Abşeron Rayon Məhkəməsi Qərardad — İş №3(012)-804/2021

Azərbaycan Respublikası adından QƏRARDAD Xırdalan şəhəri İş № 3(012)-804/2021 20.05.2021 ABŞERON RAYON MƏHKƏMƏSİ hakim Həsənov Vaqif İskəndər oğlunun sədrliyi, Yunuslu Elvin Kamil oğlunun katibliyi ilə, Azərbaycan Respublikası İnzibati Xətalar Məcəlləsinin 211.2-ci maddəsi ilə inzibati cərimə olunması barədə EXP ******* saylı, 01.05.2021-ci il tarixli inzibati xəta haqqında elektron protokol və onun əsasında qəbul edilmiş 01.05.2021-ci il tarixli elektron qərardan verilmiş X1 şikayətinə açıq məhkəmə iclasında baxaraq Müəyyən etdi: 01.05.2021-ci il tarixli, EXP ******* saylı qərar ilə X2 Azərbaycan Respublikası İXMin 211.2-ci maddəsi inzibati məsuliyyətə cəlb olunaraq, 100 manat məbləğində inzibati cərimə edilmişdir. X2 həmin qərardan şikayət vermiş, şikayət 17.05.2021-ci il tarixdə məhkəməyə daxil olmuşdur. Aşağıda göstərilənlərə əsasən məhkəmə hesab edir ki, şikayət qaytarılmalıdır. Belə ki, Azərbaycan Respublikası İXM-nin 130.1-ci maddəsinə əsasən qərarın surəti rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər. Azərbaycan Respublikası İXM-nin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərərçəkmiş şəxs, habelə müdafiəçi və nümayəndə tərəfindən inzibati xətalar haqqında işlər üzrə qərarlardan şikayət, prokuror isə protest verə bilər. X2 EXP ******* saylı, 01.05.2021-ci il tarixli inzibati xəta haqqında elektron protokol və onun əsasında qəbul edilmiş 01.05.2021-ci il tarixli elektron qərardan qanunla müəyyən edilmiş müddətdə şikayət etməmişdir. Beləliklə məhkəmə, iş üzrə tədqiq edilmiş sübutlara hüquqi qiymət verərək belə nəticəyə gəlir ki, EXP ******* saylı, 01.05.2021-ci il tarixli inzibati xəta haqqında elektron protokol və onun əsasında qəbul edilmiş 01.05.2021-ci il tarixli elektron qərardan şikayət müddət ötürüldükdən sonra verildiyinə görə geri qaytarılmalıdır. Şərh olunanlara əsasən və Azərbaycan Respublikası İXM-nin 106, 109-cu maddəsini rəhbər tutaraq Qərara aldı : X1 EXP ******* saylı, 01.05.2021-ci il tarixli inzibati xəta haqqında elektron protokol və onun əsasında qəbul edilmiş 01.05.2021-ci il tarixli elektron qərardan şikayəti müddət ötürüldükdən sonra verildiyinə görə geri qaytarılsın. Sədrlik edən : Vaqif Həsənov