Abşeron Rayon Məhkəməsi Qərardad — İş №3(012)-484/2024

Azərbaycan Respublikası adından QƏRARDAD Xırdalan şəhəri İş № 3(012)-484/2024 18.03.2024 ABŞERON RAYON MƏHKƏMƏSİ Mən Abşeron rayon Məhkəməsinin hakim Səfiyeva Cəmilə İbrahim qızı, Məmmədov Həmid Behbud oğlu tərəfindən daxil olmuş şikayətə baxılmasına hazırlıq zamanı Abşeron rayonu, Xırdalan şəhərində, Abşeron rayon Məhkəməsinin inzibati binasında baxaraq, MÜƏYYƏN ETDİM: Məmmədov Həmid Behbud oğlu barəsində Abşeron rayon Polis İdarəsi Dövlət Yol Polisi Şöbəsi tərəfindən tərtib edilmiş 13.12.2023-cü il tarixli, TP 61617026 saylı qərardan şikayət ilə Bakı şəhəri Nəsimi rayon Məhkəməsinə müraciət edərək, həmin qərarın ləğv olunması və həmin iş üzrə başlanılmış icraata xitam verilməsi barədə qərar qəbul edilməsini xahiş etmişdir. Bakı şəhəri Nəsimi rayon Məhkəməsinin 28.02.2024-cü il tarixli, 3(006)-903/2024 saylı qərardadına əsasən şikayət aidiyyəti üzrə baxılması üçün Abşeron rayon Məhkəməsinə göndərilmişdir. Şikayət ərizəsini və əlavə edilmiş sənədləri nəzərdən keçirib belə qərara gəlirəm ki,şikayət qnunla müəyyən edilmiş 20 günlük müddət daxilində verilmədiyindən şikayət və sənədlər geri qaytarılmalıdır. Azərbaycan Respublikasının İXM-nin: 126.1-ci maddəsinə əsasən barəsində inzibati xəta haqqında iş üzrə qərar qəbul edilmiş şəxs yol hərəkəti qaydaları, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xətaların törədilməsinə görə inzibati tənbeh tətbiq etmə haqqında qərar ona bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan 20 (iyirmi) gün müddətində yuxarı səlahiyyətli orqana (vəzifəli şəxsə) və ya məhkəməyə şikayət edə bilər. Şikayət şəxsən verilə və ya poçt, yaxud internet vasitəsilə göndərilə bilər.. 130.2-ci maddəsində nəzərdə tutulmuş müddət üzrlü səbəbdən buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. 131.1.2-ci maddələrinə əsasən inzibati xəta haqqında iş üzrə qərardan verilən şikayətin və ya protestin baxılmasına hazırlıq zamanı hakim, səlahiyyətli orqan (vəzifəli şəxs) tərəfindən inzibati xəta haqqında iş üzrə icraatı rədd edən halların mövcud olubolmamasını həll edilir. Məmmədov Həmid Behbud oğlu tərəfindən verilmiş şikayət ərizəsinin mətnindən görünür ki, qərar 13.12.2023-cü il tarixdə qəbul edilsə də, şikayət verən qanunda nəzərdə tutulan 20 günlük şikayət vermə müddətini ötürməklə 27.02.2024-cü il tarixdə hazırkı şikayət ərizəsi ilə Nəsimi rayon məhkəməsinə müraciət etmiş, lakin müddətin bərpası barədə məhkəməyə vəsatət verməmişdir. Buna görə də hesab edirəm ki, Abşeron rayon Dövlət Yol Polisi Şöbəsi tərəfindən tərtib edilmiş 13.12.2023-cü il tarixli, TP 61617026 saylı qərardan Məmmədov Həmid Behbud oğlu tərəfindən verilmiş şikayət geri qaytarılmalı, qeyd olunan nöqsanlar aradan qaldırıldıqdan sonra yenidən məhkəməyə müraciət etmək hüququ ona izah olunmalıdır. Azərbaycan Respublikası Konstitusiya Məhkəməsinin 03 may 2019-cu il tarixli “Azərbaycan Respublikası İXM-nin 128-ci maddəsi baxımından həmin Məcəllənin 109-cu maddəsinin şərh edilməsinə dair qərarına əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı qəbul edilən qərardaddan apellyasiya şikayəti verilə bilməz. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 430-436-cı maddələrini rəhbər tutaraq, QƏRARA ALDIM: Məmmədov Həmid Behbud oğlu tərəfindən Abşeron rayon Dövlət Yol Polisi Şöbəsi tərəfindən tərtib edilmiş 13.12.2023-cü il tarixli, TP 61617026 saylı qərardan verilmiş şikayəti geri qaytarılsın. Məmmədov Həmid Behbud oğlu tərəfindən qeyd olunan nöqsanlar aradan qaldırıldıqdan sonra adiyyatı üzrə məhkəməyə müraciət etmə hüququ izah olunsun. Hakim: Cəmilə Səfiyeva 3(012)-484/2024 2024-cü il MƏHKƏMƏ İCLASININ PROTOKOLU 18 mart 2024-cü il Xırdalan şəhəri Abşeron Rayon Məhkəməsində Mən, Abşeron Rayon Məhkəməsinin hakimi Səfiyeva Cəmilə İbrahim qızı, Məmmədov Həmid Behbud oğlu tərəfindən daxil olmuş şikayətə məhkəmənin inzibati binasında baxılır. İclas saat 14:30-da açıldı. Sədrlik edən müşavirə otağına gedir, qayıdaraq qərarı elan edir və məhkəmə iclasını bağlı elan edir. Məhkəmə iclasının protokolu 18 mart 2024-cü il tarixdə tərtib olundu. Sədrlik edən: