Azərbaycan Respublikası adından QƏRAR Xırdalan şəhəri İş № 3(012)-471/2025 14.02.2025 ABŞERON RAYON MƏHKƏMƏSİ Hakim: Qasımov Abusət Sahib oğlunun sədrliyi Məhkəmə iclasının katibi: İbrahimov Bəhram İqrar oğlunun katibliyi Prortokol tərtib etmiş: Abşeron rayon İcra və Probasiya Şöbəsinin icra məmuru X3 Tələbkar: Zərərçəkmiş şəxs Barəsində inzibati xəta Şəxs iştirakları haqqında icraat aparılan şəxs: ilə 17 avqust 1986-cı il tarixdə Bakı şəhərində anadan olmuş, Azərbaycan Respublikasının vətəndaşı, orta təhsilli, evli, işləməyən, ünvan 1 ünvanında qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməsinə dair materiala icra işi birlikdə Abşeron Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməsinə dair Abşeron rayon İcra və Probasiya şöbəsinin icra məmuru X6 tərəfindən tərtib edilmiş 14 fevral 2025-ci il tarixli, MN seriyalı ******* saylı inzibati xəta haqqında protokol baxılaraq, hüquqi qiymət verilməsi üçün Abşeron Rayon Məhkəməsinə təqdim olunmuşdur. Məhkəmə iclasında iştirak edən inzibati xəta haqqında protokolu tərtib etmiş Abşeron rayon İcra və Probasiya şöbəsinin icra məmuru Qorxmaz Əsgərov protokolu müdafiə edərək bildirmişdir ki, Bakı şəhəri Binəqədi rayon Məhkəməsinin 28 iyul 2022-ci il tarixli, 2(001)-4024/2022 nömrəli icra vərəqəsinə əsasən 31 may 2022-ci il tarixdən başlayaraq yetkinlik yaşına çatanadək 04 mart 2011-ci il təvəllüdlü X1 üçün Şəxs Zərərçəkmiş şəxs xeyrinə hər ay 193 manat aliment tutulması, 31 may 2022-ci il tarixdən başlayaraq iş üzrə qətnamə çıxarılanadək 01 dekabr 2013-cü il təvəllüdlü X2 üçün Şəxs Zərərçəkmiş şəxs xeyrinə hər ay 193 manat aliment tutulması qət edilmişdir. Abşeron rayon İcra və Probasiya Şöbəsinə daxil olmuş müvafiq icra vərəqəsi ilə bağlı 01 avqust 2022-ci il tarixdə icraata başlama haqqında qərar qəbul edilərək, tərəflərə bildiriş göndərilməklə, rəsmi qaydada xəbərdarlıq edilmişdir. Daha sonra həmin müvəqqəti təminat tədbiri üzrə Bakı şəhəri Binəqədi rayon Məhkəməsi tərəfindən qəbul edilmiş 31 oktyabr 2022-ci il tarixli icra vərəqəsinə əsasən iddia ərizəsi təmin edilmiş, Zərərçəkmiş şəxs ilə Şəxs arasında 01 iyun 2020-ci il tarixdə Bakı şəhəri Binəqədi Rayon qeydiyyat şöbəsində bağlanmış 656 saylı nikah qeydi ləğv edilməsi, nikah pozulduqdan sonra tərəflərin birgə nikahlarından olan 04 mart 2011-ci təvəllüdlü X8 və 01 dekabr 2013-cü il təvəllüdlü X5 anaları Zərərçəkmiş şəxs yanında saxlanılması, 31 oktyabr 2022-ci il tarixdən başlayaraq yetkinlik yaşına çatanadək 04 mart 2011-ci il təvəllüdlü X1 üçün Şəxs Zərərçəkmiş şəxs xeyrinə hər ay 193 manat aliment tutulması, 31 oktyabr 2022-ci il tarixdən başlayaraq yetkinlik yaşma çatanadək 01 dekabr 2013-cü il təvəllüdlü X2 üçün Şəxs Zərərçəkmiş şəxs xeyrinə hər ay 193 manat aliment tutulması və Şəxs dövlət rüsumuna görə 50 manat Zərərçəkmiş şəxs xeyrinə tutulması qət edilmişdir. Abşeron rayon İcra və Probasiya Şöbəsinə daxil olmuş müvafiq icra vərəqəsi ilə bağlı 03 noyabr 2022-ci il tarixdə icraata başlama haqqında qərar qəbul edilərək, tərəflərə bildiriş göndərilməklə, rəsmi qaydada xəbərdarlıq edilmişdir. İcra sənədi üzrə X7 müxtəlif tarixlərdə şöbəyə dəvət olunaraq, izahatı alınmışdır. Bir neçə icra sənədinin ümumi icraatda birləşdirilməsi barədə 14 fevral 2025-ci il tarixli qərara əsasən Abşeron rayonu məhkəməsinin xx.xx.2022-ci il tarixli 2(001)-4024/2022-012 saylı və Abşeron rayon məhkəməsinin 2(001)-4024/2022-008 saylı xx.xx.2022-ci il tarixli icra sənədləri üzrə ümumi icraatda birləşdirilmişdir. Tələbkar icra şöbəsinə müraciət edərək, borcludan pulun ödənilməsini tələb etmişdir. Borclu icra şöbəsinə dəvət olunaraq, izahatı alınmış və ona verilən 14 gün müddətində borcundan 400 manat məbləğində ödəniş etmişdir. Onun hazırda ödənilməmiş 10600 manat aliment borcu vardır. Bu səbəbdən borclu barəsində protokol tərtib edilərək, məhkəməyə təqdim olunmuşdur. Bunları nəzərə alaraq məhkəmədən qanuna müvafiq qərar qəbul edilməsini xahiş etdi. Məhkəmə iclasında barəsində inzibati xəta haqqında icraat aparılan Şəxs özünü təqsirli bilərək izahatında bildirdi ki, son dövrlərə qədər övladları onun himayəsində olduğundan o, icra vərəqəsi ilə üzərinə qoyulmuş aliment öhdəliyini icra etməmişdir. Lakin bir müddətdir ki, övladlarını tələbkarın himayəsinə vermişdir. O, icra sənədi üzrə aliment borcunu ödəməyə dair icra məmuru tərəfindən xəbərdarlıq edildikdən sonra borcundan müəyyən miqdarda ödənişlər etmişdir. Hazırda aliment borcunu birdəfəyə ödəməyə imkanı olmasa da vaxt verilərsə qalan borcu aylıq aliment borcu ilə birlikdə hissə-hissə ödəyə bilər. Barəsində ədalətli qərar qəbul edilməsini məhkəmədən xahiş etdi. Tələbkar Zərərçəkmiş şəxs məhkəmə iclasında izahat verərək bildirdi ki, uşaqlar bir müddət atasının himayəsində olduğundan aliment borcunu tələb etməmişdir. Lakin hazlrda uşaqlar onun himayəsində olduğundan və onların baxımı tək ona məxsus olduğundan yaranmış aliment borcunun tam şəkildə ödənilməsini tələb edir. İş materiallarında olan və icra işinin tədqiq edilmiş sənədləri ilə müəyyən edildi:
1. Bakı şəhəri Binəqədi rayon Məhkəməsinin 28 iyul 2022-ci il tarixli, 2(001)- 4024/2022 nömrəli icra vərəqəsinə əsasən 31 may 2022-ci il tarixdən başlayaraq yetkinlik yaşına çatanadək 04 mart 2011-ci il təvəllüdlü X1 üçün Şəxs Zərərçəkmiş şəxs xeyrinə hər ay 193 manat aliment tutulması, 31 may 2022-ci il tarixdən başlayaraq iş üzrə qətnamə çıxarılanadək 01 dekabr 2013-cü il təvəllüdlü X2 üçün Şəxs Zərərçəkmiş şəxs xeyrinə hər ay 193 manat aliment tutulması qət edilmişdir.
2. Bakı şəhəri Binəqədi rayon Məhkəməsinin 28 iyul 2022-ci il tarixli, 2(001)- 4024/2022 nömrəli icra vərəqəsi ilə bağlı 01 avqust 2022-ci il tarixdə Abşeron rayon İcra və Probasiya Şöbəsi tərəfindən icraata başlama haqqında qərar qəbul edilərək, tərəflərə bildiriş göndərilməklə, rəsmi qaydada xəbərdarlıq edilmişdir;
3. Bakı şəhəri Binəqədi rayon Məhkəməsi tərəfindən qəbul edilmiş 31 oktyabr 2022ci il tarixli, 2(001)-4024/2022 nömrəli icra vərəqəsinə əsasən iddia ərizəsi təmin edilmiş, Zərərçəkmiş şəxs ilə Şəxs arasında 01 iyun 2020-ci il tarixdə Bakı şəhəri Binəqədi Rayon qeydiyyat şöbəsində bağlanmış 656 saylı nikah qeydi ləğv edilməsi, nikah pozulduqdan sonra tərəflərin birgə nikahlarından olan 04 mart 2011-ci təvəllüdlü X8 və 01 dekabr 2013-cü il təvəllüdlü X5 anaları Zərərçəkmiş şəxs yanında saxlanılması, 31 oktyabr 2022-ci il tarixdən başlayaraq yetkinlik yaşına çatanadək 04 mart 2011-ci il təvəllüdlü X1 üçün Şəxs Zərərçəkmiş şəxs xeyrinə hər ay 193 manat aliment tutulması, 31 oktyabr 2022-ci il tarixdən başlayaraq yetkinlik yaşma çatanadək 01 dekabr 2013-cü il təvəllüdlü X2 üçün Şəxs Zərərçəkmiş şəxs xeyrinə hər ay 193 manat aliment tutulması və Şəxs dövlət rüsumuna görə 50 manat Zərərçəkmiş şəxs xeyrinə tutulması qət edilmişdir.
4. Bakı şəhəri Binəqədi rayon Məhkəməsi tərəfindən qəbul edilmiş 31 oktyabr 2022ci il tarixli, 2(001)-4024/2022 nömrəli icra vərəqəsi 03 noyabr 2022-ci il tarixdə Abşeron rayon İcra və Probasiya Şöbəsi tərəfindən icraata başlama haqqında qərar qəbul edilərək, tərəflərə bildiriş göndərilməklə, rəsmi qaydada xəbərdarlıq edilmişdir;
5. “Bir neçə icra sənədinin ümumi icraatda birləşdirilməsi” barədə 14 fevral 2025-ci il tarixli qərara əsasən Abşeron rayonu məhkəməsinin xx.xx.2022-ci il tarixli 2(001)- 4024/2022-012 saylı və Abşeron rayon məhkəməsinin 2(001)-4024/2022-008 saylı xx.xx.2022-ci il tarixli icra sənədləri üzrə ümumi icraatda birləşdirilmişdir. Beləliklə, məhkəmə proses iştirakçılarının izahatlarını dinləyib, habelə iş materiallarını, icra işindəki sənədlərlə birlikdə tədqiq edərək hesab edir ki, borclunun hərəkətlərində icra məmurunun qanuni tələblərinin yerinə yetirilməməsi və ya icra sənədinin üzrsüz səbəbdən icra edilməməsi kimi halların mövcud olması öz təsdiqini tapmır. Belə ki, “İcra haqqında” Azərbaycan Respublikası Qanununun: 3-cü maddəsinə əsasən məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar; 8.2-ci maddəsinə əsasən icra məmuru icra sənədini aldığı vaxtdan üç gün müddətində icraata başlamaq haqqında qərar qəbul edir. Həmin qərarda icra məmuru icra sənədində göstərilmiş tələblərin borclu tərəfindən könüllü icrası üçün məhkəmənin qərarında digər icra müddəti müəyyən edilməyibsə, həmçinin bu maddənin üçüncü bəndində müəyyən edilmiş icra müddəti istisna olmaqla, icraata başlanıldığı vaxtdan ən çoxu on gün müddət təyin edir və bu barədə borcluya bildiriş verir. Bildirişdə həmin müddət başa çatdıqdan sonra göstərilən tələblərin məcburi qaydada icra ediləcəyi və bu Qanunla nəzərdə tutulmuş icra ödənişinin və icra hərəkətlərinin həyata keçirilməsi ilə bağlı xərclərin ondan tutulacağı göstərilir; 28.2 və 29.2-ci maddələrinə müvafiq olaraq icraatda tərəflər tələbkar və borcludur. İcra hərəkətlərinin həyata keçirilməsi zamanı tərəflər icra haqqında Azərbaycan Respublikası qanunvericiliyinin tələblərini yerinə yetirməyə borcludurlar; 84.1-ci maddəsinə əsasən icra məmurunun qanuni tələblərinin yerinə yetirilməməsinə görə, icra sənədinin itirilməsinə və ya onun vaxtında göndərilməməsinə görə, habelə borclunun iş yeri və ya yaşayış yeri, onun gəlirləri və əmlak vəziyyəti haqqında dəqiq olmayan məlumat təqdim edilməsinə görə icra məmuru təqsirkar şəxslərin inzibati məsuliyyətə cəlb olunması üçün qanunvericiliyə uyğun olaraq inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir (vergilər, faizlər və maliyyə sanksiyaları üzrə borcların alınması (vergilərin ödənilməməsi) ilə əlaqədar qanuni qüvvəyə minmiş məhkəmə qərarlarının icrasına maneçilik törətmə halları istisna olmaqla). Azərbaycan Respublikası İnzibati Xətalar Məcəlləsinın 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və yahərəkətsizliyi) törətmiş şəxs inzibati məsuliyyətə cəlb olunur. 12.1-ci maddəsinə əsasən İXM-lə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur 13-cü maddəsinə əsasən inzibati xəta törətmiş şəxs öz əməlinin (hərəkətinin və ya hərəkətsizliyinin) hüquqazidd xarakterini dərk etmiş, onun zərərli nəticələrini qabaqcadan görmüş və bunları arzu etmişdirsə, yaxud belə nəticələrin baş verməsinə şüurlu surətdə yol vermişdirsə, bu xəta qəsdən törədilmiş xəta hesab olunur. 14-cü maddəsinə əsasən inzibati xəta törətmiş şəxs öz əməlinin (hərəkətinin və ya hərəkətsizliyinin) zərərli nəticələr verə biləcəyi imkanını qabaqcadan görmüş, lakin kifayət qədər əsas olmadan onların qarşısını alacağını güman etmişdirsə, yaxud bu nəticələrin baş verəcəyini lazımi diqqət və ehtiyatlılıq göstərərək qabaqcadan görməli olduğu və görə biləcəyi halda, onları görməmişdirsə, bu xəta ehtiyatsızlıqdan törədilmiş xəta hesab olunur. 53.1.2-ci maddəsinə əsasən inzibati xəta tərkibi olmadıqda inzibati xəta haqqında işin icraatına xitam verilməlidir. 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. 114.1-ci və 114.1.4-cü maddələrinə görə inzibati xətalar haqqında işlərə baxılarkən inzibati xəta haqqında iş üzrə icraata xitam verilməsi haqqında qərar çıxarılır. 114.2-ci və 114.2.1-ci maddələrində müəyyən edilmişdir ki, bu Məcəllənin 53-cü maddəsində nəzərdə tutulan hallardan biri mövcud olduqda, inzibati xəta haqqında iş üzrə icraata xitam verilməsi haqqında qərar çıxarılır. 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə- fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Yuxarıda qeyd olunan qanunun tələbləri və işin həqiqi halları baxımından məhkəmə hesab edir ki, borclu Şəxs əməlində icra məmurunun qanuni tələblərini yerinə yetirməyərək, alimentin ödənilməsindən qərəzli olaraq yayınma və qətnamənin icrasını qəsdən təmin etməmə hərəkətlərinin olması sübuta yetirilməmişdir. Belə ki, iş materiallarına əlavə edilmiş sənədlərdən və icra işinin materiallarından görünür ki, borclu bu günə qədər aliment tələbinə dair icra sənədi barədə xəbərdar edilməmişdir. İnzibati məsuliyyətə müəyyən edən maddənin dispozisiyası təqsirin formasına görə yalnız qəsdən törədilə bilən inzibati xətadır. “Azərbaycan Respublikası İnzibati Xətalar Məcəlləsinin 528.1-ci maddəsinin həmin Məcəllənin 9.2 və 35-ci maddələri baxımından şərh edilməsinə dair” Azərbaycan Respublikası Konstitusiya Məhkəməsi Plenumunun 4 sentyabr 2018-ci il tarixli qərarında məhkəmələrə tövsiyyə olunur ki, digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsi mütləq inzibati həbslə nəticələnməməli, icra məmurları müxtəlif qanuni vasitələrlə məhkəmə aktlarının icrasının təmin edilməsi üçün şərait yaratmalı və yalnız bütün imkanlar tükəndikdən sonra sərt inzibati və cinayət təsiri tədbirlərindən istifadə etməlidirlər. Yuxarıda qeyd olunan qanunun tələbləri və işin həqiqi halları baxımından məhkəmə hesab edir ki, borclu Şəxs icra sənədinin qərəzli olaraq icra etməməsinə şübhə ilə yanaşır və hesab edir ki, hazırki halda borclunun hərəkətlərində inzibati xəta tərkibi olmadığından, onun barəsində başlanmış iş üzrə icraata xitam verilməlidir. Qeyd olunanlara əsasən və Azərbaycan Respublikası İnzibati Xətalar Məcəlləsinin 40.0.1, 43, 48-51, 53,55, 114.1.4, 115, 128-130 maddələrini rəhbər tutaraq, məhkəmə
QƏRARA ALDİ:
Şəxs əməlində Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta tərkibi olmadığından, iş üzrə icraata xitam verilsin. Qərardan rəsmi qaydada verildiyi gündən 10 (on) gün müddətində Abşeron Rayon Məhkəməsinə və ya birbaşa Sumqayıt Apelyasiya Məhkəməsinə şikayət verilə bilər.
Sədrlik edən: Abusət Qasımov