Abşeron Rayon Məhkəməsi Qərar — İş №3(012)-1784/2025

Azərbaycan Respublikası adından QƏRAR Xırdalan şəhəri İş № 3(012)-1784/2025 31.07.2025 ABŞERON RAYON MƏHKƏMƏSİ Abşeron Rayon Məhkəməsinin hakimi Kərimova Firuzə Şahin qızının sədrliyi, Abbasova Fatimə Ramil qızının katibliyi, zərərçəkmiş şəxslər Zərərçəkmiş şəxs və X2, barəsində inzibati xəta haqqında icraat aparılan şəxs Şəxs, onun müdafiəçisi Xırdalan şəhər Vəkil Bürosunun vəkili X3, inzibati xəta barədə protokol tərtib etmiş Abşeron Rayon İcra və probasiya şöbəsinin icra məmuru X9 iştirakı ilə, xx.xx.1975-ci ildə Kəlbəcər rayonu, anadan olmuş, Azərbaycan Respublikasının vətəndaşı, evli, işləməyən, Kəlbəcər rayonunda qeydiyyatda olmaqla Abşeron rayonu, Masazır kəndi, Z.Həsənov küçəsi, fərdi evdə yaşayan Şəxs barəsində Abşeron rayon İcra və Probasiya Şöbəsindən daxil olmuş Azərbaycan Respublikası İnzibati Xətalar Məcəlləsinin 528.1-1-ci maddəsi ilə inzibati xəta haqqında materiala açıq məhkəmə iclasında baxaraq, MÜƏYYƏN ETDİM: Abşeron rayon İcra və Probasiya şöbəsinin icra məmuru X11 tərəfindən Şəxs Azərbaycan Respublikası İnzibati Xətalar Məcəlləsinin 528.1-1-ci maddəsi ilə inzibati xəta törətməsi haqqında tərtib edilmiş MN ******* saylı protokol Abşeron Rayon Məhkəməsinə daxil olmuşdur. Məhkəmə iclasında protokolu müdafiə edən Abşeron rayon İcra və Probasiya şöbəsinin icra məmuru X11 protokolu müdafiə edərək bildirdi ki, Abşeron rayon İcra və Probasiya şöbəsinin icra məmuru Vadim Əliyev protokolu müdafiə edərək bildirmişdir ki, Kəlbəcər Rayon Məhkəməsinin 2(040)-45/2024 nömrəli, xx.xx.2024-cü il tarixli icra sənədinə əsasən cavabdeh Şəxs 4500 manat məbləğində pul alınaraq iddiaçı Zərərçəkmiş şəxs verilməlidir. Cavabdeh Şəxs 65 manat dövlət rüsumunun pul əvəzi alınıb iddiaçıya ödənilməlidir. Kəlbəcər Rayon Məhkəməsinin 2(040)-111/2024 nömrəli, xx.xx.2024-cü icra sənədinə əsasən cavabdeh Şəxs 700 manat məbləğində əsas borc, həmçinin 30 (otuz) manat dövlət rüsumunun pul əvəzi, cəmi 730 manat pul vəsaiti alınaraq iddiaçı X7 verilməlidir. Sumqayıt Kommersiya Məhkəməsinin 2-2(119)-343/2023 nömrəli, xx.xx.2024-cü il tarixli icra sənədinə əsasən cavabdeh Şəxs (VÖEN **********) “Soyuducuların əvəzsiz istifadəyə verilməsi haqqında” 12 mart 2016-ci il tarixli 11238 nömrəli müqaviləyə əsasən 1800 ABŞ dolları məbləğində və 13 mart 2017-ci il tarixli 12736 nömrəli müqaviləyə əsasən 1200 ABŞ dolları məbləğində pul vəsaiti ödəniş günü üçün Azərbaycan Respublikası Mərkəzi Bankının məzənnəsi ilə manatla və mediasiya ilə əlaqədar ödənilmiş 200 manat məbləğində mediasiya xərci iddiaçı "xxxx" MMC-nin xeyrinə tutulmalıdır. Gəncə Kommersiya Məhkəməsinin 2-2(115)-1156/2022 saylı, xx.xx.2022-ci il tarixli icra sənədinə əsasən cavabdeh Şəxs 1458.53 manat məbləğində əsas borc, borcun ödənilməsinin gecikdirilməsinə görə 45 manat məbləğində dəbbə pulu və ilkin mediasiya sessiyasının keçirilməsi üçün ödənilmiş 60 manat məbləğində pul vəsaiti tutularaq “X15 LTD” MMC-nin xeyrinə ödənilməlidir. Kəlbəcər Rayon Məhkəməsinin 2(040)-670/2024 nömrəli, xx.xx.2024-cü icra sənədinə əsasən cavabdeh Şəxs 10200 manat məbləğində pul vəsaiti alınaraq iddiaçı X4 verilməlidir. Sumqayıt Kommersiya Məhkəməsinin 2-2(119)- 343/2023 nömrəli, xx.xx.2024-cü icra sənədinə əsasən iş üzrə keçirilmiş ekspertiza tədqiqatının dəyəri olan 126 manat məbləğində pul vəsaiti cavabdeh Şəxs tutularaq X1 ödənilməlidir. Qeyd edilən icra sənədləri ayrı-ayrı vaxtlarda Abşeron rayon icra və probasiya şöbəsinin icraatına daxil olmuşdur. Borclu şəxs icra sənədləri üzrə tələbi hazırkı günədək tam şəkildə yerinə yetirməmiş, nəticədə ümumilikdə 21504 manat borcu yaranmışdır. Onun barəsində Azərbaycan Repsublikası İnzibatri Xətalar Məcəlləsinin 528.1-ci maddəsində nəzərdə tutulmuş inzibati xətanın törədilməsinə dair barəsində inzibati tənbeh vermə haqqında qərarın qəbul edilməsindən bir il müddətin keçməməsinə baxmayaraq o, icra sənədlərini qərəzli şəkildə icra etmir. Bunları nəzərə alaraq məhkəmədən qanuna müvafiq qərar qəbul edilməsini xahiş etdi. Məhkəmə iclasında barəsində inzibati xəta haqqında icraat aparılan Şəxs bildirdi ki, sonuncu dəfə barəsində inzibati tənbeh tədbiri tətbiq edildiyi vaxtdan indiyədək 980 manat ödəniş etmişdir, hazırda bütöv borclar üzrə ödəniş etmək üçün imkanı yoxdur, iki ildir rayonda olan evini satışa qomuşdur və evi satılan kimi bütün pulu ödəyəcəkdir. Odur ki, məhkəmədən ədalətli qərar qəbul edilməsini xahiş etdi. Məhkəmə iclasında zərərçəkmiş şəxs X6 borclu şəxsin uzun müddətdir ki, heç bir ödəniş etmədiyini bildirərək onun barəsində inzibati tənbeh tədbiri tətbiq edilməsini xahiş etdi. Məhkəmə iclasında Zərərçəkmiş şəxs borclu şəxsin uzun müddətdir ki, heç bir ödəniş etmədiyini bildirərək onun barəsində inzibati tənbeh tədbiri tətbiq edilməsini xahiş etdi. Məhkəmə iclasında barəsində inzibati xəta haqqında icraat aparılan Şəxs vəkili X8 inzibati xəta törədən şəxsin borcu ödəmək üçün imkanının olmadığını, imkanı olacağı təqdirdə qalıq borcu da ödəyəcəyini, həmçinin borcu ödəməkdən qərəzli yayınmadığını bildirərək ona vaxt verilməsini, bu da olmadığı təqdirdə barəsində yüngül cəza verilməsini xahiş etdi. İş materiallarında olan və məhkəmə iclasında tədqiq edilmiş: Kəlbəcər Rayon Məhkəməsinin 2(040)-45/2024 nömrəli, xx.xx.2024-cü il tarixli icra sənədinə əsasən cavabdeh Şəxs 4500 manat məbləğində pul alınaraq iddiaçı Zərərçəkmiş şəxs verilməlidir. Cavabdeh Şəxs 65 manat dövlət rüsumunun pul əvəzi alınıb iddiaçıya ödənilməlidir. Kəlbəcər Rayon Məhkəməsinin 2(040)-111/2024 nömrəli, xx.xx.2024-cü tarixli icra sənədinə əsasən cavabdeh Şəxs 700 manat məbləğində əsas borc, həmçinin 30 (otuz) manat dövlət rüsumunun pul əvəzi, cəmi 730 manat pul vəsaiti alınaraq iddiaçı X7 verilməlidir. Sumqayıt Kommersiya Məhkəməsinin 2-2(119)-343/2023 nömrəli, xx.xx.2024-cü il tarixli icra sənədinə əsasən cavabdeh Şəxs (VÖEN **********) “Soyuducuların əvəzsiz istifadəyə verilməsi haqqında” 12 mart 2016-ci il tarixli 11238 nömrəli müqaviləyə əsasən 1800 ABŞ dolları məbləğində və 13 mart 2017-ci il tarixli 12736 nömrəli müqaviləyə əsasən 1200 ABŞ dolları məbləğində pul vəsaiti ödəniş günü üçün Azərbaycan Respublikası Mərkəzi Bankının məzənnəsi ilə manatla və mediasiya ilə əlaqədar ödənilmiş 200 manat məbləğində mediasiya xərci iddiaçı "xxxx" MMC-nin xeyrinə tutulmalıdır. Gəncə Kommersiya Məhkəməsinin 2-2(115)-1156/2022 saylı, xx.xx.2022-ci il tarixli icra sənədinə əsasən cavabdeh Şəxs 1458.53 manat məbləğində əsas borc, borcun ödənilməsinin gecikdirilməsinə görə 45 manat məbləğində dəbbə pulu və ilkin mediasiya sessiyasının keçirilməsi üçün ödənilmiş 60 manat məbləğində pul vəsaiti tutularaq “X15 LTD” MMC-nin xeyrinə ödənilməlidir. Kəlbəcər Rayon Məhkəməsinin 2(040)-670/2024 nömrəli, xx.xx.2024-cü il tarixli icra sənədinə əsasən cavabdeh Şəxs 10200 manat məbləğində pul vəsaiti alınaraq iddiaçı X4 verilməlidir. Sumqayıt Kommersiya Məhkəməsinin 2-2(119)-343/2023 nömrəli, xx.xx.2024-cü icra sənədinə əsasən iş üzrə keçirilmiş ekspertiza tədqiqatının dəyəri olan 126 manat məbləğində pul vəsaiti cavabdeh Şəxs tutularaq X1 ödənilməlidir. “Bir neçə icra sənədinin ümumi icraatda birləşdirilməsi barədə” 22 iyun 2024-cü il tarixli qərardan görünür ki, Kəlbəcər Rayon Məhkəməsinin 2(040)-45/2024 nömrəli, xx.xx.2024-cü il tarixli, Kəlbəcər Rayon Məhkəməsinin 2(040)-111/2024 nömrəli, xx.xx.2024-cü tarixli, Sumqayıt Kommersiya Məhkəməsinin e-2-2(119)-343/2023 nömrəli, xx.xx.2024-cü il tarixli, Gəncə Kommersiya Məhkəməsinin e-2-2(115)-1156/2022 saylı, xx.xx.2022-ci il tarixli, Kəlbəcər Rayon Məhkəməsinin 2(040)-670/2024 nömrəli, xx.xx.2024-cü il tarixli və Kəlbəcər Rayon Məhkəməsinin 2(040)-670/2024 nömrəli, xx.xx.2024-cü il tarixli icra sənədləri ümumi icraatda birləşdirilmişdir. Abşeron Rayon Məhkəməsinin xx.xx.2024-cü il tarixli, 3(012)-2221/2024 saylı qərarına əsasən Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinərək barəsində 500 (beş) yüz manat məbləğində cərimə növündə inzibati tənbeh tədbiri tətbiq edilmişdir. İnzibati xəta haqqında iş materiallarını tədqiq edərək, toplanmış sübutlara qiymət verərək, barəsində inzibati xəta haqqında icraat aparılan şəxsi və protokol tərtib etmiş şəxsi dinləyərək, məhkəmə hesab edir ki, Şəxs inzibati xətanı törətməsində təqsiri tam sübuta yetir və onun törətdiyi inzibati hərəkət Azərbaycan Respublikası İnzibati Xətalar Məcəlləsinin 528.1-1-ci maddəsi ilə düzgün tövsif olunmuşdur. Belə ki, Azərbaycan Respublikası İXM-nin 528.1-1-ci maddəsinin tələbinə görə məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunun müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsi məsuliyyət yaradır və fiziki şəxslər beş yüz manatdan min manatadək miqdarda cərimə edilir və ya işin hallarına görə pozuntunu törədənin şəxsiyyəti nəzərə alınaraq bir ayadək inzibati həbs tətbiq olunur. Azərbaycan Respublikası İXM-nin 528.1-1-ci maddəsinə əsasən bu Məcəllənin 528.1-1-ci maddəsində nəzərdə tutulmuş xətanın inzibati tənbeh almış şəxs tərəfindən inzibati tənbeh vermə haqqında qərarın qanuni qüvvəyə mindiyi gündən bir il ərzində eyni icra sənədinə münasibətdə təkrar törədilməsinə görə fiziki şəxslər min manatdan min beş yüz manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla iki ayadək müddətə inzibati həbs tətbiq olunur, vəzifəli şəxslər iki min beş yüz manatdan dörd min manatadək məbləğdə, hüquqi şəxslər beş min manatdan yeddi min manatadək məbləğdə cərimə edilir. Azərbaycan Respublikası Mülki Prosessual Məcəlləsinin 15.2-ci maddəsinin tələblərinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları və onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. Həmin Məcəllənin 15.3-cü maddəsinə əsasən, məhkəmə aktının icra olunmaması və məhkəməyə digər hörmətsizlik halları qanunda nəzərdə tutulmuş məsuliyyətlə nəticələnir. Məhkəmə qətnaməsinin, qərarının və qərardadının vaxtında icra olunmaması ədalətli məhkəmə baxışına olan hüququn pozulması hesab edilir. Qərarın icrasının zəruriliyi Azərbaycan Respublikası Konstitusiyasında, mülkiprosessual, cinayət və inzibati qanunvericilikdə və bir sıra beynəlxalq normativ aktlarda öz izahatıni tapmışdır. Azərbaycan Respublikasının Ali Məhkəməsi Plenumunun 30 mart 2006-cı il tarixli qərarında qanuni qüvvəyə minmiş qətnamələrinin icrası xüsusilə vurğulanmışdır. Həmin qərarda qeyd olunur ki, «məhkəmə qətnaməsinin icrası müddəti məhkəmə baxışının tərkib hissəsi kimi qiymətləndirilir. Məhkəmələr məhkəmə aktlarının icrasına möhlət verilməsi, icranın dayandırılması, icra üsulunun dəyişdirilməsi və məhkəmə icraçılarının hərəkətlərindən verilən şikayətlərlə bağlı məsələlərə baxarkən Avropa Konvensiyanın məhkəmə qətnamələrinin ağlabatan müddətdə icra olunması tələbini nəzərə almalıdırlar». Avropa Konvensiyasının 6-cı maddəsində izahını tapan «ədalətli məhkəmə baxışına olan hüquq» qanuni qüvvəyə minmiş məhkəmə qətnaməsinin dövlət tərəfindən icra etmə vəzifəsini özündə ehtiva edir. Həmin hüququn pozulması icranın tam yerinə yetirilməməsində və qanuni qüvvəyə minmiş məhkəmə qərarının icrasının gecikdirilməsində də təzahür edə bilər. Məhkəmə hesab edir ki, qüvvəyə minmiş məhkəmə qərarın icraya yönəldiyi vaxtdan bu günə kimi hərəkətsiz qalması, tələbkarın dövlət tərəfındən təminat verilən “ədalətli məhkəmə baxışına olan hüququ”nun pozulmasına gətirib çıxara bilər. Belə olan halda, inzibati xətanı törətmiş şəxsin təqsirindən məhkəmənin qərarı əsasında icra sənədi qanunla müəyyən edilmiş müddətdə icra olunmamış və icra edilməməsi üçün üzürlü səbəb olmamışdır. İXM-in 2-ci maddəsinə əsasən Azərbaycan Respublikasının inzibati xətalar qanunvericiliyin vəzifələri insan və vətəndaş hüquqlarını və azadlıqlarını, onun sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. İXM-in 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan (hərəkət və hərəkətsizlik) törətmiş şəxs inzibati məsuliyyətə cəlb olunur və tənbeh edilir. İXM-in 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. İXM-nin 11.1-ci maddəsinə əsasən Azərbaycan Respublikasında inzibati xətalar haqqında işlər üzrə icraatın aparılması, inzibati xətalar haqqında işlər üzrə qərarların qəbul və icra edilməsi həmin vaxtda qüvvədə olan Azərbaycan Respublikasının inzibati xətalar qanunvericiliyinə uyğun olaraq həyata keçirilir. İXM-in 12.1-ci maddəsinə əsasən həmin Məcəllə ilə qorunun ictimai münsaibətlərə qəsd edən, hüquqa zidd olan, təqsirli sayılan (qəsdən və ya ehtiyasızlıqdan törədilən) inzibati məsuliyyətə səbəb olan əməl (hərəkət və hərəkətsizlik) inzibati xəta hesab olunur. İXM-in 21-ci maddəsidə təsbit edilmişdir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Bundan başqa, İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Məhkəmədə borclu Şəxs cəzasını yüngülləşdirən və ağırlaşdıran hallar müəyyən edilmədi. Məhkəmə hesab edir ki, qüvvəyə minmiş məhkəmə qərarının icraya yönəldiyi vaxtdan bugünədək tam icra edilməməsi, tələbkarın dövlət tərəfindən təminat verilən ədalətli məhkəmə baxışına olan hüququnun pozulmasına gətirib çıxara bilər. Məhkəmə inzibati xətanın xarakterini, məhkəmə qərarının icra olunmamasındakı müddəti, inzibati xətanın aliment borcu ilə əlaqədar olduğunu, pul məbləği ilə bağlı icra sənədlərini icra etməyən şəxsin cərimə edilməsinin lüzumsuz olduğunu nəzərə alaraq, hesab edir ki, şəxsin törətdiyi inzibati tənbehin məqsədinə nail oluna bilməz. Məhkəmə qeyd edilənlərdən bu nəticəyə gəlmişdir ki, inzibati məsuliyyətə cəlb edildikdən sonra da borclarını ödəməyə təşəbbüs göstərməməsi icra sənədlərinin ödənilməsindən qərəzli olaraq yayınmasına dəlalət edir. Buna görə də, məhkəmə barəsində inzibati xəta haqqında iş üzrə icraat aparılan şəxsin (borclu) şəxsiyyətini, məhkəmə qərarının uzun müddət qərəzli olaraq icra olunmadığını və nəticədə bunun tələbkarların çoxsaylı əsaslı şikayətlərinə səbəb olduğunu, onun məsuliyyətini yüngülləşdirən halların olmaması nəzərə alaraq məhkəmə hesab edir ki, yuxarıda qeyd olunanlara əsasən borclu şəxs inzibati qaydada həbs edilməlidir. İnzibati xəta törədən şəxs Şəxs məhkəmə iclasında 3 saat olmaqla, cəmi 33 manat məbləğində pul dövlət hesabına hüquqi yardım göstərmiş Xırdalan şəhər Vəkil Bürosunun vəkili X5 Azərbaycan Respublikasının Dövlət Büdcəsinin vəsaiti hesabına ödənilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115, 128-130-cu maddələrini rəhbər tutaraq, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-1-ci maddəsi ilə nəzərdə tutulmuş inzibati xətanın törədilməsində təqsirli bilinsin və ona, 15 (on beş) gün müddətinə həbs növündə inzibati tənbeh tətbiq edilsin. İnzibati həbs etmənin əvvəli 31 iyul 2025-ci il saat 16:00-dan hesablansın. Qərarın icrası Abşeron rayon Polis İdarəsinin Müvəqqəti Saxlama Yerinə həvalə edilsin. İnzibati xəta törədən şəxs Şəxs məhkəmə iclasında 3 saat olmaqla, cəmi 33 manat məbləğində pul dövlət hesabına hüquqi yardım göstərmiş Xırdalan şəhər Vəkil Bürosunun vəkili X5 Azərbaycan Respublikasının Dövlət Büdcəsinin vəsaiti hesabına ödənilsin. Qərardan rəsmi qaydada verildiyi gündən 10 (on) gün müddətində Abşeron Rayon Məhkəməsi vasitəsilə Sumqayıt Apellyasiya Məhkəməsinə şikayət verilə bilər. Sədrlik edən: Firuzə Kərimova