Abşeron Rayon Məhkəməsi Qərar — İş №3(012)-1729/2021

Azərbaycan Respublikası adından QƏRAR Xırdalan şəhəri İş № 3(012)-1729/2021 24.11.2021 ABŞERON RAYON MƏHKƏMƏSİ hakim Nəcəfova Şövkət Hüseyn qızının sədrliyi, Nurueva Nüşabə Ələddin qızının katibliyi, barəsində inzibati xəta haqqında icraat aparılan hüquqi şəxs "xxxx" Məhdud Məsuliyyətli Cəmiyyətinin etibarnamə üzrə nümayəndəsi X1 iştirakı ilə ilə, Şəxs barəsində Azərbaycan Respublikası İnzibati Xətalar Məcəlləsinin 347-ci maddəsi ilə nəzərdə tutulan inzibati məsuliyətə cəlb edilməsinə dair Abşeron rayon Polis İdarəsindən daxil olmuş inzibati xəta haqqında materiala baxaraq, məhkəmə MÜƏYYƏN ETDİ: İş materiallarından görünür ki, Şəxs onun mülkiyyətində olan “Pegout Expert” markalı, **-AD-*** dövlət qeydiyyat nişanlı nəqliyyat vasitəsi ilə 23 sentyabr 2020-ci il tarixdə saat 06:55-də inzibati xəta törədilən zaman həmin avtomobili idarə etmiş fiziki şəxs haqqında məlumatın tələb edilməsinə dair səlahiyyətli orqanın sorğusu daxil olduğu vaxtdan 5 gün müddətinə cavab verməmişdir. Buna görə də Abşeron rayon Polis İdarəsi tərəfindən Şəxs barəsində İXM-nin 347-ci maddəsi ilə 05 oktyabr 2020-ci il tarixli, AP ******* saylı inzibati xəta haqqında protokol tərtib edilmişdir. Qeyd olunan protokol 05 oktyabr 2020-ci il tarixdə tərtib olunsa da baxılması üçün 04 noyabr 2021-ci il tarixdə Abşeron rayon Məhkəməsinə göndərilmişdir. İnzibati xəta haqqında protokolu tərtib etmiş orqana məhkəmə iclasının vaxtı və yeri barədə məlumat verilməsinə baxmayaraq, məhkəmə iclasına gəlməmiş, nümayəndəsini göndərməmiş və gəlməməsinin üzrlü səbəbləri barədə məhkəməyə heç bir məlumat verməmişdir. Ona görə də məhkəmə İnzibati xəta haqqında protokolu tərtib etmiş orqanın iştirakı olmadan işə baxılmasını mümkün hesab edir. Məhkəmə iclasında barəsində inzibati xəta haqqında icraat aparılan hüquqi şəxs "xxxx" Məhdud Məsuliyyətli Cəmiyyətinin etibarnamə üzrə nümayəndəsi X2 izahatında göstərdi ki, etibarnamə üzrə nümayəndəsi olduğu hüquqi şəxsin Azərbaycan Respublikası İnzibati Xətalar Məcəlləsinin 347-ci maddəsi ilə məsuliyyətə cəlb edilməsi qanunsuz və yolverilməzdir. Belə ki, Abşeron Rayon Polis İdarəsinin DYPŞ-nin onlara ünvanlamış olduğu poçt göndərişi lazımi qaydada onlara çatdırılmamışdır. Bununla yanaşı Şəxs məsuliyyətə cəlb edilməsi üçün qanunda nəzərdə tutulmuş müddət ötmüşdür. Sonda o, qeyd olunanları nəzərə alaraq başlanmış inzibati xəta haqqında iş üzrə icraata xitam verilməsini məhkəmədən xahiş etdi. İş materiallarında olan və məhkəmə iclasında tədqiq edilmiş: Xəbarnamədən görünür ki, Şəxsnə ona məxsus “Pegout Expert” markalı, **-AD-*** dövlət qeydiyyat nişanlı avtomobil ilə 23 sentyabr 2020-ci il tarixdə inzibati xətanı törədən şəxs barəsində 5 gün ərzində şöbəyə məlumatın verilməsi xahiş olunmuş, bununla bağlı göndərilmiş xəbərnamədə 28 sentyabr 2020-ci il tarixdə “Məmmədov” soyadlı şəxsin qəbul etməsi qeyd olunur. Məhkəmə aşağıdakılara əsasən hesab edir ki, inzibati xəta haqqında iş üzrə icraata xitam verilməsi üçün əsaslar vardır. Azərbaycan Respublikası İnzibati Xətalar Məcəlləsinin: 347-ci maddəsi ilə hüquqi şəxsin təqsirli bilinməsinə və barəsində inzibati xəta haqqında protokol tərtib edilməsinə səbəb kimi nəqliyyat vasitəsini idarə etmiş fiziki şəxs haqqında məlumatı səlahiyyətli orqanın bu barədə sorğusunun daxil olduğu vaxtdan 5 gün müddətinə məlumat verməməsi ilə əlaqələndirilmişdir. Azərbaycan Respublikası İnzibati Xətalar Məcəlləsinin 38.1-ci maddəsinə əsasən inzibati tənbeh inzibati xətanın törədildiyi gündən ən geci üç ay keçənədək verilə bilər. Yol hərəkəti qaydaları, yol hərəkəti təhlükəsizliyinin təmin edilməsi və avtomobil yollarından istifadə qaydaları, gömrük qaydaları, ətraf mühitin qorunması qaydaları, xarici dövlətlərin qeyri-hökumət təşkilatlarının filial və ya nümayəndəliklərinin fəaliyyət göstərməsi qaydaları, qrant müqavilələrinin (qərarlarının) qeydə alınması qaydaları, eləcə də maliyyə, vergilərin və rüsumların ödənilməsi qaydaları əleyhinə olan inzibati xətalara görə, habelə qanunsuz sahibkarlıq fəaliyyəti ilə məşğul olmağa, hüquqi şəxslərin dövlət reyestri üçün zəruri məlumatların verilməməsinə, hüquqi şəxslərin dövlət qeydiyyatı zamanı yanlış məlumatların verilməsinə, qeyri-hökumət təşkilatları haqqında və cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında, həmçinin dərman vasitələri haqqında qanunvericiliyin, habelə əcnəbilərin və vətəndaşlığı olmayan şəxslərin Azərbaycan Respublikasında olması və yaşaması qaydalarının, əcnəbilərin və vətəndaşlığı olmayan şəxslərin işə cəlb edilməsi qaydasının pozulmasına, xırda talamaya görə inzibati tənbeh inzibati xətanın törədildiyi gündən ən geci bir il keçənədək verilə bilər. Şəxs törətmiş olduğu inzibati xətanın yol hərəkəti qaydaları əleyhinə olan inzibati xətalara aid olduğuna görə inzibati xətanın törədildiyi gündən ən geci bir il keçənədək verilə bilərdi. Lakin, iş materialarından görünür ki, hüquqi şəxs Şəxs barəsində 05 oktyabr 2020ci il tarixdə inzibati xəta haqqında protokol tərtib olunsa da baxılması üçün 04 noyabr 2021-ci il tarixdə məhkəməyə göndərilmiş və Şəxs inzibati məsuliyyətə cəlb edilməsi üçün qanunla nəzərdə tutulan müddət ötmüşdür. Ona görədə hüquqi şəxs Şəxs müddətin keçməsi ilə bağlı inzibati məsuliyyətdən azad edilməlidir. Azərbaycan Respublikası İnzibati Xətalar Məcəlləsinin: 53.0.1-ci maddəsinə əsasən inzibati xəta hadisəsi olmadıqda, həmçinin İXM-in 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. 114.1.4-cü maddəsinə əsasən inzibati xətalar haqqında işlərə baxılarkən çıxarılan qərarlardan biri də inzibati xəta haqqında iş üzrə icraata xitam verilməsi haqqında qərardır. 114.2.1-ci maddəsinə əsasən həmin Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Beləliklə, məhkəmə, iş üzrə tədqiq edilmiş sübutlara hüquqi qiymət verərək belə nəticəyə gəlir ki, Şəxs MMC barəsində Azərbaycan Respublikasının İnzibati Xətalar Məcəlləsinin 347-ci maddəsi ilə başlanmış inzibati iş üzrə icraata xitam verilməlidir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48-51, 114,128-130-cu maddərini rəhbər tutaraq, QƏRARA ALDİ: Hüquqi şəxs Şəxs MMC barəsində İnzibati Xətalar Məcəlləsinin 347-ci maddəsi ilə başlanmış inzibati xəta haqqında iş üzrə icraata xitam verilsin. Hüquqi şəxs Şəxs müddətin keçməsi ilə bağlı inzibati məsuliyyətdən azad edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Abşeron Rayon Məhkəməsi vasitəsilə və ya birbaşa Sumqayıt Apellyasiya Məhkəməsinə apellyasiya şikayəti və ya protesti verilə bilər. Hakim:Şövkət Nəcəfova