Abşeron Rayon Məhkəməsi Qərardad — İş №3(012)-1708/2023

Azərbaycan Respublikası adından QƏRARDAD Xırdalan şəhəri İş № 3(012)-1708/2023 13.10.2023 ABŞERON RAYON MƏHKƏMƏSİ Abşeron Rayon Məhkəməsi Hakim Səfiyeva Cəmilə İbrahim qızının sədrliyi, Nuriyeva Nüşabə Ələddin qızının katibliyi ilə, Abşeron rayon Polis İdarəsi tərəfindən "xxxx" MMC barəsində Azərbaycan Respublikası İXM-nin 347-ci maddəsi ilə daxil olmuş inzibati xəta haqqında materiala baxaraq MÜƏYYƏN ETDİM: Abşeron rayon Polis İdarəsi tərəfindən "xxxx" MMC barəsində Azərbaycan Respublikası İXM-nin 347-ci maddəsi ilə 19 may, 2023-cü il tarixli, AP ******* sayl inzibati xəta haqqında protokol tərtib edilərək baxılması üçün məhkəməyə göndərilmişdir. İşin materiallarını nəzərdən keçirərkən müəyyən edilir ki, inzibati xəta protokolu natamam tərtib olunduğundan geri qaytarılmalıdır. Belə ki,protokolu tərtib edilməsi üçün əsas olan Abşeron rayon Polis İdarəsi tərəfindən "xxxx" MMC ünvanlanan xx.xx.2023-cü il tarixli bildirişdə avtomobilin markası, modeli barədə məlumatlar qeyd edilməmişdir.Odur ki, həmin sorğunun hazırkı işə aid edilməsi mümkün deyildir. İXM-nin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad çıxarır. Məhkəmə hesab edir ki, Abşeron rayon Polis İdarəsi tərəfindən "xxxx" MMC barəsində Azərbaycan Respublikası İXM-nin 347-ci maddəsi ilə 19 may 2023-cü il tarixli, AP0217116 nömrəli inzibati xəta haqqında protokol və ona əlavə olunmuş sənədlər geri qaytarılmalıdır. Şərh olunanlara əsasən və Azərbaycan Respublikası İXM-nin 40, 100, 109, 110 və 114-cü maddələrini rəhbər tutaraq Qərara aldım: Abşeron rayon Polis İdarəsi tərəfindən "xxxx" MMC barəsində Azərbaycan Respublikası İXM-nin 347-ci maddəsi ilə nəzərdə tutulmuş inzibati xəta törətməsinə dair 19 may 2023-cü il tarixli, AP0217116 nömrəli inzibati xəta haqqında protokol və ona əlavə olunmuş sənədlər geri qaytarılsın. Qərardan şikayət verilmir. Məhkəmənin hakimi:Cəmilə Səfiyeva