Abşeron Rayon Məhkəməsi Qərar — İş №3(012)-488/2025

Azərbaycan Respublikası adından QƏRAR Xırdalan şəhəri İş № 3(012)-488/2025 27.02.2025 ABŞERON RAYON MƏHKƏMƏSİ Abşeron Rayon Məhkəməsinin hakimi Kərimova Firuzə Şahin qızının sədrliyi, Qarayev Cavid Nazim oğlunun katibliyi, Zərərçəkmiş şəxs ASC-nin nümayəndəsi X2, barəsində inzibati xəta haqqında icraat aparılan şəxs Şəxs və onun müdafiəçisi “Verdiktum” Vəkil Bürosunun vəkili Vəkil, inzibati xəta barədə protokol tərtib etmiş Abşeron rayon İcra və Probasiya Şöbəsinin icra məmuru X1 iştirakı ilə, xx.xx.1986-cı ildə Bakı şəhərində anadan olmuş, Azərbaycan Respublikasının vətəndaşı, orta təhsilli, "xxxx" MMC-də direktor vəzifəsində işləyən, evli, ünvan 1 ünvanında qeydiyyatda olmaqla ünvan 2 Şəxs barəsində Abşeron rayon İcra və Probasiya Şöbəsindən daxil olmuş Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati xəta haqqında materiala açıq məhkəmə iclasında baxaraq, MÜƏYYƏN ETDİ: Abşeron rayon İcra və Probasiya şöbəsinin icra məmuru X3 tərəfindən Şəxs inzibati xəta törətməsi haqqında tərtib edilmiş MN ******* saylı protokol Abşeron Rayon Məhkəməsinə daxil olmuşdur. Məhkəmə iclasında protokolu tərtib etmiş Abşeron rayon İcra və Probasiya şöbəsinin icra məmuru X3 protokolu müdafiə edərək bildirdi ki, Bakı Şəhəri Yasamal Rayon Məhkəməsinin 2(004)-2503/2013 saylı 23 may 2023-cü il tarixli icra sənədinə əsasən cavabdeh Şəxs kredit üzrə 18331,67 (on səkkiz min üç yüz otuz bir dollar, altmış yeddi sent) ABŞ dolları məbləğində əsas borcu, 112,83 ABŞ dolları məbləğində kredit müqaviləsi faiz borcu, 35 ABŞ dolları cərimə olmaqla cəmi 18479,5 ABŞ dolları məbləğində borc (ekvivalenti ödəniş gününə Mərkəzi Bankın kursuna müvafiq olaraq manatla) Zərərçəkmiş şəxs ASC-nin xeyrinə tutulması qət olunmuşdur. Borclu icra sənədini icra etməkdən yayınır və icra məmurunun qanuni tələblərinə tabe olmur.bu vaxta qədər cəmi 50 manat ödəniş etmişdir. Odur ki, borclu Şəxs barəsində inzibati tənbeh tətbiq edilməsini məhkəmədən xahiş etdi. Məhkəmə iclasında barəsində inzibati xəta haqqında icraat aparılan Şəxs bildirdi ki, qeyd olunan icra sənədi üzrə avtomobilinin üzərinə “həbs” qoyulmuşdur və avtomobilin hərrac qaydasında satılaraq borcunun ödənilməsinə çalışmışdır. Daha sonra avtomobil ondan təhvil alınsa da sonradan avtomobil barədə heç bir məlumat əldə olunmamışdır. Avtomobilin oğurlanması barədə Daxili İşlər Nazirliyinə şikayət etmişdir. Borcun ödənilməsindən qərəzli yayınmadığını, avtomobilin ondan alınmasına baxmayaraq həmin avtomobilin oğurlandığını bildirərək barəsində olan inzibati xəta haqqında iş üzrə icraata xitam verilməsini xahiş etmişdir. Məhkəmə iclasında Zərərçəkmiş şəxs ASC-nin nümayəndəsi X4 borclu Şəxs təxminən 12 ilə yaxındır ki, icra sənədini icra etmədiyini, qərəzli yayındığını bildirərək onun barəsində ağır inzibati tənbeh tədbiri tətbiq edilməsini xahi etdi. Məhkəmə iclasında barəsində inzibati xəta haqqında icraat aparılan şəxs Şəxs müdafiəçisi “Verdiktum” Vəkil Bürosunun vəkili Vəkil bildirdi ki, müdafiə etdiyi şəxsin avtomobilinin üzərinə “həbs” qoyulmuş daha sonra avtomobil ondan alınsa da avtomobilin taleyi barədə heç bir məlumat verilməmişdir. Həmçinin həmin avtomobil tapmaq, onu hərraca çıxarıb satmaq vətəndaşın deyil, inzibati orqanın səlahiyyətinə aid olduğunu bildirərək Şəxs barəsində olan inzibati xəta haqqında iş üzrə icraata xitam verilməsini xahiş etdi. İş materiallarında olan və icra işinin tədqiq edilmiş sənədləri ilə müəyyən edildi: Bakı Şəhəri Yasamal Rayon Məhkəməsinin 2(004)-2503/2013 saylı 23 may 2023-cü il tarixli icra sənədinə əsasən cavabdeh Şəxs kredit üzrə 18331,67 (on səkkiz min üç yüz otuz bir dollar, altmış yeddi sent) ABŞ dolları məbləğində əsas borcu, 112,83 ABŞ dolları məbləğində kredit müqaviləsi faiz borcu, 35 ABŞ dolları cərimə olmaqla cəmi 18479,5 ABŞ dolları məbləğində borc (ekvivalenti ödəniş gününə Mərkəzi Bankın kursuna müvafiq olaraq manatla) Zərərçəkmiş şəxs ASC-nin xeyrinə tutulması qət olunmuşdur. 19 avqust 2013-cü il tarixli icra sənədi üzrə icraata başlanılmış və həmin tarixdə borclu Şəxs tələbin könüllü icrası haqqında bildiriş ünvanlanmış, icra sənədində göstərilən tələbi könüllü yerinə yetirməsi üçün xəbardarlıq edilmişdir. “Borclunun əmlakının axtarılması barədə” 23 avqust 2023-cü il tarixli qərardan görünür ki, borclu Şəxs mülkiyyətində olan **-CJ-*** d.q.n-li, “Kia Soul” markalı avtomobilin barəsində axtrış elan edilməsi və duracağa yerləşdirilməsi qərara alınmışdır. “Borclunun əmlakının axtarılması barədə” 23 avqust 2023-cü il tarixli qərardan görünür ki, Bakı şəhəri Yasamal Rayon Məhkəməsinin 2(004)-2503/2013 saylı, xx.xx.2013-cü il tarixli icra sənədi üzrə borclu Şəxs mülkiyyətində olan **-CJ-*** d.q.n-li, “Kia Soul” markalı avtomobilin üzərinə həbs qoyulması qərara alınmışdır. “İcra sənədinin ərazi aidiyyəti üzrə göndərilməsi barədə” xx.xx.2023-cü il tarixli qərardan görünür ki, Bakı şəhəri Yasamal Rayon Məhkəməsinin 2(004)-2503/2013 saylı, xx.xx.2013-cü il tarixli icra sənədi ərazi aidiyyəti üzrə Abşeron rayon İcra və Probasiya Şöbəsinə göndərilmişdir. “Borclunun axtarışı haqqında” 17 yanvar 2025-ci il tarixli qərardan görünür ki, Şəxs barəsində axtarış elan edilmişdir. Məhkəmə iclasda iştirak edən şəxsləri dinləyib, inzibati xəta haqqında işin materiallarını icra işi ilə birlikdə tədqiq edib və yuxarıda qeyd edilənləri nəzərə alaraq, hesab edir ki, Şəxs icra sənədi ilə üzərinə qoyulmuş öhdəliyini icra məmuru tərəfindən müəyyən olunmuş müddətdə qəsdən təmin etməmişdir. Azərbaycan Respublikası Konstitusiyanın: 129-cu maddəsinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Məhkəmə qərarının icra olunmaması qanunla müəyyən edilmiş məsuliyyətə səbəb olur. Azərbaycan Respublikası İnzibati Xətalar Məcəlləsinin: 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə-fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin Məcəllənin 76-cı maddəsinə görə inzibati xətanın olub- olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın əsaslana bildiyi hər cür faktiki məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında icraat aparılan şəxsin, zərərçəkmiş şəxslərin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, habelə müəyyən edilmiş digər protokollarla müəyyən edilir. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 31.4-cü bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz Azərbaycan Respublikası İXM-nin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 9.1-ci maddəsinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. İnzibati tənbeh növünü tətbiq edərkən məhkəmə xətanın xarakterini, Şəxs şəxsiyyətini, onun təqsirinin dərəcəsini və əmlak vəziyyətini nəzərə alır. Məhkəmədə borclu Şəxs cəzasını yüngülləşdirən və ağırlaşdıran hallar müəyyən edilmədi. Məhkəmə iclasında borclunun icra sənədləri ilə üzərinə qoyulmuş öhdəliyi üzrsüz səbəbdən yerinə yetirməyərək icra məmuru tərəfindən müəyyən olunmuş müddətdə icra sənədlərinin icrasını təmin etməməsi, borcun ödənilməsinə laqeydlik göstərməsi, icra vərəqəsinin icrasına səhlənkar yanaşması əməlində inzibati xəta tərkibinin olduğunu təsdiq edir. Belə ki, Şəxs avtomobili təhvil verdiyini bildirsə də icra sənədinin üzərindən 12 il keçməsinə baxmayaraq hazırki tarixədək heç bir ödəniş həyata keçirilməmişdir. Məhkəmə onun cəmiyyətdən təcrid etmədən islah olunmasının mümkün olduğunu nəzərə alaraq, barəsində cərimə növündə inzibati tənbehin tətbiq edilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115, 128-130-cu maddələrini rəhbər tutaraq, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanın törədilməsində təqsirli bilinsin və ona 500 (beş yüz) manat məbləğində cərimə növündə inzibati tənbeh tətbiq edilsin. Qərardan təqdim edildiyi və ya alındığı gündən 10 (on) gün müddətində Abşeron Rayon Məhkəməsi vasitəsilə Sumqayıt Apellyasiya Məhkəməsinə şikayət verilə bilər. Sədrlik edən: Firuzə Kərimova