Abşeron Rayon Məhkəməsi Qərar — İş №3(012)-715/2025

Azərbaycan Respublikası adından QƏRAR Xırdalan şəhəri İş № 3(012)-715/2025 03.04.2025 ABŞERON RAYON MƏHKƏMƏSİ Hakim Səfiyeva Cəmilə İbrahim qızının sədrliyi, Qurbanova Səkinə Nadir qızının katibliyi ilə, Şəxs MMC-nin nümayəndəsi, qanuni təmsilçisi X4 iştirakı ilə Şəxs MMC-nin Azərbaycan Respublikasının İnzibati Xətalar Məcəlləsinin 347-ci maddəsi ilə inzibati xəta törətməsinə dair Abşeron rayon Polis İdarəsi DYPŞ tərəfindən tərtib olunmuş inzibati xəta haqqında protokola Abşeron rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Məhkəməyə daxil olmuş Abşeron rayon Polis İdarəsi DYPŞ tərəfindən tərtib olunmuş inzibati xəta haqqında xx.xx.2025-ci il tarixli AP ******* saylı protokolda və ona əlavə olunmuş sənədlərdə göstərilmişdir ki, Şəxs MMC-nin (VÖEN **********) mülkiyyətində olan nəqliyyat vasitəsini inzibati xətanın törədilməsi zaman, yəni 16 yanvar 2025-ci il tarixdə, saat 10.54-də idarə etmiş fiziki şəxs haqqında məlumatı səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verməmişdir. İnzibati xəta haqqında protokol tərtib etmiş Abşeron RPİ-yə məhkəmə iclasının vaxtı və yeri barədə qanunla nəzərdə tutulmuş qaydada poçt vasitəsi ilə bildirişlər göndərilmişdir. Tərəf məhkəmə iclaslarına gəlməmiş və işə baxılmasının təxirə salınması barədə vəsatət daxil olmamışdır. Məhkəmə Azərbaycan Respublikası İXM-nin 64.3 və 112.1.4-cü maddələrinə əsasən işə tərəfin nümayəndəsinin iştirakları olmadan baxılmasını mümkün hesab etmişdir. Məhkəmə iclasında Şəxs MMC-nin nümayəndəsi, qanuni təmsilçisi X7 izahatında bildirdi ki, məhkəməyə təqdim edilmiş xx.xx.2023-cü il tarixli alqı-satqı və ipoteka müqaviləsindən görünür ki, Abşeron rayonu, Saray qəsəbəsi, Çənlibel küçəsi, ev 12 ünvanında yerləşən daşınmaz əmlak X5 məxsus olmuş və sonuncu həmin əmlakı xx.xx.2023-cü il tarixdə X2. Yəni artıq iki ilə yaxındır kı, ailəsi ilə birlikdə həmin ünvanda yaşamırlar. Qeyd edilən bildiriş barədə ona və ailə üzvlərinə məlumat verilməmişdir. Bu səbəbdən də Abşeron rayon Polis İdarəsi DYPŞ tərəfindən göndərilmiş bildiriş onlara çatdırılmamışdır. Həmçinin qeyd edir ki, 28 yanvar 2025-ci il tarixdə cəriməni ödəmişdir. İş materiallarında olan Abşeron RPİ-nin DYPŞ-nin məktubundan və məktubun rəsmi verilməsinə dair xəbərnamədən görünür ki, Abşeron RPİ-nin DYPŞ tərəfindən Şəxs MMC-nə sorğu ilə müraciət edilərək şirkətin mülkiyyətində olan “Toyota Corolla” minik markalı **-AN-*** dövlət qeydiyyat nişanlı nəqliyyat vasitəsini 16 yanvar 2025-ci il tarixdə, saat 10:54 radələrində qeydə alınan inzibati xətanın törədilməsi zamanı idarə etmiş fiziki şəxs haqqında məlumatın 5 gün müddətində Polis İdarəsinə təqdim edilməsi xahiş edilmiş və məktub Şəxs MMC-nin hüquqi ünvanı kimi göstərilmiş ünvan 1lmişdir. Məhkəməyə təqdim edilmiş xx.xx.2023-cü il tarixli alqı-satqı və ipoteka müqaviləsindən görünür ki, Abşeron rayonu, Saray qəsəbəsi, Çənlibel küçəsi, ev 12 ünvanında yerləşən daşınmaz əmlak X5 məxsus olmuş və sonuncu həmin əmlakı xx.xx.2023-cü il tarixdə X2. Məhkəməyə təqdim edilmiş portaldan çıxarışdan görünür ki, X6 45 manat cəriməni ödəmişdir. Beləliklə də, məhkəmə araşdırması zamanı müəyyən olunmuşdur ki, Abşeron RPİ-nin DYPŞ tərəfindən sorğu ünvan 1lmiş, lakin Abşeron rayonu, Saray qəsəbəsi, Çənlibel küçəsi, ev 12 ünvanı xx.xx.2023-cü il tarixdə X1. Şəxs MMC-nin nümayəndəsi, qanuni təmsilçisi X7 hüquqi şəxsin həmin ünvanında yaşamırlar. Bununla da, Abşeron RPİ-nin DYPŞ tərəfindən göndərilmiş sorğunun Şəxs MMC-nə çatdırılması mötəbər sübutlarla təsdiq olunmamışdır. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. 12-ci maddəsinə əsasən həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. 347-ci maddəsinin dispozisiyasına görə, hüquqi şəxsin mülkiyyətində və ya istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsi həmin maddədə nəzərdə tutulmuş inzibati xətanın tərkibini yaradır. 53.1.1-ci maddəsinə əsasən inzibati xəta hadisəsi olmadıqda, həmçinin İXM-in 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. 114.1.4-cü maddəsinə əsasən inzibati xətalar haqqında işlərə baxılarkən çıxarılan qərarlardan biri də inzibati xəta haqqında iş üzrə icraata xitam verilməsi haqqında qərardır. 114.2.1-ci maddəsinə əsasən həmin Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Beləliklə, məhkəmə, iş üzrə tədqiq edilmiş sübutlara hüquqi qiymət verərək hesab edir ki, hazırki iş üzrə barəsində inzibati xəta haqqında iş üzrə icraat aparılan hüquqi şəxs Şəxs MMC-nə münasibətdə təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb ola biləcək inzibati xəta tərkibinin bütün əlamətlərini daşıyan əməl (hərəkət və ya hərəkətsizlik) mövcud deyildir. Göründüyü kimi Şəxs MMC-nin hərəkətlərində (hərəkətsizliyində) İnzibati Xətalar Məcəlləsinin 347-ci maddəsinin tərkib hissəsi olmadığından iş üzrə icraata xitam verilməlidir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddərini rəhbər tutaraq, QƏRARAALDİ: Şəxs MMC barəsində başlanmış xx.xx.2025-ci il tarixli AP ******* saylı protokol üzrə icraata xitam verilsin. Qərardan onun təqdim edildiyi və ya alındığı gündən 10 (on) gün müddətində Abşeron Rayon Məhkəməsi vasitəsi ilə Sumqayıt Apellyasiya Məhkəməsinə şikayət və ya protest verilə bilər. Hakim: Cəmilə Səfiyeva