Abşeron Rayon Məhkəməsi Qərar — İş №3(012)-647/2023

Azərbaycan Respublikası adından QƏRAR Xırdalan şəhəri İş № 3(012)-647/2023 12.05.2023 ABŞERON RAYON MƏHKƏMƏSİ Hakim Nəcəfova Şövkət Hüseyn qızının sədrliyi, Nuruyeva Nüşabə Ələddin qızının katibliyi ilə, xx.xx.1998-ci il tarixdə Bakı şəhərində anadan olmuş, Azərbaycan Respublikasının vətəndaşı, ünvan 1 ünvanında qeydiyyatda olmaqla yaşayan Şəxs Azərbaycan Respublikasının İnzibati Xətalar Məcəlləsinin 327.8-ci maddəsi ilə inzibati xəta törətməsinə dair Azərbaycan Respublikası DİN-nin Abşeron rayon Polis İdarəsindən daxil olmuş inzibati xəta haqqında protokola Abşeron rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Məhkəməyə daxil olmuş inzibati xəta haqqında xx.xx.2023-cü il tarixli, İXP ******* saylı protokolda və ona əlavə olunmuş sənədlərdə göstərilmişdir ki, X6 xx.xx.2023-cii il tarixdə etibarnamə əsasında idarə etdiyi “BMV 518” markalı **-SO-*** d.q.n avtomobili ilə baş yol sayılan Masazır qəsəbəsi, H.Arif küçəsi istiqamətində hərəkətdə olan zaman köməkçi yoldan gələn Şəxs etibarnamə əsasında idarə etdiyi Kİ A RİO markalı **-OD-*** d.q.n avtomobil ilə qəflətən baş yola çıxması nəticəsində toqquşma baş vermişdir. Hadisə zamanı hər iki nəqliyyat vasitəsi zədələnmiş, eləcədə X3 idarə etdiyi avtomobildə sərnişin olan anası X1 dərəcəli bədən xəsarəti almışdır. Nəticədə Şəxs barəsində Azərbaycan Respublikasının İnzibati Xətalar Məcəlləsinin 327.8-ci maddəsi ilə inzibati xəta haqqında protokol tərtib olunmuşdur. Məhkəmə iclasının vaxtı və yeri barədə tərəflərin ünvanına bildiriş göndərilmiş, lakin tərəflər məhkəməyə gəlməmiş, gəlməməsinin səbəbi barədə məhkəməyə məlumat verilməmişdir. Məhkəmə Azərbaycan Respublikası İXM-nin 61.3 və 112.1.4-cü maddələrinə əsasən işə tərəflərin iştirakı olmadan baxılmasını mümkün hesab etmişdir. İş materiallarında olan “cinayət işinin başlanılmasının rədd edilməsi haqqında” qərarın surətindən görünür ki, X6 xx.xx.2023-cii il tarixdə etibarnamə əsasında idarə etdiyi “BMV 518” markalı **-SO-*** d.q.n avtomobili ilə baş yol sayılan Masazır qəsəbəsi, H.Arif küçəsi istiqamətində hərəkətdə olan zaman köməkçi yoldan gələn Şəxs etibarnamə əsasında idarə etdiyi Kİ A RİO markalı **-OD-*** d.q.n avtomobil ilə qəflətən baş yola çıxması nəticəsində toqquşma baş vermişdir. Hadisə zamanı hər iki nəqliyyat vasitəsi zədələnmiş, eləcədə X3 idarə etdiyi avtomobildə sərnişin olan anası X1 dərəcəli bədən xəsarəti almışdır. Göstərilənlər alınmış izahatlarda, məhkəmə-tibbi ekspertizasının və məhkəmə yolnəqliyyat hadisələri ekspertizasının müvafiq rəylərində öz təsdiqini tapmışdır. Göründüyü kimi sürücü Şəxs qızının əməlində cinayət tərkibi yoxdur. toplanmış material üzrə sürücü Şəxs qızının barəsində cinayət işinin başlanması rədd edilməli, onun barəsində Azərbaycan Respublikası İXM-nin 327.8-ci maddəsində nəzərdə tutulmuş inzibati tənbeh tədbirinin tətbiq edilməsi üçün qərarın surəti aidiyyəti üzrə Abşeron RPİ-nin DYPŞ-yə göndərilməsi, həmçinin məlum qəza nəticəsində dəymiş maddi ziyanın ödənilməsi məsələsi ilə bağlı tələbi olacağı təqdirdə mülki qaydada məhkəməyə müraciət etmək hüququnun olması tərəflərə izah edilməsi qərara alınmışdır. Respublika Narkoloji Mərkəzinin xx.xx.2023-cii il tarixli, 2/3338 nömrəli aktından görünür ki, Şəxs müayinəsi zamanı onda sərxoşluq vəziyyəti aşkar edilməmişdir. Məhkəmə-tibbi ekspertizasının xx.xx.2023-cü il tarixli, 289 nömrəli rəyindən görünür ki, 1964-cü il təvəllüdlü X2 məhkəmə-tibbi müayinəsi zamanı onun bədəni üzərində aşkar olunmuş xəsarətlər - aşın sağ alın-təpə nahiyyəsinin əzilmiş-cırılmış yarası, sağ diz nahiyyəsinin yumşaq toxumalarının əzniyi bərk-küt əşya (əşyalar) təsirindən törənmişdir; qərarda qeyd olunan müddətdə və şəraitdə, yəni xx.xx.2023-ci il tarixdə dava-dalaş nəticəsində əmələ gələ bilərdi; dərəcəsinə görə sağlamlığın qısa müddətdə pozulmasına səbəb olan sağlamlığa Yüngül zərər vurmaya aiddir. Məhkəmə tədqiq edilmiş sübutlara obyektiv, qərəzsiz, hərtərəfli və tam qiymət verərək, belə nəticəyə gəlir ki, Şəxs Azərbaycan Respublikasının İnzibati Xətalar Məcəlləsinin 327.8-ci maddəsində nəzərdə tutulmuş xətanı törətmişdir. Belə ki, Azərbaycan Respublikasının İnzibati Xətalar Məcəlləsinin 327.8-ci maddəsinə əsasən bu Məcəllənin 327.1 - 327.6, 328 və 330-cu maddələrində nəzərdə tutulmuş xətalar nəticəsində zərər çəkmiş şəxsin sağlamlığına yüngül bədən xəsarətinin yetirilməsinə görə iki yüz manat məbləğində cərimə edilir və ya nəqliyyat vasitəsini idarə etmək hüququ bir ilədək müddətə məhdudlaşdırılır. Barəsində inzibati xəta haqqında iş üzrə icraat aparılan şəxs Şəxs qeyd olunan inzibati xətanın törətməsi tərtib edilmiş inzibati xəta haqqında protokol və işin digər materialları ilə tam sübuta yetirilmişdir. Odur ki, o AR İXM-nin 327.8-ci maddəsinin sanksiyası həddində inzibati tənbeh edilməlidir. Barəsində inzibati xəta haqqında iş üzrə icraat aparılan şəxs Şəxs məsuliyyətini yüngülləşdirən və ağırlaşdıran hallar yoxdur. Məhkəmə barəsində inzibati xəta haqqında iş üzrə icraat aparılan şəxs Şəxs haqqında inzibati tənbeh tədbiq edərkən, Azərbaycan Respublikasının İnzibati Xətalar Məcəlləsinin 31.2-ci maddəsinə müvafiq olaraq xətanın xarakterini, törədilmə şəraitini, onun təqsirinin dərəcəsini, eləcə də cəmiyyətin maraqlarını və yüngülləşdirən halları nəzərə almaqla barəsində inzibati cərimə növündə tənbehinin tətbiq edilməsini məqsədəmüvafiq hesab edir. Azərbaycan Respublikasının İnzibati Xətalar Məcəlləsinin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114-115 və 128-130-cu maddələrini rəhbər tutaraq, məhkəmə QƏRARAALDİ: Şəxs Azərbaycan Respublikasının İnzibati Xətalar Məcəlləsinin 327.8-ci maddəsi ilə təqsirli bilinsin, ona 200 (iki yüz) manat məbləğində inzibati cərimə növündə inzibati tənbeh tədbiri tətbiq edilsin. Qərarın icrası Abşeron rayon İcra Şöbəsinə həvalə edilsin. Qərardan onun təqdim edildiyi və ya alındığı gündən 10 (on) gün müddətində Abşeron Rayon Məhkəməsi vasitəsi ilə Sumqayıt Apelyasiya Məhkəməsinə şikayət və ya protest verilə bilər. Hakim:Şövkət Nəcəfova