Abşeron Rayon Məhkəməsi Qərardad — İş №3(012)-440/2022

Azərbaycan Respublikası adından QƏRARDAD Xırdalan şəhəri İş № 3(012)-440/2022 14.03.2022 ABŞERON RAYON MƏHKƏMƏSİ hakim Həsənov Vaqif İskəndər oğlunun sədrliyi, Behbudova Aytac Aşura qızının katibliyi ilə, Azərbaycan Respublikası İnzibati Xətalar Məcəlləsinin 327.1-ci maddəsi ilə inzibati cərimə olunması barədə 13.01.2022-ci il tarixli, TP ******* saylı qərardan verilmiş X1 şikayətinə açıq məhkəmə iclasında baxaraq Müəyyən etdi: 13.01.2022-ci il tarixli, TP ******* saylı qərar ilə X2 Azərbaycan Respublikası İXM-in 327.1-ci maddəsi inzibati məsuliyyətə cəlb olunaraq, 40 manat məbləğində inzibati cərimə edilmişdir. X2 həmin qərardan şikayət vermiş, şikayət 28.02.2022-ci il tarixdə məhkəməyə daxil olmuşdur. Aşağıda göstərilənlərə əsasən məhkəmə hesab edir ki, şikayət qaytarılmalıdır. Belə ki, Azərbaycan Respublikası İXM-nin 130.1-ci maddəsinə əsasən qərarın surəti rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər. Azərbaycan Respublikası İXM-nin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərərçəkmiş şəxs, habelə müdafiəçi və nümayəndə tərəfindən inzibati xətalar haqqında işlər üzrə qərarlardan şikayət, prokuror isə protest verə bilər. X2 13.01.2022-ci il tarixli, TP ******* saylı inzibati xəta haqqında qərardan qanunla müəyyən edilmiş müddətdə şikayət etməmişdir. Beləliklə məhkəmə, iş üzrə tədqiq edilmiş sübutlara hüquqi qiymət verərək belə nəticəyə gəlir ki, 13.01.2022-ci il tarixli, TP ******* saylı qərardan şikayət müddət ötürüldükdən sonra verildiyinə görə geri qaytarılmalıdır. Şərh olunanlara əsasən və Azərbaycan Respublikası İXM-nin 106, 109-cu maddəsini rəhbər tutaraq Qərara aldı : X1 13.01.2022-ci il tarixli, TP ******* saylı qərardan şikayəti müddət ötürüldükdən sonra verildiyinə görə geri qaytarılsın. Sədrlik edən: Vaqif Həsənov