Abşeron Rayon Məhkəməsi Qərardad — İş №3(012)-2052/2023

Azərbaycan Respublikası adından QƏRARDAD Xırdalan şəhəri İş № 3(012)-2052/2023 23.11.2023 ABŞERON RAYON MƏHKƏMƏSİ Hakim Qasımov Abusət Sahib oğlunun sədrliyi, Vəliyeva Nərmin Elçin qızının katibliyi, qərardan şikayət vermiş X1 iştirakı ilə, X4 və X5 tərəfindən Azərbaycan Respublikası Daxili İşlər Nazirliyi BDYPİ tərəfindən tərtib edilmiş xx.xx.2023-cü il tarixli, EQ 16213616 saylı inzibati tənbeh vermə haqqında elektron qərardan verilmiş şikayətə Abşeron Rayon Məhkəməsinin inzibati binasında açıq məhkəmə iclasında baxaraq, məhkəmə M Ü Ə Y Y Ə N E T D İ: X4 və X5 Azərbaycan Respublikası Daxili İşlər Nazirliyi BDYPİ tərəfindən tərtib edilmiş xx.xx.2023-cü il tarixli, EQ 16213616 saylı inzibati tənbeh vermə haqqında elektron qərarın ləğv edilməsi və iş üzrə icraata xitam verilməsi barədə qərar qəbul edilməsini xahiş etmişdir. Məhkəmə iclasında X4 məhkəməyə ərizə təqdim edərək, Azərbaycan Respublikası Daxili İşlər Nazirliyi BDYPİ tərəfindən tərtib edilmiş xx.xx.2023-cü il tarixli, EQ 16213616 saylı inzibati tənbeh vermə haqqında elektron qərarından vermiş olduğu şikayətin baxılmadan geri qaytarılmasını xahiş etmişdir. Qərardan şikayət vermiş digər şəxs X3 və protokol tərtib etmiş orqana məhkəmə iclasının vaxtı və yeri barədə qanunla nəzərdə tutulmuş qaydada poçt vasitəsi ilə bildirişlər göndərilmiş, lakin, barəsində inzibati xəta haqqında iş üzrə icraat aparılan hüquqi şəxs və protokol tərtib etmiş qurumun nümayəndəsi məhkəmə iclasına gəlməmiş və tərəflərindən işə baxılmasının təxirə salınması barədə vəsatət daxil olmamışdır. Məhkəmə inzibati xəta haqqında materiala qərardan şikayət vermiş digər şəxs X2 və protokol tərtib etmiş orqanın nümayəndəsinin iştirakları olmadan baxılmasını mümkün hesab etmişdir. Məhkəmə iş materiallarını nəzərdən keçirərək hesab edir ki, X1 təqdim etdiyi ərizə baxılmadan geri qaytarılmalıdır. Azərbaycan Respublikası İXM-nin 100.2-ci maddəsinə əsasən protokol tərtib edilərkən, barəsində inzibati xəta haqqında iş üzrə icraat aparılan fiziki şəxsə və ya hüquqi şəxsin nümayəndəsinə, habelə inzibati xəta haqqında iş üzrə icraatın digər iştirakçılarına bu Məcəllədə nəzərdə tutulmuş hüquqları və vəzifələri izah edilir və bu barədə protokolda müvafiq qeyd aparılır. Azərbaycan Respublikası İXM-nin 106.0.7-ci maddəsinə əsasən hakim, səlahiyyətli orqan (vəzifəli şəxs) inzibati xətalar haqqında işlərə baxarkən iş üzrə vəsatətlər və etiraz etmə olub-olmaması məsələləri həll edir. Azərbaycan Respublikasının İXM-nin 130.1.1-ci maddələrinə əsasən inzibati xəta haqqında iş üzrə qərardan verilən şikayətin və ya protestin baxılmasına hazırlıq zamanı hakim, səlahiyyətli orqan (vəzifəli şəxs) tərəfindən inzibati xəta haqqında iş üzrə icraatı rədd edən halların mövcud olub-olmamasını həll edilir. Belə olan halda məhkəmə hesab edir ki, X4 Azərbaycan Respublikası Daxili İşlər Nazirliyi BDYPİ tərəfindən tərtib edilmiş xx.xx.2023-cü il tarixli, EQ 16213616 saylı inzibati tənbeh vermə haqqında elektron qərarın ləğv edilməsinə dair şikayət onun müraciət ərizəsinə əsasən geri qaytarılmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 106 və 130-cu maddəsini rəhbər tutaraq, məhkəmə QƏRARA ALDİ: X4 tərəfindən Azərbaycan Respublikası Daxili İşlər Nazirliyi BDYPİ tərəfindən tərtib edilmiş xx.xx.2023-cü il tarixli, EQ 16213616 saylı inzibati tənbeh vermə haqqında elektron qərarın ləğv edilməsinə dair şikayət onun müraciət ərizəsinə əsasən geri qaytarılsın. Qərardaddan apellyasiya şikayəti verilə bilməz. Sədrlik edən: Abusət Qasımov