Abşeron Rayon Məhkəməsi Qərardad — İş №3(012)-2537/2024

Azərbaycan Respublikası adından QƏRARDAD Xırdalan şəhəri İş № 3(012)-2537/2024 12.12.2024 ABŞERON RAYON MƏHKƏMƏSİ Mən, Abşeron Rayon Məhkəməsinin hakimi Səfiyeva Cəmilə İbrahim qızı, Şəxs Açıq Səhmdar Cəmiyyətinin Azərbaycan Respublikasının İnzibati Xətalar Məcəlləsinin 381.11-cü maddəsi ilə inzibati xəta törətməsinə dair Azərbaycan Respublikası Audiovizual Şurasından daxil olmuş inzibati xəta haqqında materiala baxaraq MÜƏYYƏNETDİM: Azərbaycan Respublikası Audiovizual Şurası tərəfindən Azərbaycan Respublikası İnzibati Xətalar Məcəlləsinin 381.11-cü maddəsində nəzərdə tutulmuş inzibati xətanın törədilməsi barədə tərtib edilmiş MN ******* saylı, 06 dekabr 2024-cü il tarixli protokola əsasən material daxil olmuşdur. Aşağıda göstərilənlərə əsasən məhkəmə hesab edir ki, Şəxs Açıq Səhmdar Cəmiyyəti barəsində inzibati xəta haqqında protokol natamam olub, protokol düzgün tərtib olunmadığından material geri qaytarılmalıdır. Belə ki, tərtib olunan protokol Azərbaycan Respublikasının İnzibati Xətalar Məcəlləsinin aşağıda qeyd edilən maddələrinin tələblərinə uyğun tərtib olunmamış,barəsində inzibati xəta protokolu tərtib olunan tərəfin protokolun tərtibində iştirakı təmin edilməmiş,bu barədə tərəfə 06 dekabr 2024-cü il tarixdə bildiriş göndərilmiş və həmin tarixdə də barəsində inzibati xəta protokolu tərtib olunmuş, nümayəndəsinin izahatı alınmamış, bununla da protokol natamam tərtib olunmuşdur. Halbu ki, Azərbaycan Respublikasının İnzibati Xətalar Məcəlləsinin 100.1-ci maddəsinə əsasən bu Məcəllənin 54-cü maddəsində nəzərdə tutulmuş hallar istisna olmaqla, inzibati xətanın törədilməsi haqqında protokol tərtib edilir. İnzibati xəta haqqında protokolda aşağıdakılar göstərilir: 100.1.1. protokolun tərtib edildiyi tarix və yer; 100.1.2. protokolu tərtib etmiş şəxsin vəzifəsi, soyadı, adı, atasının adı; 100.1.3. barəsində inzibati xəta haqqında iş üzrə icraat aparılan şəxs haqqında məlumat, o cümlədən vətəndaşın fərdi identifikasiya nömrəsi; 100.1.4. inzibati xətanın törədildiyi yer, vaxt və bu xətanın mahiyyəti; 100.1.5. inzibati xətaya görə məsuliyyət nəzərdə tutan bu Məcəllənin müvafiq maddəsi; 100.1.6. olduğu halda, şahidlərin və zərər çəkmiş şəxslərin adı, atasının adı, soyadı və onların yaşadığı yerin ünvanı; 100.1.7. barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatları; 100.1.9. inzibati xətanın törədilməsi nəticəsində şəxsin sağlamlığına yüngül zərər vurulmuşdursa və ya maddi zərər yetirilmişdirsə, bu hallar barədə qeydlər; 100.1.10. inzibati xəta haqqında iş üzrə icraat üçün zəruri olan digər məlumatlar. Həmin Məcəllənin 106-cı maddəsinə əsasən hakim, səlahiyyətli orqan (vəzifəli şəxs) inzibati xətalar haqqında işlərə baxarkən həmin maddədə imperativ formada sadalanmış digər məsələlərlə yanaşı həmçinin, işin baxılmasının onun səlahiyyətinə aid olub-olmadığını, eləcə də işin digər materiallarının bu Məcəllənin tələblərinə müvafiq tərtib edilib-edilmədiyini həll etməlidir. Həmin Məcəllənin 109.1.6-cı maddəsinə görə protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə qaytarılmalıdır. Şərh olunanlara əsasən və Azərbaycan Respublikası İXM-nin 106, 109-cu maddələrini rəhbər tutaraq Qəraraaldım: Şəxs Açıq Səhmdar Cəmiyyətinin Azərbaycan Respublikasının İnzibati Xətalar Məcəlləsinin 381.11-cü maddəsi ilə inzibati məsuliyyətə cəlb olunması məqsədi ilə toplanmış material natamam olduğundan Azərbaycan Respublikasının Audiovizual Şurasına geri qaytarılsın. Qərardaddan apellyasiya şikayəti verilə bilməz. Hakim: Cəmilə Səfiyeva