Abşeron Rayon Məhkəməsi Qərar — İş №3(012)-1803/2022

Azərbaycan Respublikası adından QƏRAR Xırdalan şəhəri İş № 3(012)-1803/2022 18.11.2022 ABŞERON RAYON MƏHKƏMƏSİ hakim Quliyeva Sevinc Məhəmməd qızının sədrliyi, Əhmədov Şəhriyar Eldar oğlunun katibliyi, barəsində inzibati xəta haqqında icraat aparılan şəxs Şəxs, onun müdafiəçisi Xırdalan şəhər Vəkil Bürosunun vəkili Vəkil, inzibati tənbeh vermə barədə protokol vermiş Abşeron RPİ-nin Qobu polis bölməsinin sahə rəisi, polis kapitanı X2 iştirakları ilə, xx.xx.1991-ci il tarixdə Abşeron rayonu, Qobu qəsəbəsində anadan olmuş, Azərbaycan Respublikasının vətəndaşı, evli, ali təhsilli, işsiz, ünvan 1 ünvanında qeydiyyatda olan və yaşayan Şəxs barəsində Abşeron Rayon Polis İdarəsi Qobu Polis bölməsindən daxil olmuş Azərbaycan Respublikası İnzibati Xətalar Məcəlləsinin 535.1-ci maddələri ilə inzibati xəta haqqında materiala açıq məhkəmə iclasında baxaraq MÜƏYYƏN ETDİ: Şəxs barəsində Abşeron Rayon Polis İdarəsi Qobu Polis bölməsindən daxil olmuş protokoldan görünür ki, Şəxs polis əməkdaşlarının qanuni tələbinə tabe olmamışdır. Buna görə Şəxs Azərbaycan Respublikası İXM-nin 535.1-ci maddələri ilə məhkəməyə verilmişdir. Məhkəməyə daxil olmuş MN ******* nömrəli inzibati xəta haqqında protokollardan görünür ki, Şəxs xx.xx.2022-ci il tarixdə saat 22:30 radələrində Abşeron rayonu, Qobu qəsəbəsində polisin qanuni tələblərinə tabe olmamışdır. Nəticədə Şəxs tərəfindən Azərbaycan Respublikası İXM-nin 535.1-ci maddəsində nəzərdə tutulmuş inzibati xəta törədilmişdir. İnzibati xəta haqqında protokolu tərtib etmiş şəxs Abşeron rayon polis idarəsinin sahə rəisi, polis kapitanı X5 məhkəmədə verdiyi izahatında göstərdi ki, xx.xx.2022-ci il tarixdə Abşeron rayonu, Qobu qəsəbəsində olarkən polis əməkdaşlarının ünvanına nalayiq ifadələr işlətməsini aşkar etmişlər. Bununla əlaqədar həmin şəxs polis idarəsinə dəvət edilmiş, lakin Şəxs polis idarəsinə getməkdən imtina etmişdir. Ona hüquqları ətraflı izah olunsa da, polis əməkdaşlarının qanuni tələblərinə tabe olmaqdan imtina etmiş, nəticədə Şəxs məcburi şəkildə Abşeron Rayon Polis İdarəsinə gətirilmiş, polis əməkdaşlarının qanuni tələbinə tabe olmadığına görə barəsində Azərbaycan Respublikasının İXM-nin 535.1-ci maddələri ilə protokol tərtib olunmuşdur. Məhkəmə iclasında Şəxs törətdiyi inzibati xətanı etiraf edərək məhkəmədə verdiyi izahatında göstərdi ki, xx.xx.2022-ci il tarixdə axşam saatlarında Abşeron rayonu, Qobu kəndində kafedə içdikdən sora polis əməkdaşlarının ünvanına nalayiq ifadələr işlətmişdir. İçkili olduğu üçün hadisəni tam olaraq xatırlamır. Hazırda etdiyi hərəkətə görə əməlindən peşmandır, ona yüngül cəza təyin edilməsini xahiş etdi. Məhkəmə iclasında çıxış etmiş müdafiəçi Vəkil Şəxs əməlindən səmimi peşman olmasını və inzibati xəta törətməsini nəzərə alaraq məhkəmədən ona yüngül cəza təyin etməsini xahiş etdi. Məhkəmədə Şəxs inzibati xətanı törətməsində təqsirli olması özünün izahatı və işdə olan digər sübutlarla da təsdiq olunmuşdur. Məhkəmədə şahid qismində dindirilmiş şahid Qobu polis bölməsinin əməliyyat müvəkkili, polis kapitanı X3 bildirdi ki, xx.xx.2022-ci il tarixdə saat təxminən 22:30 radələrində Abşeron rayonu Qobu qəsəbəsi inzibati ərazisində bölmənin baş əməliyyat müvəkkili Cavid Dünyamalıyev, əməliyyat müvəkkili, polis baş leytenantı Xətai Şirinov ilə birgə xidmət apararkən, Abşeron-Qobu-Lökbatan yolunda yerləşən Daşlı Yamac adlı kafenin qarşısında bir nəfər şəxsin ucadan nalayiq söyüşlər söydüyünü görüb, ona yaxınlaşaraq özünü təqdim edib onu nizam intizama dəvət etsə də həmin şəxs polisini qanunu tələblərinə qəsdən tabe olmayaraq, səs küy salaraq polisin də ünvanına ucadan nalayiq ifadələr işlətmişdir. Həmin vaxt ərazidə olan və xidmət aparan ƏÇPA-nın polis əməkdaşları ilə əlaqə saxlayaraq sözü gedən əraziyə dəvət etdikdə həmin şəxsi patrul avtomaşınına yerləşdirərək Qobu polis bölməsinə gətirərkən, həmin şəxs avtopatrulda da polisin ünvanına nalayiq ifadələr işlətməyə və söyüş söyməyə davam etmişdir. Məhkəmədə şahid qismində dindirilmiş şahid Qobu polis bölməsinin əməliyyat müvəkkili, polis baş leytenantı X1 digər şahid X3 ilə eyni məzmunlu ifadə verdi Məhkəmə hesab edir ki, törətdiyi inzibati xətaya görə Şəxs barəsində inzibati tənbeh tətbiq edilməlidir. Şəxs Azərbaycan Respublikası İXM-nin 535.1-ci maddələrində nəzərdə tutulmuş inzibati xətanı törətmişdir. İXM-in 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikasının İXM-nin 31.2-ci maddəsinə görə fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Şəxs səmimi peşmançılığını Azərbaycan Respublikasının İXM-nin 32.1.1ci maddəsinə əsasən iş üzrə məsuliyyətini yüngülləşdirən hal hesab edir. İş materiallarında olan tutma protokolundan görünür ki Şəxs xx.xx.2022-ci il tarixdə saat 23:50 radələrində inzibati qaydada tutulmuşdur. İşdə olan xx.xx.2022-ci il tarixli 2/29070 nömrəli sərxoşluq hallarının bütün növlərinin təyini məqsədi ilə aparılan tibbi müayinə protokolundan görünür ki, Şəxs orta dərəcəli alkoqol sərxoşluğu olmuşdır. Məhkəmə hesab edir ki, Şəxs şəxsiyyətini xarakterizə edən hal kimi, sərxoş halda olmasını isə ağırlaşdırıcı hal qismində nəzərə almaqla ona hıəbs növündə inzibati tənbeh tətbiq etməklə, inzibati tənbehin məqsədlərinə nail olmaq olar, bu növ inzibati tənbehin təyin edilməsi qanuni və ədalətli olmaqla yanaşı, həm də inzibati məsuliyyətə cəlbetmənin məqsədlərinə uyğundur. İnzibati xəta törədən şəxs Şəxs məhkəmə iclasında 4 saat olmaqla, cəmi 24 manat məbləğində pul dövlət hesabına hüquqi yardım göstərmiş Xırdalan şəhər Vəkil Bürosunun vəkili Vəkil Azərbaycan Respublikasının Dövlət Büdcəsinin vəsaiti hesabına ödənilməlidir. Şərh olunanlara əsasən və Azərbaycan Respublikasının İXM-nin 40, 43, 48-51, 114, 128-ci maddələrinin rəhbər tutaraq, QƏRARA ALDİM: Şəxs Azərbaycan Respublikasının İXM-nin 535.1-ci maddəsində ilə nəzərdə tutulan inzibati xətaları törətməkdə təqsirli bilinsin və 08 gün müddətinə həbs növündə inzibati tənbeh tədbiri tətbiq edilsin. Həbsetmənin əvvəli xx.xx.2022-ci il tarix saat 23:50-dən hesablansın. İnzibati xəta törədən şəxs Şəxs məhkəmə iclasında 4 saat olmaqla, cəmi 24 manat məbləğində pul dövlət hesabına hüquqi yardım göstərmiş Xırdalan şəhər Vəkil Bürosunun vəkili Vəkil Azərbaycan Respublikasının Dövlət Büdcəsinin vəsaiti hesabına ödənilsin. Qərarın surəti təqdim edildiyi və ya alındığı vaxtdan 10 (on) gün müddətində Abşeron Rayon Məhkəməsi vasitəsilə Sumqayıt Apelyasiya Məhkəməsinə şikayət verilə bilər. Hakim: Sevinc Quliyeva