Abşeron Rayon Məhkəməsi Qərar — İş №3(012)-2121/2023

Azərbaycan Respublikası adından QƏRAR Xırdalan şəhəri İş № 3(012)-2121/2023 04.12.2023 ABŞERON RAYON MƏHKƏMƏSİ Abşeron Rayon Məhkəməsinin hakimi Məmmədov Elman Tofiq oğlunun sədrliyi, Məmmədov Mirabbas Seyidxan oğlunun katibliyi, Abşeron Rayon İcra və Probasiya Şöbəsinin icra məmuru X2, barəsində inzibati xəta haqqında iş üzrə icraat aparılan şəxs Şəxs və tələbkar Zərərçəkmiş şəxs iştirakı ilə, xx.xx.1990-cı il tarixdə Abşeron rayonu, Xırdalan şəhərində anadan olmuş, evli, orta təhsilli, Abşeron rayonu, Masazır kəndində qeydiyyatda olmaqla həmin ünvanda yaşayan Şəxs barəsində Abşeron Rayon İcra və Probasiya Şöbəsi tərəfindən Azərbaycan Respublikasının İnzibati Xətalar Məcəlləsinin (bundan sonra mətndə İXM-nin) 528.1-ci maddəsi ilə tərtib edilmiş inzibati xəta haqqında protokola Abşeron Rayon Məhkəməsinin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Məhkəməyə daxil olmuş inzibati xəta haqqında 21 noyabr 2023-cü il tarixli, MN ******* saylı protokolda göstərilmişdir ki, Abşeron rayon Məhkəməsi tərəfindən verilmiş 03 aprel 2023-cü il tarixli, 2(012)-485/2023 saylı icra sənədinə əsasən cavabdeh Şəxs xx.xx.2018-ci il təvəllüdlü X1 yetkinlik yaşına çatanadək saxlanılması üçün xx.xx.2022-ci il tarixdən başlayaraq, hər ay bir uşaq üçün 193 manat sabit pul məbləğində aliment iddiaçı Zərərçəkmiş şəxs xeyrinə ödənilməlidir. Lakin borclu Şəxs aliment borcunu ödəmədiyindən 1300 manat məbləğində borcu yaranmışdır və nəticədə Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta törətmişdir. Məhkəmə iclasında Abşeron Rayon İcra və Probasiya Şöbəsinin icra məmuru X5 izahatında bildirmişdir ki, borclu Şəxs il ərzində may-noyabr aylarında hər ay 200 manat məbləğində aliment ödənişi həyata keçirmiş, bununla bağlı tələbkar Zərərçəkmiş şəxs Abşeron Rayon İcra və Probasiya Şöbəsinə müvafiq çıxarış və qəbz təqdim etmişdir. Tələbkar Zərərçəkmiş şəxs məhkəmə iclasında izahat verərək barəsində inzibati xəta haqqında iş üzrə icraat aparılan şəxs Şəxs uşağın saxlanması üçün təyin olunmuş aliment məbləğindən başqa ödəniş etmədiyini, Abşeron rayon Məhkəməsi tərəfindən verilmiş 03 aprel 2023-cü il tarixli, 2(012)-485/2023 saylı icra sənədi üzrə yaranmış aliment borcuna görə yalnız bir dəfə ödəniş etdiyini, uşağın saxlanması üçün alimentin zamanında ödənilməli olduğunu bildirdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək göstərmişdir ki, Abşeron rayon Məhkəməsi tərəfindən verilmiş 03 aprel 2023-cü il tarixli, 2(012)-485/2023 saylı icra sənədini imkanı çatdığı qədər icra etmişdir. Alimenti ödəməkdən yayınmayıb və yayınmayacaqdır. Yaxın gələcəkdə yenə də aliment ödənişləri edəcəkdir. Onun barəsində olan inzibati xətalara dair işə qanuni əsaslarla baxılıb qərar qəbul olunmasını məhkəmədən xahiş etdi. İş materiallarına əlavə olunmuş Abşeron rayon Məhkəməsi tərəfindən verilmiş 03 aprel 2023-cü il tarixli, 2(012)-485/2023 saylı icra sənədindən görünür ki, cavabdeh Şəxs xx.xx.2018-ci il təvəllüdlü X1 yetkinlik yaşına çatanadək saxlanılması üçün xx.xx.2022-ci il tarixdən başlayaraq, hər ay bir uşaq üçün 193 manat sabit pul məbləğində aliment iddiaçı Zərərçəkmiş şəxs xeyrinə ödənilməlidir. Tələbkar Zərərçəkmiş şəxs Abşeron Rayon İcra və Probasiya Şöbəsinə çıxarış və alimentin alınması barədə qəbzdən görünür ki, borclu Şəxs il ərzində may-noyabr aylarında hər ay 200 manat məbləğində aliment ödənişi həyata keçirmişdir. Məhkəmə işdə iştirak edən şəxsləri dinləyib, inzibati xəta haqqında protokolu və ona əlavə olunmuş sənədləri araşdıraraq hesab edir ki, Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə aparılan inzibati xəta haqqında iş üzrə icraata xitam verilməlidir. Belə ki, məhkəmə araşdırmasının nəticəsi olaraq müəyyən edilmişdir ki, Abşeron rayon Məhkəməsi tərəfindən verilmiş 03 aprel 2023-cü il tarixli, 2(012)-485/2023 saylı icra sənədindən görünür ki, cavabdeh Şəxs xx.xx.2018-ci il təvəllüdlü X1 yetkinlik yaşına çatanadək saxlanılması üçün xx.xx.2022-ci il tarixdən başlayaraq, hər ay bir uşaq üçün 193 manat sabit pul məbləğində aliment iddiaçı Zərərçəkmiş şəxs xeyrinə ödənilməlidir. Hazırda borclu Şəxs tərəfindən icra sənədinə uyğun olaraq aliment borcu qismən ödənilmişdir. Məhkəmə iclasında borclu Şəxs tərəfindən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsi sübutlarla təsdiqini tapmamışdır. Belə ki, Azərbaycan Respublikasının İnzibati Xətalar Məcəlləsinin 528.1-ci maddəsinin dispozisiyasına görə “icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsi” – bu maddədə nəzərdə tutulmuş inzibati xətanın tərkibini yaradır. Göründüyü kimi, Azərbaycan Respublikasının İnzibati Xətalar Məcəlləsinin 528.1-ci maddəsinin tərkibinin yaranması üçün onun dispozisiyasında nəzərdə tutulan - icra məmurunun qanuni tələblərinin yerinə yetirilməməsi və ya icra sənədindəki tələbin məhz üzrsüz səbəbdən icra edilməməsi kimi əlamətlərin mövcud olması zəruridir. Məhkəməyə təqdim olunmuş inzibati xəta haqqında materiallardan isə barəsində inzibati xəta haqqında iş üzrə icraat aparılan şəxsin əməlində belə bir əlamətlərin mövcud olması təsdiqini tapmamışdır. İcra sənədinin üzrsüz səbəbdən icra edilməməsi dedikdə borclunun icra sənədini qanunvericiliklə qadağan olunmayan vasitələrlə icra edə bilməsi imkanına malik olması, lakin onun icra sənədini qəsdən icra etməməsi və ya ümumiyyətlə buna cəhd göstərməməsi başa düşülür. Hazırki halda isə işin faktiki hallarından da görünür ki, borclu Səlimov X4 rayon Məhkəməsi tərəfindən verilmiş 03 aprel 2023-cü il tarixli, 2(012)-485/2023 saylı icra sənədini qismən icra etmişdir. Qeyd olunan icra sənədi üzrə il ərzində may-noyabr aylarında hər ay 200 manat məbləğində aliment ödənişi həyata keçirmişdir. Belə olan halda isə Azərbaycan Respublikasının İnzibati Xətalar Məcəlləsinin 528.1-ci maddəsinin dispozisiyasında qeyd olunan inzibati xəta tərkibi yaratmır. Borclu Şəxs icra vərəqəsini qismən də olsa icra etmiş və Abşeron rayon Məhkəməsi tərəfindən verilmiş 03 aprel 2023-cü il tarixli, 2(012)- 485/2023 saylı icra sənədinin icrasından yayınmadığı halda, onun barəsində inzibati protokol tərtib edilmişdir. Azərbaycan Respublikası İnzibati Xətalar Məcəlləsinin 528.1-ci maddəsinin həmin Məcəllənin 9.2 və 35-ci maddələri baxımından şərh edilməsinə dair Azərbaycan Respublikası Konstitusiya Məhkəməsi Plenumunun 04 sentyabr 2018-ci il tarixli Qərarında qeyd olunmuşdur ki, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsi mütləq inzibati həbslə nəticələnməməli, icra məmurları müxtəlif qanuni vasitələrlə məhkəmə aktlarının icrasının təmin edilməsi üçün şərait yaratmalı və yalnız bütün imkanlar tükəndikdən sonra sərt inzibati və cinayət təsiri tədbirlərindən istifadə etməlidirlər. Azərbaycan Respublikasının İnzibati Xətalar Məcəlləsinin 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikasının İnzibati Xətalar Məcəlləsinin 8.1, 8.2 və 8.3-cü maddələrinə görə barəsində inzibati xəta haqqında iş üzrə icraat aparılan şəxsin təqsiri bu Məcəllə ilə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsiri olmayan hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində olan şübhələr onun xeyrinə həll olunur. Həmin normaların tələbləri baxımdan məhkəmə hesab edir ki, hazırki inzibati xəta haqqında protokolda göstərilən hal üzrə inzibati xəta hadisəsi mövcud deyildir. Azərbaycan Respublikasının İnzibati Xətalar Məcəlləsinin 53.1.1 və 53.1.2-ci maddələrinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanılmış icraata isə xitam verilir. Həmin Məcəllənin 105-ci maddəsinə görə bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Qeyd olunanları nəzərə alaraq və qanunvericiliyin göstərilən müddəalarını rəhbər tutaraq məhkəmə belə nəticəyə gəlir ki, hazırki inzibati xəta haqqında protokolun tərtib edildiyi hal üzrə inzibati xəta hadisəsi mövcud olmadığından Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə aparılan inzibati xəta haqqında iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 53, 105, 114, 115 və 128-130-cu maddələrini rəhbər tutaraq, məhkəmə QƏRARAALDİ: Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə aparılan inzibati xəta haqqında iş üzrə icraata xitam verilsin. Qərardan onun təqdim edildiyi və ya alındığı gündən 10 (on) gün müddətində Abşeron Rayon Məhkəməsi vasitəsi ilə Sumqayıt Apellyasiya Məhkəməsinə şikayət verilə bilər. Sədrlik edən: Elman Məmmədov