət və sənədlər geri qaytarılmalıdır. Belə ki, iş materialında olan ərizəyə nəzər yetirərkən məlum olur ki, inzibati xəta barədə Azərbaycan Respublikası İXM-nin 339.1-1- ci maddəsinə əsasən xx.xx.2018-ci il tarixdə EQ 410565, xx.xx.2019-cu il tarixdə EQ 566936, xx.xx.2019-cu il tarixdə EQ 682123, xx.xx.2019-cu il tarixdə EQ 840391, xx.xx.2019-cu il tarixdə EQ 971443, xx.xx.2019-cu il tarixdə EQ 1103227, xx.xx.2019-cu il tarixdə EQ ******* və xx.xx.2019-cu il tarixdə EQ ******* inzibati tənbeh vermə haqqında elektron qərarlardan şikayət verilmişdir. İş materiallarından göründüyü kimi, X2 barəsində qəbul edilmiş qərarları nə vaxt aldığına dair sənədi şikayətinə əlavə etməmiş, həm də ərizəsində barəsində şikayət verilən şəxsə aid məlumatları göstərməmiş, şikayət düzgün tərtib olunmamışdır. Həm də məhkəmə qeyd edir ki, hər bir qərar üzrə şikayət ayrıca verilməlidir. Azərbaycan Respublikasının İXM-nin 432.2-ci maddəsinə əsasən bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər Həmin Məcəllənin 130.2-ci maddəsində nəzərdə tutulmuş müddət üzrlü səbəbdən buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. İş materiallarından göründüyü kimi, şikayət düzgün tərtib olunmamış, barəsində şikayət verilən qərarları nə vaxt almasına dair sənəd iş materiallarına əlavə olunmamış, bütün qərarlardan bir şikayət verilmişdir. Azərbaycan Respublikasının İXM-nin 130.1.1-ci maddələrinə əsasən inzibati xəta haqqında iş üzrə qərardan verilən şikayətin və ya protestin baxılmasına hazırlıq zamanı hakim, səlahiyyətli orqan (vəzifəli şəxs) tərəfindən inzibati xəta haqqında iş üzrə icraatı rədd edən halların mövcud olub-olmamasını həll edilir. Buna görə də hesab edirəm ki, inzibati xəta haqqında iş üzrə qərardan şikayət verilmədiyindən, ümumiyyətlə şikayət ərizəsi düzgün tərtib olunmadığı, barəsində şikayət verilən qərarı nə vaxt almasına dair sənəd və ya müddətin bərpa olunmasına dair vəsatət iş materiallarına əlavə olunmadığından X2 tərəfindən verilmiş şikayət geri qaytarılmalıdır. Konstitusiya Məhkəməsinin qeyd edilən qərarına əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı qəbul edilən qərardaddan apellyasiya şikayəti verilə bilməz. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 430-436-cı maddələrini rəhbər tutaraq, QƏRARA ALDİM: X2 tərəfindən Azərbaycan Respublikası İXM-nin 339.1-1- ci maddəsinə əsasən xx.xx.2018-ci il tarixdə EQ 410565, xx.xx.2019-cu il tarixdə EQ 566936, xx.xx.2019-cu il tarixdə EQ 682123, xx.xx.2019-cu il tarixdə EQ 840391, xx.xx.2019-cu il tarixdə EQ 971443, xx.xx.2019-cu il tarixdə EQ 1103227, xx.xx.2019-cu il tarixdə EQ ******* və xx.xx.2019-cu il tarixdə EQ ******* inzibati tənbeh vermə haqqında elektron qərarlardan şikayət geri qaytarılsın. X1 qeyd olunan nöqsanlar aradan qaldırıldıqdan sonra adiyyatı üzrə Abşeron rayon məhkəməsinə müraciət etmə hüququ izah olunsun. Sədrlik edən: Sevinc Quliyeva