Abşeron Rayon Məhkəməsi Qərar — İş №3(012)-729/2024

Azərbaycan Respublikası adından QƏRAR Xırdalan şəhəri İş № 3(012)-729/2024 19.04.2024 ABŞERON RAYON MƏHKƏMƏSİ Mən, Abşeron Rayon Məhkəməsinin hakimi Quliyeva Sevinc Məhəmməd qızının, Qarayev Cavid Nazim oğlunun katibliyi, barəsində inzibati xəta haqqında icraat aparılan şəxs Şəxs Bahadır oğlu və onun müdafiəçisi Xırdalan şəhər Vəkil Bürosunun vəkili Vəkil, tələbkar X2, inzibati xəta haqqında protokol tərtib etmiş Abşeron rayon İcra və Probasiya şöbəsinin icra məmuru X1 iştirakı ilə, xx.xx.1960-cı ildə ildə Abşeron rayonu, Saray qəsəbəsində anadan olmuş, Azərbaycan Respublikasının vətəndaşı, evli, orta təhsilli, ünvan 1 ünvanında qeydiyyatda olan və yaşayan Şəxs Bahadır oğlu barəsində Abşeron rayon İcra və probasiya şöbəsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİM: Abşeron rayon İcra və Probasiya şöbəsinin böyük icra məmuru X3 tərəfindən Şəxs Bahadır oğlunun inzibati xəta törətməsi haqqında tərtib edilmiş MN ******* saylı protokol Abşeron Rayon Məhkəməsinə daxil olmuşdur. Həmin protokoldan görünür ki, Abşeron Rayon Məhkəməsinin 2(012)-2607/2023 saylı, xx.xx.2023-cü il tarixli icra sənədinə əsasən iş üzrə borclu Şəxs Bahadır oğlu 4593.40 manat borcu iş üzrə tələbkar X2 xeyrinə ödəməmişdir. Məhkəmə iclasında Abşeron rayon İcra və Probasiya şöbəsinin böyük icra məmuru X3 izahatında bildirdi ki, Abşeron Rayon Məhkəməsinin 2(012)-2607/2024 saylı, xx.xx.2023-cü il tarixli icra sənədinə əsasən Sumqayıt şəhər 3 saylı notariat ofisində rəsmiləşdirilmiş alqı-satqı müqaviləsinin ləğv edilməsi, eyni zamanda müqavilə əsasında alınmış 5000(beş min) manat məbləğində pul, torpaq sahəsinin rəsmiləşdirilməsi ilə bağlı çəkilmiş xərc olaraq 364.40 (üç yüz altmış dörd manat qırx qəpik) və 65(altmış beş) manat dövlət rüsumu cavabdeh Şəxs Bahadır oğlundan alınaraq iddiaçı X4 ödənilməsi qət edilmişdir. İş üzrə borclu Şəxs Bahadır oğlu 5429.40 (beş min dörd yüz iyirmi doqquz manat qırx qəpik) borcdan 4593.40(dörd min beş yüz doxsan üç manat qırx qəpik) qalıq borcu iş üzrə tələbkar X2 xeyrinə ödəməmişdir. Borclu Şəxs Bahadır oğlu heç bir üzrlü səbəb göstərmədən, icra məmurunun qanuni tələblərini yerinə yetirmədiyindən barəsində Azərbaycan Respublikasının İnzibati Xətalar Məcəlləsinin müvafiq maddəsi ilə inzibati xəta haqqında protokol tərtib olunmuşdur. Hal hazırda qalıq 4593.40 manat qalıq borcdan 1600 manat ödədiyini, eyni zamanda mülkiyyətində olan avtomobilə baxış keçirilmiş və aktlaşdırılaraq Abşeron Rayon İcra və Probasiya Şöbəsinə təqdim olunduğunu bildirmişdir. Buna görə də, icra məmuru, borclu Şəxs Bahadır oğlu barəsində iş üzrə icraata xitam verilməsini xahiş etdi. Barəsində inzibati xəta haqqında icraat aparılan şəxs Şəxs Bahadır oğlu bildirdi ki, Abşeron Rayon Məhkəməsinin 2(012)-2607/2023 saylı, xx.xx.2023-cü il tarixli icra sənədinə əsasən o, 4593.40 manat məbləğində borcu iş üzrə tələbkar X2 xeyrinə ödəməmişdir. O bildirdi ki, maddi vəziyyəti ağır olduğundan borcunu ödəyə bilmir. Borcundan 1900 manat ödəmiş, qalan məbləğin əvəzinə mülkiyyətində olan avtomobili Abşeron Rayon İcra və probasiya şöbəsinə təqdim etdiyini bildirdi. Ona görə barəsində qanuni qərar qəbul olunmasını məhkəmədən xahiş etdi. Məhkəmə iclasında müdafiəçisi Vəkil barəsində inzibati xəta haqqında iş üzrə icraat aparılan Şəxs Bahadır oğlu barəsində iş üzrə icraata xitam verilməsini məhkəmədən xahiş etdi. Məhkəmə iclasında tələbkar X6 bildirdi ki, borclu ilə aralarında razılıq əldə olunmuşdur. Hal-hazırda ona qarşı bir tələbi yoxdur. İş materiallarında tədqiq edilmiş: Abşeron Rayon Məhkəməsinin qərarına əsasən Şəxs Bahadır oğlundan 5000 manat məbləğində borc, torpaq sahəsinin rəsmiləşdirilməsi ilə bağlı çəkilmiş xərc olaraq 364.40 manat və iş üzrə ödənilmiş dövlət rüsumunun 65 manat pul vəsaitinin tutularaq X4 verilməsi qət edilmişdir. Məhkəmə prosesində Şəxs Bahadır oğlu 4593.40 manat qalıq borcundan 1900 manat ödəmiş və mlükiyyətində olan avtomobili Abşeron Rayon İcra və probasiya şöbəsinə təhvil vermişdir. İş materiallarında olan xx.xx.2023-cü il tarixli qərardan görünür ki, həmin tarixdə Abşeron rayon İcra və Probasiya Şöbəsində müvafiq icra sənədinə dair işlər üzrə icraata başlanılmışdır. Məhkəmə işdə iştirak edən şəxsləri dinləyib, məhkəmə iclasında tədqiq edilmiş sübutlara obyektiv, qərəzsiz, hərtərəfli və tam qiymət verərək, belə nəticəyə gəlir ki, Şəxs Bahadır oğlunun əməlində Azərbaycan Respublikasının İnzibati Xətalar Məcəlləsinin 528.1-ci maddəsinin tərkib hissəsi olmadığından və icra məmuru vaxtında icra hərəkətlərini yerinə yetirmədiyindən iş üzrə icraata xitam verilməlidir. Belə ki, Azərbaycan Respublikası İnzibati Xətalar Məcəlləsinin 528.1-ci maddəsinə əsasən, məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə inzibati məsuliyyət nəzərdə tutulmuşdur. Məhkəmə hesab edir ki, inztibati xəta haqqında protokol və ona əlavə olunmuş sənədlər Əsgərov X5 Xətalar Məcəlləsinin 528.1-ci maddəsi ilə inzibati məsuliyyətə cəlb olunması üçün əsas vermir. Şəxs Bahadır oğlun izahatından icra sənədini üzrsüz səbəbdən icra etməməsi görünmür. Azərbaycan Respublikasının İnzibati Xətalar Məcəlləsinin 8.1-ci maddəsinə əsasən “Barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir.” Azərbaycan Respublikası İXM-nin 13-cü maddəsinə əsasən inzibati xəta törətmiş şəxs öz əməlinin (hərəkətinin və ya hərəkətsizliyinin) hüquqazidd xarakterini dərk etmiş, onun zərərli nəticələrini qabaqcadan görmüş və bunları arzu etmişdirsə, yaxud belə nəticələrin baş verməsinə şüurlu surətdə yol vermişdirsə, bu xəta qəsdən törədilmiş xəta hesab olunur. Azərbaycan Respublikasının İnzibati Xətalar Məcəlləsinin 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 84.1-ci maddəsinə görə inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən heç bir sübutun qabaqcadan müəyyən edilmiş qüvvəsi yoxdur. Həmin Məcəllənin 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Məhkəmədə Şəxs Bahadır oğlu tərəfindən icra məmurunun icra vərəqəsinin icrası ilə bağlı hüquq və vəzifələrini yerinə yetirməsinə mane olan hər hansı hüquqazidd, təqsirli hərəkəti etməsi müəyyən edilməmişdir. Beləliklə, məhkəmə, iş üzrə tədqiq edilmiş sübutlara hüquqi qiymət verərək, belə nəticəyə gəlir ki, Azərbaycan Respublikası İXM-nin 528.1-ci maddəsi ilə nəzərdə tutulmuş inzibati xəta tərkibi olmadığına görə Şəxs Bahadır oğlu barəsində olan inzibati xəta haqqında iş üzrə icraata xitam verilməlidir. Şəxs Bahadır oğluna məhkəmə iclasında 4 saat olmaqla, cəmi 24 manat məbləğində pul dövlət hesabına hüquqi yardım göstərmiş Xırdalan şəhər Vəkil Bürosunun vəkili Vəkil Azərbaycan Respublikasının Dövlət Büdcəsinin vəsaiti hesabına ödənilməlidir. Şərh olunanlara əsasən və Azərbaycan Respublikası İXM-nin 8, 11, 12, 13, 53, 114, 115-ci maddələrini rəhbər tutaraq QƏRARA ALDİM: Şəxs Bahadır oğlu barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə başlanmış inzibati icraata xitam verilsin. İnzibati xəta törədən şəxs Şəxs Bahadır oğluna məhkəmə iclasında 4 saat olmaqla, cəmi 24 manat məbləğində pul dövlət hesabına hüquqi yardım göstərmiş Xırdalan şəhər Vəkil Bürosunun vəkili Vəkil Azərbaycan Respublikasının Dövlət Büdcəsinin vəsaiti hesabına ödənilsin. Qərardan onun təqdim edildiyi və ya alındığı gündən 10 (on) gün müddətində Abşeron Rayon Məhkəməsi vasitəsi ilə Sumqayıt Apelyasiya Məhkəməsinə şikayət və ya protest verilə bilər. Sədrlik edən: Sevinc Quliyeva