Abşeron Rayon Məhkəməsi Qərar — İş №3(012)-481/2022

Azərbaycan Respublikası adından QƏRAR Xırdalan şəhəri İş № 3(012)-481/2022 09.03.2022 ABŞERON RAYON MƏHKƏMƏSİ Hakim Nəcəfova Şövkət Hüseyn qızının sədrliyi, Məhkəmə iclas katibi X2, İnzibati protokol tərtib etmiş şəxslər Abşeron RPİ-nin Mehdiabad PB-nin sahə rəisi, polis kapitanı X1, barəsində inzibati xəta haqqında icraat aparılan şəxs Şəxs və onun müdafiəçisi Abşeron Rayon Vəkil Bürosunun vəkili Vəkil iştirakları ilə, xx xxx 1979-cu il tarixdə Ağdam rayonunda doğulmuş, Azərbaycan Respublikasının vətəndaşı, subay, orta təhsilli, Ağdam rayonu, Qullar kəndində qeydiyyatda olmaqla, ünvan 1 ünvanında yaşayan Şəxs barəsində Azərbaycan Respublikası İnzibati Xətalar Məcəlləsinin 227-ci maddəsi üzrə tərtib olunmuş inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq məhkəmə MÜƏYYƏNETDİ: Abşeron rayon Polis İdarəsindən Şəxs Azərbaycan Respublikasının İnzibati Xətalar Məcəlləsinin 227-ci maddəsi ilə inzibati xəta törətməsinə dair inzibati xəta haqqında protokollar və toplanmış materiallar daxil olmuşdur. İnzibati xəta haqqında protokoldan və toplanmış materiallardan görünür ki, o, Zərərçəkmiş şəxs1 yaşadığı Abşeron rayonu, Fatmayı kəndində yerləşən evdən 30 manat dəyərində elektrik naqili, 25 manat dəyərində laqonda, 25 manat dəyərində direl oğurlanaraq ona 80 manat dəyərində maddiz izyan vurmuşalr. Bundan başqa o, Zərərçəkmiş şəxs2 məxsus olan evin həyətində olan əl damından 100 manat dəyərində 1 ədəd samovarı oğurlamışdır. Bundan başqa o, 12.02.2022-ci il tarixdən 13.02.2022-ci il tarixədək olan müddətdə X8 məxsus Fatmayi kəndində yerləşən evinin həyətindən ümumi dəyəri 90 manat olan 10 ədəd göyərçinin, 3 ədəd toyuq, 5 ədəd ördəyi oğurlamışdır. Bundan başqa o, 29.01.2022-ci il tarixdən 30.01.2022-ci il tarixədək olan müddət ərzində Mehdiabad qəsəbəsində yerləşən daş sexinə aid mühafizəçi otağından Zərərçəkmiş şəxs3 məxsus 67 manat pulu oğurlamışdır. Bundan başqa o, X10 yaşadığı evin həyətindən 20 manat dəyərində alüminiüm qazanı talamışdır. Bundan başqa o, X11 Abşeron rayonu, Digah qəsəbəsində yaşadığı evin həyətindən ümumi dəyəri 100 manat olan 1 ədəd elektrik miçarı, 1 ədəd elektrik qaynaq ütüsü,və 20 metr uzunluqda olan elektrik naqillərini talamışdır. Bundan başqa o, X12 Abşeron rayonu, Digah qəsəbəsində yaşadığıevin həyətindən 5 manat dəyərində 1 ədəd su nasosu, 15 manat dəyərində 1 ədəd forsunka və 30 manat dəyərində bir neçə açar oğurlayaraq ona cəmi 95 manat dəyərində maddi ziyan vurmuşdur. Bundan başqa o, X4 yaşadığı Abşeron ray, Digah qəs, Xəqani küçəsində yerləşən evindən 100 manat dəyərində su qızdırıcısını oğurlamışdır. Bundan başqa o, Mehdiabad qəs, Gənclər şəhərciyində yerləşən 10 nömrəli yaşayış binasının 100 manat dəyərində 50 metr uzunluğunda elektrik naqillərini talamışdır. Bundan başqa o, X3 idarə etdiyi Chevrolet markalı, 99UP749 dövlət qeydiyyat nişanlı avtomobildən 50 manat dəyərində pul talamışdır. Bundan başqa o, X9 məxsus Abşeron rayonu, Mehdiabad qəsəbəsində yerləşən evindən 50 manat dəyərində sus qızdırıcısını və 50 manat dəyərində dımir masanı talamışdır. Bundan başqa o, X5 idarə etdiyi Vaz 2107 minik markalı, 01BT562 dövlət qeydiyyat nişanlı avtomobildən 20 manat dəyərində 20 litr yanacaq talamışdır. Bundan başqa o, X6 məxsus Mehdiabad qəs, B.Vahabzadə küçəsində yerləşən evindən 100 manat dəyərində elektrik naqilini talamışdır. İnzibati xəta haqqında protokolu tərtib etmiş Abşeron RPİ-nin İTŞ-nin sahə rəisi, polis mayoru X7 izahatında göstərdi ki, Şəxsyuxarıda göstərilən oğurluq əməlini etmişdir.Onun barəsində cinayət işinin başlanılması rədd edildikdən sonra qanuna uyğun şəkildə inzibati qaydada tədbir görülməsi üçün material aidiyyəti üzrəAbşeron rayon Polis İdarəsinin İTŞyagöndərilmişdir. Şəxs əməlində İnzibati Xətalar Məcəlləsinin 227-ci maddəsinin tərkib əlamətləri olduğundan onun barəsində protokol tərtib edilmiş və baxılması üçün məhkəməyə təqdim olunmuşdur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs inzibati xəta üzrə özünü təqsirli bilərək pula ehtiyacı olması səbəbindən qeyd olunan inzibati xətanı törətdiyini,etdiyi əməldən peşman olduğunu və belə halların bir daha baş verməsinə yol verməyəcəyini bildirdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs müdafiəçisi Abşeron Rayon Vəkil Bürosunun vəkili Vəkil hüquqlarını müdafiə etdiyi şəxs barəsində həbslə əlaqədar olmayan inzibati tənbeh tədbirinin tətbiq edilməsini xahiş etdi. İş materiallarında olan 08.03.2022-ci il tarixkli inzibati qaydada tutma protokolundan görünür ki, Şəxs 08.03.2022-ci il saat 17:00-da inzibati qaydada tutulmuşdir. Məhkəmə, proses iştirakçılarının izahatlarını dinləyib, habelə iş materiallarını araşdırıb hesab edir ki, Şəxs tərəfindən Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulmuş inzibati xətanın törədilməsi tam sübuta yetirilir. Buna görə də o həmin maddə ilə təqsirli bilinərək inzibati məsuliyyətə cəlb edilməlidir. Azərbaycan Respublikası İnzibati Xətalar Məcəlləsinin 227-ci maddəsi xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə məsuliyyət müəyyən edir. Həmin maddənin “Qeyd” hissəsinə görə bu Məcəllənin 227-ci maddəsi həmin maddədə göstərilən əməllər Azərbaycan Respublikasının Cinayət Məcəlləsinin müvafiq maddələrinə əsasən cinayət məsuliyyətinə səbəb olmadıqda tətbiq edilir. İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmçinin bu Məcəllənin 84-cü maddəsinə görə inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə tərəfindən Şəxs törətdiyi əməldən səmimi peşman olması onun məsuliyyətini yüngülləşdirən hal hesab edilir. Şəxs məsuliyyətini ağırlaşdıran hallar müəyyən edilməmişdir. Beləliklə, məhkəmə Şəxs törətdiyi inzibati xətanın xarakterini, onun şəxsiyyətini, əmlak vəziyyətini, nəzərə alaraq hesab edir ki, ona İnzibati Xətalar Məcəlləsinin 227-ci maddəsinin sanksiyasındanəzərdə tutulanictimai işlər növündə tənbeh tədbiri tətbiq edilməlidir. Azərbaycan Respublikası İnzibati Xətalar Məcəlləsinin 28.3-1-ci maddəsinə əsasən məhkəmə tərəfindən ictimai işlər növündə inzibati tənbeh tətbiq olunmuş şəxslərin üzərinə həmin işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulur. Bununla yanaşı, barəsində inzibati xəta haqqında iş üzrə icraat aparılan şəxs Şəxs məhkəmə iclasında 04 (dörd) saat olmaqla, cəmi 24 (iyirmi dörd) manat məbləğində pul dövlət hesabına hüquqi yardım göstərmiş Abşeron Rayon Vəkil Bürosunun vəkili Vəkil Azərbaycan Respublikasının Dövlət Büdcəsinin vəsaiti hesabına ödənilməlidir. Göstərilənləri nəzərə alaraq və Azərbaycan Respublikası İnzibati Xətalar Məcəlləsinin 40-cı, 43-cü, 48-50-ci, 114-115-ci və 128-130-cu maddələrini rəhbər tutaraq məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 227-cimaddəsi ilə təqsirli bilinsin və ona 180 (yüz səksən) saat ictimai işlər növündə inzibati tənbeh tətbiq edilsin. Şəxs üzərinə həmin işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulsun. Qərarın icrası Sumqayıt şəhər Probasiya şöbəsinə həvalə edilsin. Barəsində inzibati xəta haqqında iş üzrə icraat aparılan şəxs Şəxs məhkəmə iclasında 04 (dörd) saat olmaqla, cəmi 24 (iyirmi dörd) manat məbləğində pul dövlət hesabına hüquqi yardım göstərmiş Abşeron Rayon Vəkil Bürosunun vəkili Vəkil Azərbaycan Respublikasının Dövlət Büdcəsinin vəsaiti hesabına ödənilsin. Qərardan, onun surəti rəsmi qaydada verildiyi vaxtdan 10 (on) gün müddətində Abşeron Rayon Məhkəməsi vasitəsilə Sumqayıt Apelyasiya Məhkəməsinə şikayət verilə bilər. Hakim:Şövkət Nəcəfova