Abşeron Rayon Məhkəməsi Qərar — İş №3(012)-2040/2021

Azərbaycan Respublikası adından QƏRAR Xırdalan şəhəri İş № 3(012)-2040/2021 28.12.2021 ABŞERON RAYON MƏHKƏMƏSİ Hakim Quliyeva Sevinc Məhəmməd qızının sədrliyi, Vəliyeva Nərmin Elçin qızının katibliyi ilə, Şəxs barəsində Azərbaycan Respublikası İnzibati Xətalar Məcəlləsinin 327.8-ci maddələri ilə nəzərdə tutulan inzibati məsuliyətə cəlb edilməsinə dair Abşeron rayon Polis İdarəsinin DYP-dən daxil olmuş inzibati xəta haqqında materiala baxaraq MÜƏYYƏN ETDİ: Şəxs barəsində Azərbaycan Respublikasının İnzibati Xətalar Məcəlləsinin 327.8-ci maddəsi (bundan sonra İXM) ilə nəzərdə tutulan inzibati xəta törətməsi haqqında Abşeron DYP-nin polis leytenantı X5 tərəfindən tərtib edilmiş 07.12.2021-ci il tarixli İXP ******* saylı protokol Abşeron Rayon Məhkəməsinə daxil olmuşdur. İş üzrə məhkəmə iclası 28 dekabr 2021-ci il tarixə, saat 16:50-ə təyin edilmiş, tərəflər məhkəmə iclasına dəvət edilmişdir. Lakin, məhkəmə iclasının vaxtı və yeri haqqında lazımı qaydada xəbərdar edilməsinə baxmayaraq, barəsində inzibati xəta haqqında icraat aparılan şəxs Şəxs və zərərçəkən şəxs məhkəməyə gəlməməyin səbəbini və ya mümkünsüzlüyünü bildirmədən və bu səbəblərin üzürlü olması barədə sübutlar təqdim etmədən məhkəmə iclasına gəlməmişlər. Azərbaycan Respublikasının İXM-nin 61.3-cü maddəsinə əsasən inzibati xətalar haqqında işlərə barəsində inzibati xəta haqqında icraat aparılan şəxsin iştirakı ilə baxılır. Həmin işlərə şəxsin iştirakı olmadan yalnız o hallarda baxıla bilər ki, işə baxılmasının yeri və müddətinin ona vaxtında bildirilməsi barədə məlumat olsun və ya işə baxılmasını təxirə salmaq haqqında ondan vəsatət daxil olmasın, yaxud belə vəsatət rədd edilmiş olsun. Qeyd olunanlara əsasən məhkəmə inzibati xəta törədilməsi haqqında işə tərəflərin iştirakı olmadan baxılmasını mümkün hesab etmişdir. Abşeron rayonu, Xırdalan şəhəri, Quşçuluq yaşayış massivi, K.Hüseynov küçəsində yaşayan Şəxs, 02.10.2021 -ci il tarixdə saat 18:15 radələrində özünə məxsus “Toyota Rav- 4" markalı. **-VT-*** dövlət qeydiyyat nişanlı avtomobili ilə “Vaz dairəsi" adlanan yerdən üzü Xırdalan şəhəri istiqamətinə hərəkətdə olan zaman manevr etmə qaydaların pozmaqla avtomobilinin sağ yan güzgüsü ilə həmin avtomobil yolunda əks istiqamətə piyada hərəkətdə olan, Abşeron rayonu. Xırdalan şəhəri, “VAZ" dairəsinin yaxınlığında yaşayan X1 qolunu vuraraq ona sağ bazu oynağı nahiyəsinin və bazunun həmin oynaqda hərəkət məhdudluğu ilə müşayiət olunan iri ölçülü qançır-şişkinlik halında əziyi ilə nəticələnən sağlamlığa Yüngül zərərvurmaya aid xəsarətlər yetirmişdir. Təhqiqat zamanı X2 xəsarətlərinin olub- olmamasını müəyyən etmək məqsədilə Azərbaycan Respublikası Səhiyyə Nazirliyi Məhkəmə-Tibbi Ekspertiza və Patoloji Anatomiya ETT Birliyinin Abşeron rayon şöbəsinə təqdim edilmişdir. Abşeron rayonu, Xırdalan şəhəri, “VAZ” dairəsinin yaxınlığında yaşayan X3 02.10.2021-ci il tarixdə Azərbaycan Respublikası DİN-nin “102" xidmətinə zəng vuraraq və Abşeron RPİ-nə ərizə ilə müraciət edərək, həmin tarixdə Abşeron rayonu, Xırdalan şəhəri. “VAZ" dairəsinin yaxınlığında “Lukoil” YDM-nin qarşısında yolu keçdiyi zaman dövlət qeydiyyat nişanını bilmədiyi “Hyundai" markalı avtomobilin onu vuraraq xəsarət yetirdiyini bildirmişdir. Məhkəmə Tibbi Ekspertizasının 15.10.2021-ci il tarixdə verilmiş 2401 nömrəli rəyindən görünür ki, 1974-cü il təvəllüdlü X2 məhkəmə- tibbi müayinəsi zamanı bədəni üzərində aşkar edilmiş xəsarətlər-sağ bazu oynağı nahiyəsinin və bazunun həmin oynaqda hərəkət məhdudluğu ilə müşayiət olunan iri ölçülü qançır-şişkinlik halında əziyi bərk küt əşyanın təsirindən müayinədən 2-3 gün əvvələ gəlmişdir, qərarın təsviri hissəsində göstərilən 02.10.2021-ci il tarixdə əmələ gələ bilərdi və sağlamlığı qısa müddətdə pozan sağlamlığa Yüngül zərərvurmaya aiddir. İşə əlavə edilmiş, 16.10.2021-ci il taixli “Cinayət işinin başlanmasının rədd edilməsi haqqında” qərardan görünür ki, X4 törətdiyi əməl inzibati xəta kimi tövsif edilmişdir. Məhkəmədə Şəxs Azərbaycan Respublikası İXM-nin 327.8-ci maddələrində nəzərdə tutulmuş inzibati xətanı törətməkdə təqsirli olması öz izahatı, cinayət işinin başlanmasının rədd olunması haqqında qərarı, canlı şəxsin məhkəmə-tibbi ekspertizasının rəyi və işdə olan digər sübutlarla təsdiq olunmuşdur. Məhkəmə hesab edir ki, törətdiyi xətaya görə Şəxs oğluna həmin maddənin sanksiyasında nəzərdə tutulan həddə inzibati tənbeh tətbiq edilməlidir. Azərbaycan Respublikasının İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikasının İXM-nin 12-ci maddəsinə əsasən, bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikasının İXM-nin 9.1-ci maddəsinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikasının İXM-nin 84-cü maddəsinə görə inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Şəxs barəsində inzibati tənbeh tətbiq edərkən onun məsuliyyəti yüngülləşdirən və ağırlaşdıran hal müəyyən edilməmişdir. Məhkəmə Azərbaycan Respublikası İXM-nin 31-ci maddəsinə əsasən Şəxs törətdiyi inzibati xətanın xarakterini, şəxsiyyətini, onun məsuliyyətini yüngülləşdirən halı nəzərə alaraq hesab edir ki, onun inzibati cərimə edilməsi inzibati tənbehin məqsədlərini təmin edə bilər. Şərh olunanlara əsasən və Azərbaycan Respublikasının İXM-nin 40, 43, 48-51, 114, 128-ci maddələrinin rəhbər tutaraq QƏRARA ALDİ: xx.xx.1971-ci il tarixdə Gədəbəy rayonu, Göyəlli kəndində anadan olmuş, Azərbaycan Respublikasının vətəndaşı, evli, Gədəbəy rayonu, Göyəlli kəndində qeydiyyatda olan və yaşayan Şəxs Azərbaycan Respublikasının İXM-nin 327.8-ci maddəsi ilə nəzərdə tutulan inzibati xətanı törətməkdə təqsirli bilinərək, 200 (iki yüz) manat inzibati cərimə edilsin. Qərarın icrası Gədəbəy rayon İcra və Probasiya Şöbəsinə tapşırılsın. Qərarın surəti təqdim edildiyi vaxtdan 10 (on) gün müddətində Abşeron Rayon Məhkəməsi vasitəsilə Sumqayıt Apelyasiya Məhkəməsinə şikayət verilə bilər. Məhkəmənin hakimi: Sevinc Quliyeva